Vinsamlegast athugið að þetta efni er eldra en 5 ára.
Úlfaldaprump og hreinleikavottorð
Fréttir 8. ágúst 2017

Úlfaldaprump og hreinleikavottorð

Höfundur: Vilmundur Hansen

Í Ástralíu hefur komið upp sú hugmynd að slátra úlföldum til að draga úr losun gróðurhúsalofttegunda. Einnig hefur komið til tals að selja einstaklingum og fyrirtækjum hreinleikavottorð sem jafngilda losun gróðurhúsalofttegunda þeirra úfalda sem yrðu slátrað.

Áætlað er að yfir 14% af heildarlosun gróðurhúsalofttegunda í heiminum megi rekja til landbúnaðar. Stór hluti þess er á formi metans frá nautagripum en talið er að allt að 35% þess metans sem losnar út í andrúmsloftið vegna athafna manna, megi rekja til kvikfjárræktar.

Úlfaldar losa að meðaltali 46 kíló af metani á ári, með ropi og viðrekstri, sem jafngildir nálægt 1150 kílóum af koltvísýringi og er tæpur helmingur af árslosun nautgripa og tæplega sex sinnum meira en losun sauðkindar.

Fjöldi úlfalda í heiminum er tæpar 30 milljónir samkvæmt tölfræðideild Matvæla- og landbúnaðarstofnunar Sameinuðu þjóðanna, FAOSTAD. 23,5 milljón úlfaldar eru sagðir vera í Afríku, 4,2 milljónir í Asíu en það sem upp á vantar er dreift um Evrópu og Norður-Amaríku. Talsvert mikið er einnig um úlfalda í Ástralíu.

Úlfaldar í Ástralíu

Yfirvöld í Ástralíu hafa líkt og margir um víða veröld áhyggjur af vaxandi losun gróðurhúsalofttegunda og hækkun lofthita í heiminum af þeirra völdum. Þar sem úlfaldar gefa frá sér talsvert mikið magn af metani hefur komið upp í Ástralíu sú hugmynd að smala saman úlfaldahjörðum með þyrlum. Hugmyndin gengur út á að fella dýrin úr lofti eða senda þau í sláturhús og nota kjötið til manneldis og í gæludýrafóður.

Með því að fækka úlföldunum er tilgangurinn að draga úr losum gróðurhúsalofttegunda í Ástralíu og minnka kolefnisfótspor álfunnar um leið.

Losunarkvóti úlfalda

Fyrirtæki í Ástralíu sem kallast Nort­hwest Carbon hefur lagt til að einstaklingar og fyrirtæki geti keypt sér kolefniskvóta eða hreinleikavottorð fyrir þá úlfalda sem yrðu feldir.

Kolefniskvótinn sem einstak­lingar eða fyrirtæki mundu fá í sinn hlut jafngilti því magni af gróðurhúsalofttegundum sem áætlað er að úlfaldinn mundi gefa frá sér í ákveðinn tíma. Einstaklingunum og fyrir­tækjunum er svo frjálst að nota viðbótakvótann að vild til dæmis með því að auka neyslu sína eða framleiðslu sem gefur frá sér gróður­húsalofttegundir.

Hreinleikavottorð seld úr landi

Óneitanlega minnir þetta á skrípa­leikin með sölu sumra íslenskra orkufyrirtækja á hreinleika­vott­orðum til erlendra fyrirtækja sem nota jarð­efna­eldsneyti og kjarnorku við sína framleiðslu. Salan á hreinleika­vottorðunum leiðir svo til þess að á pappírunum eru 79% af raforku á Íslandi sögð framleidd með kjarnorku og jarðefnaeldsneyti en erlendu fyrir­tækin fá syndaaflausn.

Á samsvarandi orkureikningum Ástrala sem kaupa hreinleikavottar vegna úlfalda sem eru felldir mun eflaust koma fram að orkan sem þeir nota sé að hluta til úlfaldafret.

Íslenskir nautgripa- og sauðfjár­bændur ættu hér að sjá sér leik á borði og athugað hvort þeir geti ekki selt frá sér losunarkvóta naut­gripa og sauðfjár fækki þeir gripum.

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...