Vinsamlegast athugið að þetta efni er eldra en 4 ára.
Franskur Roquefort ostur í framleiðslu.
Franskur Roquefort ostur í framleiðslu.
Fréttir 6. maí 2020

Þúsundir tonna af frönskum ostum eyðileggjast vegna COVID-19

Höfundur: Hörður Kristjánsson

Vegna COVID-19 faraldursins og lokunar veitingastaða í Frakklandi sitja franskir bændur nú uppi með 5.000 tonn af ostum sem bíða þess eins að rotna og eyðileggjast. Hafa franskir bændur þegar tapað 157 milljónum evra frá því sjúkdómsfaraldurinn hófst.

Bændur í Frakklandi standa fyrir um helmingi af 230.000 tonna ársframleiðslu á ostum í Evrópusambandinu. Um 60% samdráttur hefur orðið í sölu osta í Frakklandi eftir að margvíslegar takmarkanir voru virkjaðar í Frakklandi til að hefta útbreiðslu á smiti vegna COVID-19.  Þar er um að ræða osta allt frá Camenbert til Roquefort að því fram kemur á netsíðu msn.

Michel Lacoste, forseti landsráðs upprunavottana (CNAOL), sem er starfsrækt af framleiðendum 45 ostategunda í Frakklandi, segir að bændur og ostagerðamenn leiti nú allra leiða til að koma í veg fyrir að lúxusostarnir þurfi að eyðileggjast.  Hafa framleiðendur m.a. reynt að stórlækka ostaverð til að koma birgðunum út. Lacoste segir að smáframleiðendur standi sérlega illa að vígi og Frakkland, sem land hinna þúsund osta, sé í hættu.

Ostar og ostagerð hefur lengi verið mönnum hugleiknir í Frakklandi, enda hefur þessi þjóð náð góðum tökum á framleiðslu viðkvæmra hágæða osta. Charles de Gaulle fyrrum Frakklandsforseti spurði eitt sinn í ljósi mikilvægis ostagerðarinnar hvernig nokkur maður ætti að geta stjórnað landi með 258 ostategundum. Þessari spurningu hefur sífellt orðið erfiðara að svara samfara fjölgun ostategunda, auk þess sem kórónavírusinn veldur því nú að ostagerðarmenn hrópa á hjálp. 

Sjúkdómsfaraldurinn hefur leitt til þess að mjólkurframleiðendur í Evrópu hafa orðið að endurhugsa framleiðsluna og leita leiða til að vinna vörur úr mjólkinni sem þola vel geymslu. Þar hafa menn helst horft til framleiðslu á mjólkurdufti og smjöri. Þetta hefur þó sett allt birgðahald og viðskipti með mjólkurvörur úr skorðum.

Vegna pressu frá stjórnum ríkja innan Evrópusambandsins féllst ESB á að greiða frönskum bændum sérstaklega fyrir að geyma 18.000 tonn af osti og taka tímabundið af markaði. Þá hefur ESB einnig fallist á að greiða sérstakar bætur vegna geymslu á smjöri og þurrmjólk. 

Plastbrúsar framleiddir úr endurunnu rúlluplasti
Fréttir 25. apríl 2025

Plastbrúsar framleiddir úr endurunnu rúlluplasti

Fyrirtækið Pure North í Hveragerði hefur nú náð að loka hringrás endurvinnslu á ...

Reykjavík Open 2025 – Friðriki til heiðurs
Fréttir 25. apríl 2025

Reykjavík Open 2025 – Friðriki til heiðurs

Reykjavík Open, sem hófst miðvikudaginn 9. apríl í Hörpu, hefur fyrir löngu fest...

Málstofa um áburðarmöguleika fiskeldisseyrunnar
Fréttir 24. apríl 2025

Málstofa um áburðarmöguleika fiskeldisseyrunnar

Fiskeldi á landi er vaxandi atvinnugrein, allnokkur stór eldisfyrirtæki eru í up...

Framleiðsla á Hrym í Búðardal
Fréttir 23. apríl 2025

Framleiðsla á Hrym í Búðardal

Fyrirhuguð er stórtæk framleiðsla á lerkiafbrigðinu Hrymi í Dalabyggð á næstu mi...

Skógur alltaf til bóta
Fréttir 22. apríl 2025

Skógur alltaf til bóta

Rannsóknir sýna að áhrif skógræktar á kolefnisforða jarðvegs eru nær alltaf orði...

Fjársjóður fjalla og fjarða
Fréttir 22. apríl 2025

Fjársjóður fjalla og fjarða

Tveggja daga íbúaþing, undir stjórn Sigurborgar Kr. Hannesdóttur, fór fram í Rey...

Er plantað nóg?
Fréttir 16. apríl 2025

Er plantað nóg?

Skógarbændur gegna mikilvægu hlutverki við landgræðslu og skógrækt. Þannig er sk...

Trump skellir í lás
Fréttir 16. apríl 2025

Trump skellir í lás

Alþjóðasamfélagið er skekið eftir tollahækkanir Trumps í þarsíðustu viku.

https://bestun.airserve.net/banner_bundles/de3e87e0d8dde67f98882b3ac12f8b2f