Vinsamlegast athugið að þetta efni er eldra en 2 ára.
Úthluta 36 milljónum til verkefna á sviði almenningssamgangna
Mynd / HKr.
Fréttir 3. nóvember 2021

Úthluta 36 milljónum til verkefna á sviði almenningssamgangna

Höfundur: Margrét Þóra Þórsdótttir

Alls hefur verið úthlutað 36 milljónum króna til sjö verkefna á sviði almenningssamgangna fyrir árið 2021 og 2022. Markmið með framlögunum er að styðja við áframhaldandi þróun almenningssamgangna um land allt og þá sérstaklega út frá byggðalegum sjónarmiðum. Alls bárust níu umsóknir og var sótt um styrki fyrir tæpar 77 milljónir króna.

Tvær milljónir króna fara í verkefni sem hefur þann tilgang að efla samgöngur á Snæfellsnesi, m.a. með því að samþætta skóla- og tómstundaakstur. Samtök sveitarfélaga á Vesturlandi sóttu um styrkinn en þegar liggja fyrir tillögur um samræmt leiðakerfi á Snæfellsnesi. Vinna þarf betur úr tillögum og velja þá réttu.

Farþega- og póstflutningar

Eitt verkefnanna ber heitið Samfélagsleg nýsköpun – samlegð farþega- og póstflutninga á Norðausturlandi. Samtök sveitarfélaga á Norðurlandi eystra sóttu um og fengu styrk að upphæð 3,8 milljónir króna. Þarfagreining hefur þegar verið gerð en fram undan er að vinna frekari greiningu á hindrunum, umhverfi og finna hagkvæmar lausnir. Fyrirmyndir verða sóttar til annarra landa, meðal annars norður-Noregs, varðandi það kerfi sem hefur verið byggt upp með samnýtingu ýmiss konar flutninga.
Heilsueflandi almenningssamgöngur í Langanesbyggð er heiti á verkefni sem hlaut 1,2 milljónir króna þróunarstyrk en ætlunin er að koma á almenningssamgöngum milli Bakkafjarðar og Þórshafnar með því að tvinna saman lýðheilsustefnu og notendamiðaðan frístunda- og tómstundaakstur. Byggð við Bakkaflóa hefur átt undir högg að sækja og verk­efnið er liður í átaki gegn þeirri þróun.

Ástand stoppistöðva Strætó á landsbyggðinni

Öryrkjabandalag Íslands hlaut einnig tvær milljónir króna til að vinna heildstætt mat á ástandi stoppistöðva Strætó á landsbyggðinni og setja fram tillögur að úrbótum. Þá fékk Austurbrú 7 milljónir króna til að gera viðhorfskönnun meðal þeirra sem notað hafa Loftbrú, meta notagildi og hlutverk hennar. Þá fengu Samtök sveitarfélaga á Vesturlandi styrk upp á 12 milljónir króna til að hefja tilraunaverkefni sem tryggir að íbúar dreifbýlis í Borgarbyggð geti nýtt ferðir skólabíla til að sækja vinnu eða þjónustu. Styrkurinn deilist á tvö ár.

Fjarðabyggð fékk 8 milljónir króna vegna verkefnis um nýtt kerfi almenningssamgangna í byggðalaginu, en það tók gildi 1. september síðastliðinn. Verkefnið er tilraunaverkefni sem stendur yfir í 16 mánuði og er hugsað til að gera Fjarðabyggð að einu atvinnu- og skólasóknarsvæði. 

Skylt efni: almenningssamgöngur

Stjórnvaldssekt staðfest
Fréttir 20. maí 2024

Stjórnvaldssekt staðfest

Bændur á Vesturlandi telja jafnræðis ekki hafa verið gætt þegar Matvælastofnun (...

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...