Vinsamlegast athugið að þetta efni er eldra en 7 ára.
Þórarinn Sigþórsson kominn með fisk í Kjarrá.
Þórarinn Sigþórsson kominn með fisk í Kjarrá.
Mynd / Stangveiðar á Íslandi
Hlunnindi og veiði 23. júní 2015

Þverá og Kjarrá í Borgarfirði

Höfundur: Sölvi Björn Sigurðsson
Þverá og Kjarrá eru sama áin með hvort sitt nafnið eftir því hvar komið er að henni – Þverá að neðanverðu en Kjarrá ofar. Þessar ár hafa löngum verið taldar í hópi bestu veiðiáa landsins. 
 
Þar veiðast árlega um tvö þúsund laxar en mest yfir fjögur þúsund sumarið 2005. Botninn var í lægðinni 2012 þegar aðeins rúmir sjö hundruð laxar veiddust. Í síðustu vikunni þetta vonda veiðisumar kom enginn lax á fjórtán stangir úr Þverá, sem hlýtur að vera einsdæmi um svo góða laxveiðiá.
 
Hér þarf ekki að fara mörgum orðum um heljarmenni og fornar konur sem kröfsuðu sér leið upp á heiðar á flótta undan örlögum sínum eða í sólríkisgleði bestu stundanna. Örnólfsdalur var alfaraleið útlaga og höfðingja til forna og tengdi saman Vesturland og heiðarnar, þótt illfær sé hann víða fyrir bæði hross og menn, enda kyrrðin hér ríkari en víðátta og umferð.
 
Í upphafi 21. aldar bárust héðan sögur af mönnum sem voru samtímis í báðum stéttum, bæði útlagar og höfðingjar, keyrðu á mótorhjólum upp klettabeltin og skildu þau eftir á eyrunum til að flýta sér að gera nýja samninga í bankanum. Leiðsögumanninum var settur stóllinn fyrir dyrnar; annaðhvort færi hann og veiddi þessa laxa fyrir þá og raðaði þeim í skottið fyrir heimferðina eða fyrirferð hans í óskilgreindu rými efnis og anda yrði minni en guð annars gerði ráð fyrir.
 
Gædinn slæmdi flugu í strengina og gat veitt eins og hann vildi, fiskur var á í hverju kasti, og hann lét sig hafa að tína upp fimm til sex laxa til að hafa kúnnana góða. Þetta mun þó hafa verið í síðasta sinn sem hann leiðsagði þessum hjólreiðagörpum. 
Flestir veiðimenn eru seiddir öðrum söngvum en stríðsöskrum þeagr jafnaðarlaus náttúrufegurðin tekur á móti þeim í einangruðum dölum. Þórarinn Sigþórsson fékk fóstur sitt í veiðimennsku að hluta til við Kjarrá og minnist árinnar og héraðsins sem mikils dýrmætis.
 
„Þessi sýn, þegar við riðum upp úr þokunni, hefur setið svo í minningunni að henni skýtur oft upp í hugann þegar minnst varir,“ segir hann og hugsar þá ekki um alla fiskana sem hann hefur veitt heldur hitt, að fá að vera á þessum litla bletti, óáreittur eitt andartak í góðum félagsskap og finna að sköpunarverkið er manni ekki algjörlega mótfallið. Því hvað jafnast í raun og veru á við það að ríða um fornan dal, með náttúrufegurðina allt um kring og allar áhyggjur heimsins sér að baki?
 
„Þessi veiðiferð í efsta hluta Kjarrár með Sigmari Björnssyni er án efa ein þeirra eftirminnilegustu sem ég hef farið í. Þangað var farið á hestum, til að komast á leiðarenda, haldið af stað snemma vors upp í Svartastokk og mikil spenna í loftinu sem snerist meðal annars um hvort laxinn væri nú mættur. En áður en í Svartastokk yrði haldið þurfti að fara með hestana upp í Sel á Gilsbakkaeyrum daginn áður. Við lögðum af stað árla morguns, um fimmleytið, í svartaþoku. Eftir þriggja til fjögurra tíma reið riðum við skyndilega upp úr móskunni og vorum í heiðríkju. Ég gleymi aldrei þeiri sýn sem við blasti. Eiríksjökull birtist tignarlegur og mér fannst við fljúga skýjum ofar. Þarna vorum við í glaðasólskini, ekki skýhnoðri á himni. Við riðum áfram, eins og í draumi yfir útsýninu. Til að fullkomna ferðina reyndist vera mokveiði í Stokknum! Aflann reiddum við til baka á trússhesti.“

4 myndir:

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...