Tilraunir með ullarafganga

Prjónaverksmiðjan Kidka á Hvammstanga var í tilraunaverkefni þar sem þróað var nýtt garn unnið úr afskurði og ullarafgöngum úr þeirra framleiðslu.

Nýja garnið sem gefið var heitið ReCover var endurunnið í samstarfi við verksmiðju á Bretlandi sem sérhæfir sig í endurvinnslu á ullarefni. Á þessu ári hætti áðurnefnd verksmiðja að taka við ullarafgöngum frá utanaðkomandi aðilum og framleiðslu á ReCover bandi hætt í bili. Í verksmiðjunni var litaflokkaður afskurður tættur niður og spunnið úr honum nýtt ullarband sem blandað var með merino ull. Samsetning garnsins var 40 prósent íslensk ull úr verksmiðju Kidka og 60 prósent ný merino ull. Úr verkefninu kom band í fjórum mismunandi litum og voru spunnin úr því ullarteppi á Bretlandi sem Kidka hefur tekið í sölu.

Stjórnendur Kidka segja verkefnið hafa verið lærdómsríkt og vonast til þess að geta haldið vöruþróun með endurunnu efni áfram. Prjónaverksmiðjan á Hvammstanga fékk úr verkefninu talsvert af bandi sem stendur til að nota í vöruþróun og framleiðslu á ullarfatnaði.