Vinsamlegast athugið að þetta efni er eldra en 7 ára.
Merlo multifarmer.
Merlo multifarmer.
Mynd / HJL
Á faglegum nótum 10. mars 2016

Skotbómulyftari og dráttarvél í einu og sama tækinu

Höfundur: Hjörtur L. Jónsson
Þegar fyrsti skuttogarinn kom til landsins til að taka við af gömlu síðutogurunum höfðu menn ekki trú á að svona há skip á sjónum gæti nokkurn tímann veitt fisk og héldist ofansjávar við strendur Íslands, en raunin var önnur. Merlo-dráttarvélin er svipuð nýjung og þegar fyrsti skuttogarinn kom til landsins.
 
Vélin hefur ekki útlit venjulegra traktora og að sjá ekki traktorsleg, en að mínu mati er hér framtíðar traktorinn. Kunningi minn, Keran Stueland Ólason í Breiðavík, er að fá Merlo-traktor frá Íslyft. Ég fékk leyfi hjá Keran til að prófa gripinn áður en hann yrði sendur vestur í Breiðavík.
 
Ótrúlega hljóðlát inni í stýrishúsinu
 
Ég ákvað að prófa vélina til snjómoksturs heima hjá mér og finna hvernig hún væri í akstri. Frá Íslyft í Vesturvörinni í Kópavogi og í Bústaðahverfið þar sem ég á heima þarf að fara Kringlumýrarbrautina. Á móts við Fossvogsnesti sýndi hraðamælirinn 41 km á klukkustund og þegar ég var komin efst í brekkuna upp við Bústaðaveg var hraðinn orðin 27, en oft hef ég keyrt þessa leið á ýmsum traktorsgröfum og er hraðinn á þeim öllum mun minni (lægst sem ég man er 16 km efst í brekkunni). Á þessari leið með gjöfina í botni fannst mér hávaðinn inni í vélinni vera lítill svo að ég tók upp símann og mældi hávaðann sem reyndist ekki vera nema 62 desibel (db.) (hef séð hæst 64 db. í venjulegum fjölskyldubílum á 90 km hraða).
 
Tók svolítinn tíma að venjast stórri vélinni
 
Fjórhjólastýri er á vélinni, en stillingar til að stýra eru þrjár (öll fjögur, til hliðar og stýri á einum öxli). Ég kaus að nota sem mest fjórhjólastýrið (en prófaði aðeins hina tvo valmöguleikana).
 
Það tók mig svolítinn tíma að venjast að keyra á fullri ferð með fjórhjólastýringuna á, en í akstri tók það mig smá tíma að venjast því að um leið og slegið er af hemlar vélin sig strax niður (rennur ekkert). 
Að vinna með moksturstækjunum og að finna hreyfingarnar í vélinni á þröngu bílastæði kom á óvart. Vélin er vissulega fullstór á svona litlu plani, en til að moka nákvæmt gafst mér það vel að setja niður skófluna og skjóta út gálganum. Með þessari aðferð gat ég mokað mjög nákvæmt. Planið byrjar á jafnsléttu og hallar svo og þá kom sér vel að geta hallað húsinu og skóflunni. Fyrir vikið náði ég að moka alls staðar niður í malbik.
 
Mikið af upplýsingum úr tölvu vélarinnar
 
Það sem ég var hrifnastur af var tölvan í vélinni, en hún getur gefið manni upplýsingar bæði frá þrítenginu að aftan og það sem gert er með framskóflunni. Sem dæmi að þá er hægt að láta tölvuna vigta hverja skóflu sem mokuð er og leggja saman heildarmagnið (eftir þrjár skóflur af snjó var samanlögð vigt þeirra hjá mér 1160 kg). Þetta ætti að koma sér vel ef verið er að selja efni, moka í steypuvél og fl. Eini ókosturinn sem ég sá við vélina var að spegillinn hægra megin varð hálfur drulluskítugur af dekkjunum sem jusu upp á spegilinn í akstri, allt annað fannst mér nýjung og spennandi við þessa nýtísku dráttarvél. 
 
Merlo Multifarmer
 
Vélin er frá DEUTZ og skilar 156 hestöflum. Hámarkshraði er 40 km. Stýrishús er fjaðrandi (á loftpúðum). Vélin er m.a. með útvarpi, 2 vinnuljósum á bómu, 4 vinnuljósum á húsi, blikkljósi á húsi, slökkvitæki (þetta er fyrsta dráttarvélin sem ég veit um að er með slökkvitæki), innstungu fyrir ljósabúnað og fl. Aftan á vélinni er aflúrtak sem skilar um 135 hestöflum, samkvæmt bæklingi hefur þrítengið lyftigetu upp á 7 tonn. Lyftuhæð skóflu er 7 metrar og er uppgefin lyftugeta framskóflu 4000 kg.  Nánari upplýsingar er hægt að nálgast á vefsíðunni 
www.islyft.is.
Fuglavarnir til bjargar laxaseiðum
Fréttir 1. júní 2023

Fuglavarnir til bjargar laxaseiðum

Nýstárleg tilraun var gerð við ósa Haffjarðarár síðasta sumar, þegar fuglavarnar...

Fjölgun nema í kjötiðn
Fréttir 1. júní 2023

Fjölgun nema í kjötiðn

Rúnar Ingi Guðjónsson segist finna fyrir mjög miklum áhuga hjá ungu fólki að lær...

Ferðamenn sækja í skóga
Fréttir 1. júní 2023

Ferðamenn sækja í skóga

Stjórn Félags skógarbænda á Suðurlandi harmar framkomnar órökstuddar fullyrðinga...

Ártangi til sölu
Fréttir 31. maí 2023

Ártangi til sölu

Hjónin Gunnar Þorgeirsson og Sigurdís Edda Jóhannesdóttir hafa sett garðyrkjustö...

Skýr afstaða í könnun
Fréttir 31. maí 2023

Skýr afstaða í könnun

Meirihluti þjóðarinnar er sammála því að íslenska ríkið eigi að leggja aukið fjá...

Glaðbeittur starfsmaður í þjálfun
Fréttir 31. maí 2023

Glaðbeittur starfsmaður í þjálfun

Ágúst Sigurðsson á Kirkjubæ á Rangárvöllum hefur nýlega tekið við starfi fagstjó...

Erlendir sérhæfðir garðyrkjuráðunautar á Íslandi
Fréttir 31. maí 2023

Erlendir sérhæfðir garðyrkjuráðunautar á Íslandi

Matvælaráðherra úthlutaði nýlega styrkjum til þróunarverkefna búgreina, um 93 mi...

Afhending eftir sauðburð
Fréttir 30. maí 2023

Afhending eftir sauðburð

Matvælastofnun hefur náð samkomulagi við sauðfjárbændur á nokkrum bæjum í Miðfja...