Vinsamlegast athugið að þetta efni er eldra en 7 ára.
Smjörböðuð nautasteik og ljúffeng jarðarber í skammdeginu
Mynd / BGK
Matarkrókurinn 15. janúar 2016

Smjörböðuð nautasteik og ljúffeng jarðarber í skammdeginu

Höfundur: Bjarni Gunnar Kristinsson
Áður en lesendur demba sér í þorramatinn er upplagt að gæða sér á ljúffengri nautasteik. Smjörböðuð ribeyesteik er ómótstæðileg en galdurinn er að elda kjötið rétt. Afbrigði af béarnaise-sósu með kjötkrafti ættu allir að kynna sér. 
 
 
Tómatar, basil og mozzarellaostur ásamt ólífuolíu á brauði er klassík og kjörinn snittubiti. En það má líka nota ýmsa hvítmygluosta og taka sultuna á nýtt plan með því að nota fersk jarðarber með balsamic-ediki, til að fá jafnvægi á sýru og sætu. Það er hægt að meðhöndla jarðarber mikið eins og tómata með ediki, ólífuolíu, salti og pipar. Og smá ferskt hakkað basil er punkturinn yfir i-ið.
 
Í lokin er lítil uppskrift að jarðarberjabollaköku sem fljótlegt er að laga í örbylgjuofni.
 
Smjörböðuð nautasteik
  • Nautakjöt, ribeye, skorið í steikur
  • 300 g  smjör
  • 2 hvítlauksgeirar
  • salt og pipar
  • kryddjurtir t.d. 1 grein rósmarín
  • sveppir 
  • Kartöflur og grænmeti að eigin vali, t.d. spergilkál, laukur og kóríander
Hitið pönnu yfir miðlungs hita. Setjið kjötið, sem búið er að skera í steikur, á pönnuna. Eldið í um 5 mínútur þar til það hefur brætt ágætis magn af fitunni. Setjið á hina hliðna og eldið í um 5 mínútur. Snúið og eldið í um 3 mínútur til viðbótar. Þá er bætt smjörinu, rósmaríngrein og hvítlauk. Haldið við 60 °C (sem er miðlungs steikt með kjötmæli), stráið salti og baðið í smjöri í lágmark 6 mínútur. Gott er að velta kjötinu stöðugt í smjörinu. Takið upp úr og kryddið með meira salti og eldið í um 3 mínútur til að hita kjötið upp á pönnunni. Notið smjörið í bernaisesósu eða kryddsmjör og framreiðið með kjötinu.
 
Berið fram með útgáfu af bernaise-sósu, sauce foyot.
 
Sauce foyot
Í franska eldhúsinu fyrr á tíðum voru allar grunnsósur skráðar í uppskriftabækurnar. Ef einu nýju bragðefni var bætt í var nýtt nafn fundið á sósuna. Béarnaise-sósa með kjötgljáa (krafti) er kölluð foyot-sósa. Gott er að nota smjörið sem kjötið var baðað í.
  • 3 stk. eggjarauður
  • 300 ml brætt smjör
  • 1 msk. dijon sinnep
  • 2 msk. bearnaise kryddlögur
    (bearnaise essens)
Eftir smekk:
  • 2 tsk. estragon þurrkað 
  • 1/2 búnt fersk estragon (má sleppa)
  • eftir smekk salt og pipar  
  • eftir smekk kjötkraftur
Bræðið smjörið, þeytið eggjarauðurnar og bætið smjöri varlega út í eggjarauðurnar og þeytið vel á meðan. Kryddið með bernaise essens (kryddlegi), dijon sinnepi, sítrónusafa, estragon og salti og pipar eftir smekk.
 
Jarðarberja „bruschetta“ með balsamic-ediki og basillaufi
  • 1 box fersk jarðarber, skorin í sneiðar
  • 1 msk. balsamic-edik
  • 1 msk. ólífuolía
  • 1 msk. hakkað ferskt basil
  • ögn af salti
  • nýmalaður svartur pipar, eftir smekk
  • smá af muldum rauðum chilipipar flögum (valfrjálst)
  • 1 stk. baguette brauð, skorið í 1 cm sneiðar
  • auka basil fyrir skraut
Raðið á ristaðar brauðsneiðar. Jarðarber með smá balsamic-ediki, olíu, basil, salti, pipar og ögn af muldum rauðum chili-pipar. Skreytið bruschettuna með basillaufi. Berið fram strax.
 
Jarðarberjakaka í bolla
  • 1 bolli (180 g) grófsöxuð jarðarber
  • 1 tsk. sykur eða annað sætuefni eins og maple síróp
  • ¼ tsk. vanilludropar
  • 1 msk. smjör, brætt
  • 3 msk. hveiti
  • ½ msk. sykur
  • ¹⁄₈ tsk. af lyftiduft 
  • 1 msk. valsaðir hafrar (eða annað gott korn, til dæmis chiafræ, sesam eða musli-mix)
  • klípa af muldum kanil
Blandið saman jarðarberjum, sykur og vanillu í leir- eða glerskál. Setjið restina af þurrefnunum í skálina og blandið í bræddu smjöri. Blandað saman með gaffli til að koma því saman, svolítið eins og kökumulningur. Setjið yfir jarðarberin.
 
Setjið í örbylgjuofn í lágmark 1 mínútu plús 10–20 sekúndur. Tímasetning gæti verið mismunandi eftir krafti örbylgjuofnsins. Borðið strax með rjóma og ferskum berjum!

2 myndir:

Auknar fjárveitingar til viðhalds varnarlína í Miðfjarðarhólfi
Fréttir 8. júní 2023

Auknar fjárveitingar til viðhalds varnarlína í Miðfjarðarhólfi

Fjárveitingar til viðhalds á tveimur varnarlínum sauðfjársjúkdóma milli Miðfjarð...

Nýr lausapenni
Fréttir 8. júní 2023

Nýr lausapenni

Umfangsmeira Bændablað kallar á mannafla og er Þórdís Anna Gylfadóttir nýr liðsf...

Dregur úr innlendri framleiðslu nautakjöts
Fréttir 8. júní 2023

Dregur úr innlendri framleiðslu nautakjöts

Samdráttur í nautakjötsframleiðslu nú er afleiðing lægra afurðaverðs árið 2021 a...

Eitt sýni jákvætt á Urriðaá
Fréttir 8. júní 2023

Eitt sýni jákvætt á Urriðaá

Nú er ljóst að eina staðfesta riðuveikitilfellið á Urriðaá í Miðfirði var í kind...

Ályktað um innflutning og upprunamerkingar
Fréttir 8. júní 2023

Ályktað um innflutning og upprunamerkingar

Aðalfundur Kaupfélags Skagfirðinga, sem haldinn var á Sauðárkróki þann 6. júní s...

Eftirmál riðuveiki
Fréttir 8. júní 2023

Eftirmál riðuveiki

Sauðfjárbændurnir á Urriðaá og Bergsstöðum í Miðfirði standa saman í erfiðum sam...

Óvissa um starfsemi BÍL
Fréttir 7. júní 2023

Óvissa um starfsemi BÍL

Aðalfundur Bandalags íslenskra leikfélaga (BÍL) lýsir yfir vonbrigðum með drátt ...

Vilja flytja út færeysk hross
Fréttir 6. júní 2023

Vilja flytja út færeysk hross

Til þess að bjarga færeyska hrossastofninum frá aldauða hefur komið til skoðunar...