Vinsamlegast athugið að þetta efni er eldra en 9 ára.
Suzuki S-Cross, góður fyrir íslenska malarvegi
Á faglegum nótum 22. maí 2014

Suzuki S-Cross, góður fyrir íslenska malarvegi

Höfundur: Hjörtur L. Jónsson

Fyrir skemmstu komst ég yfir lesningu um tegundir og fjölda seldra bíla frá áramótum og sá ég þá að Suzuki S-Cross er mjög ofarlega á listanum yfir fjórhjóladrifna bíla. Ég fékk lánaðan S-Cross hjá Suzuki bílar hf. í Skeifunni og fór góðan hring um Reykjanesið.

Góður á möl

Prufuhringurinn var Kleifarvatn, Krýsuvíkurbjarg og til baka, svokölluð Djúpavatnsleið, alls um 130 km og um helmingur á slæmum malarvegum. Bíllinn sat þétt á malarveginum meðfram Kleifarvatni og ákvað ég að reyna hann á verri vegum sem væru meira í slóðastíl fremur en hefðbundinna malarvega. Niður að Krýsuvíkurbjargi og Djúpavatnsleið var rétt eins og S-Cross væri hreinlega hannaður til að láta manni líða vel á vegslóðum sem þessum. Malarhljóð nánast ekkert upp undir bílinn, og fjöðrunin sérstaklega góð fyrstu 5-10 cm.

Hörð aftursæti en útsýni gott

Framsætin eru mjög góð og styðja vel við bakið (minnir svolítið á stóla í rallýbíl). Aftursætin eru aðeins síðri og harðari; ef þrír fullorðnir væru í aftursætaröðinni væri aðeins of þröngt (miðast við fullvaxna Íslendinga). Hins vegar er óvenju gott útsýni út úr bílnum frá aftursætaröðinni, sem er ekki á öllum bílum í dag þar sem afturgluggar eru alltaf að minka á kostnað útsýnis.

Leiðsögukonan ágætis skemmtun

Leiðsögukerfi er í bílnum með íslensku korti, rak mig á að það þarf að uppfæra kortið þar sem nýi Suðurstrandavegurinn er ekki í kortinu og sá gamli er merktur sem aðalleið þrátt fyrir að á honum sé lokunarskilti. Hægt er að sjá hvar næsta bensínstöð eða matsölustaður er á einni af valmyndum á skjánum í leiðsögukerfinu. Annars skemmti fjölskyldan sér ágætlega við að hlusta á enskumælandi röddina lesa upp götuheitin í Reykjavík.

Mikið fyrir lítinn pening

Bíllinn sem ég prófaði var sjálfskiptur, fjórhjóladrifinn, með 1,6 l bensínvél og kostar aðeins 4.880.000. Til viðbótar er ýmis annar aukabúnaður í bílnum, s.s. bílastæðisskynjarar, lyklalaust aðgengi og ræsing (nóg að vera með lykilinn í vasanum), 12v tengi á a.m.k. þrem stöðum (sem ég sá), með loftnema í öllum hjólbörðum (segir til ef eitt hjólið er að verða loftlítið), brekkubremsuvara, hljómtæki með tengingu fyrir USB og MP3-spilara ásamt Bluetooth og fleira.

Skemmtilegur með stillt á sportstillinguna

Suzuki S-Cross er góður innanbæjar því að bensínvélin í bílnum er spræk og tiltölulega snögg upp á snúning. Hægt er að vera með vélina stillta á snow, auto eða sport og svo er hægt að læsa fram og afturdrifi. Sé maður með vélina stillta á sport snýst vélin hraðar (að jafnaði um 1000 snúningum hraðar en á auto). Ég mæli með að vera að öllu jöfnu með stillt á auto, en læða puttanum á takkann til að setja sportstillinguna á við framúrakstur (prófaði báða takkana við framúrakstur og munurinn var töluverður), leggja af stað úr kyrrstöðu. Hins vegar verð ég að viðurkenna að ég var svolítið of mikið með sporttakkann á og sást það á eyðslunni hjá mér, eftir 111 km akstur hafði ég verið að eyða 7,6 lítrum á hundraðið, á meðalhraða upp á 40 km. Uppgefin meðaleyðsla er hins vegar 5,7 lítrar á hundraðið miðað við bestu aðstæður.


Verð á Suzuki S-Cross er frá 3.980.000 (ekki fjórhjóladrifinn), en á fjórhjóladrifnum er verðið frá 4.490.000. Allar nánari upplýsingar um bílinn má finna á vefslóðinni www.suzuki.is.

Lengd: 4.300 mm
Hæð: 1.580 mm
Breidd: 1.765 mm
Þyngd: 1.085 mm

7 myndir:

Heitt vatn finnst á Ströndum
Fréttir 1. desember 2023

Heitt vatn finnst á Ströndum

Heitt vatn fannst nýlega við borun á Drangsnesi á Ströndum.

Tímamót í baráttunni gegn riðuveiki
Fréttir 1. desember 2023

Tímamót í baráttunni gegn riðuveiki

Tímamót eru í baráttunni gegn riðuveiki í sauðfé með nýrri nálgun stjórnvalda þa...

Birgðir kindakjöts aldrei minni
Fréttir 1. desember 2023

Birgðir kindakjöts aldrei minni

Birgðir kindakjöts í lok ágústmánaðar hafa aldrei verið minni en á þessu ári.

Samningaviðræðum við Miðfjarðarbændur ekki lokið
Fréttir 30. nóvember 2023

Samningaviðræðum við Miðfjarðarbændur ekki lokið

Í umræðum á Alþingi á mánudaginn um riðuveiki í sauðfé og bætur vegna niðurskurð...

Sala sýklalyfja dregst saman
Fréttir 30. nóvember 2023

Sala sýklalyfja dregst saman

Sala sýklalyfja fyrir búfé og eldisfiska í Evrópu dróst saman um 12,7% milli ára...

Stefnir í að tap verði 525 krónur á kílóið
Fréttir 30. nóvember 2023

Stefnir í að tap verði 525 krónur á kílóið

Í nýlegri skýrslu Ráðgjafar­miðstöðvar land­búnaðarins um rekstrarafkomu nautakj...

Kortlagning ræktunarlands
Fréttir 30. nóvember 2023

Kortlagning ræktunarlands

Gert er ráð fyrir að þings­ályktunar­tillaga um nýja lands­skipulagsstefnu til 1...

Fagstaðlaráð í umhverfis- og loftslagsmálum
Fréttir 27. nóvember 2023

Fagstaðlaráð í umhverfis- og loftslagsmálum

Nýtt fagstaðlaráð hefur verið stofnað undir hatti Staðlaráðs Íslands. Það verður...