Vinsamlegast athugið að þetta efni er eldra en 5 ára.
Sinneps- og kryddjurtagljáð lamb, berjabaka og ís
Mynd / BGK
Matarkrókurinn 10. mars 2017

Sinneps- og kryddjurtagljáð lamb, berjabaka og ís

Höfundur: Bjarni Gunnar Kristinsson
Hér eru þrír fljótlegir en afar gómsætir réttir; sinneps- og kryddjurtagljáð lamb, berjabaka og ís.
 
Sinneps- og kryddjurtagljáð lamb með beikoni
  • 4-6 bitar af góðu lambi, um 180-200 g á mann
  • Ein matskeið ólífuolía
  • Tvær matskeiðar Dijon-sinnep
  • 1/4 bolli fersk steinselja, fínt söxuð
  • 150 g beikon, sneiðar (stökkteiktar og þerraðar á pappír)
  • Tveir stórir skalotlaukar, eða litlir rauðlaukar skornir í tvennt
Hitið ofninn í 220 gráður. 
 
Kryddið kjötið með salti og pipar. Gott að brúna við háan hita á öllum hliðum.
 
Blandið jurtunum saman í skál með ólífuolíu og stökku beikoni. 
 
Nuddið allar hliðar lambsins með sinnepi og svo jurta- og beikonblöndunni. Setjið í ofnfast fat og bakið í 5-10 mínútur eftir stærð og gerð vöðvans. Lækkið ofnhitann í 120 gráður eða þar til þykkasti hluturinn nær að lágmarki 60 gráðum. 
 
Látið kjötið hvíla í 15 mínútur. Sneiðið og framreiðið með meðlæti að eigin vali og góðu grænmeti (eins og ristuðum lauk sem er gott að baka með kjötinu, krydda með ediki og smá olíu).
 
Maís passar einnig vel með þessum mat og sveppasósa.
 
Berjabaka sem ekki þarf að baka, með hindberjum og hvítu súkkulaði
  • 180 g Oreo- eða haustkex
  • 75 g ósaltað smjör, brætt
  • 180 g hvítt  súkkulaði
  • 90 ml rjómi
  • 300 g ferskt hindber
Fyrir þessa uppskrift þarft þú fjóra 6-10 sentimetra hringi. Gott ef þeir eru til úr stáli en það má jafnvel nota botn af skyrdós.
 
Bætið smákökum í matvinnsluvél og gerið kexmylsnu. Bætið smjörinu við og blandið saman þangað til komin er sandáferð á blönduna. 
 
Setjið um það bil tvær matskeiðar í hvern hring (eða skyrdós), dreifið jafnt yfir hliðarnar og ýtið þétt niður með fingrunum eða bakhlið. 
 
Kælið í 30 mín.
 
Til að gera súkkulaðikrem er hvítt súkkulaði einfaldlega brætt og hrært  saman við rjóma. 
 
Blandan er hituð í örbylgjuofni, en bara í 20 sekúndur í senn. 
 
Hrærið á milli þar til blandan er slétt og glansandi.
 
Fylltu hvert form eða hring  með hvítu súkkulaði. 
 
Setjið fersk hindber varlega ofan á og skreytið með hvítu súkkulaði.
 
Einfaldur jarðarberja- og bananaís – gerður á fimm mínútum
  • 4 stk. bananar, frosnir
  •  4 bollar jarðarber, frosin
  •  2 matskeiðar sykur (eða hunang)
Setjið jarðarber í skál, bætið sykri við og hristið saman. Setjið skálina í örbylgjuofn í 30 sekúndur í einu. Hrærið þar til jarðarberin mýkjast og sykurinn leysist upp í safanum af berjunum.
 
Setjið banana og jarðarberjablönduna í matvinnsluvél. Hrærið þessu vel saman þar til þetta er orðið að fullkominni blöndu.
 
Setjið í box eða skál og leyfið að stífna upp í frysti í tvær til þrjár klukkustundir.
Takið úr frysti 10 mínútum áður en ísinn er borðaður, til að leyfa blöndunni að mýkjast lítillega. 
Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...