Vinsamlegast athugið að þetta efni er eldra en 6 ára.
Sindri svarar félagsmálaráðherra sem vill auka innflutning matvæla
Mynd / smh
Fréttir 10. ágúst 2017

Sindri svarar félagsmálaráðherra sem vill auka innflutning matvæla

Höfundur: smh

Sindri Sigurgeirsson, formaður Bændasamtaka Íslands, svarar á Facebook-síðu sinni hugleiðingum Þorsteins Víglundssonar félagsmálaráðherra um matvælaverð sem hann viðraði á sinni Facebook-síðu á  þriðjudaginn síðastliðinn. Félagsmálaráðherra lætur þar uppi skoðanir sínar þess efnis að fátt geti tryggt Íslendingum lægra matvælaverð en aukin samkeppni í landbúnaði – með meiri innflutningi matvæla.  Segir hann innkomu Costco sýna fram á þetta.

Sindri segir Þorstein skauta framhjá þeirri staðreynd að vegna hinnar ótrúlegu arðsemi á matvörumarkaði í íslenskri verslun hafi Costco einmitt haft áhuga á því að koma inn á íslenska markaðinn. Arðsemin hafi verið keyrð áfram af hárri álagningu – og sérstaklega hafi það átt við um innfluttar vörur eins og skýrsla Bændasamtaka Íslands um efnið sýndi fram á. Hagar hafi stýrt markaðnum í krafti einokunarstöðu sem Costco virðist vera að brjóta niður að einhverju leyti.

Í svari Sindra er gagnrýnt að með málflutningi Þorsteins sé einungis horft til þess að hægt verði að tryggja almenningi sem lægst vöruverð. „Það er afar ólíklegt að þær ódýru innfluttu landbúnaðarafurðir sem félagsmálaráðherra vill setja á borð íslenskra neytenda uppfylli þessar kröfur því að matvara sem það gerir kostar meira. Ég á reyndar bágt með að trúa því að þetta sé skoðun ráðherrans, miklu frekar yfirsjón af hans hálfu, því að ef þetta er hans skoðun þá er hann væntanlega líka tilbúinn til að gefa eftir eitthvað af réttindum venjulegs verkafólks og öðru sem auðvitað hefur líka áhrif á vöruverð. Því mun ég seint trúa upp á hann,“ segir Sindri.

Sindri setur einnig spurningarmerki við það að félagsmálaráðherra, í ríkisstjórn sem vinnur að aðgerðaráætlun í loftlagsmálum, skuli í raun vera að mæla með því að innflutningur á matvælum skuli vera aukinn með tilheyrandi umhverfiskostnaði. Þá gagnrýnir Sindri heimild Þorsteins fyrir gögnum á samanburði á matvælaverði landa, en hann notar vefinn numbeo.com sem byggir á upplýsingum sem notendur skrá sjálfir inn. „Ekki ætla ég að draga þær skráningar í efa, en það er allt annað mál að draga af þeim eins víðtækar ályktanir og ráðherrann gerir, án þess að bera þær einu sinni saman við opinber gögn, sem hljóta að vera ábyggilegri heimildir. Skoðanakannanir með sjálfvöldu úrtaki eru sjaldnast taldar merkilegar,“ segir Sindri í svari sínu.

Eðlilegur blóðhagur þrátt fyrir blóðtöku
Fréttir 23. febrúar 2024

Eðlilegur blóðhagur þrátt fyrir blóðtöku

Íslenskar blóðmerar áttu auðvelt með að halda uppi eðlilegum blóðhag þrátt fyrir...

Áhersla á greiðslumarkið
Fréttir 22. febrúar 2024

Áhersla á greiðslumarkið

Á deildarfundi sauðfjárbænda hjá Bændasamtökum Íslands var samþykkt nær samhljóð...

Nú þarf að láta verkin tala
Fréttir 22. febrúar 2024

Nú þarf að láta verkin tala

Halldóra Hauksdóttir verður áfram formaður búgreinadeildar eggjabænda. Meðstjórn...

Misræmi milli framleiðslu og greiðslumarkseignar
Fréttir 22. febrúar 2024

Misræmi milli framleiðslu og greiðslumarkseignar

Tveir mjólkurframleiðendur uppfylltu ekki yfir 200.000 lítra af greiðslumarki í ...

Formannsslagur í vændum
Fréttir 22. febrúar 2024

Formannsslagur í vændum

Gunnar Þorgeirsson og Trausti Hjálmarsson hafa gefið kost á sér í embætti forman...

Betri afkoma í garðyrkju
Fréttir 22. febrúar 2024

Betri afkoma í garðyrkju

Afkoma ylræktenda fer batnandi en útiræktenda versnandi.

Seljavellir fyrirmyndarbú ársins 2024
Fréttir 22. febrúar 2024

Seljavellir fyrirmyndarbú ársins 2024

Seljavellir í Nesjum í Hornafirði var útnefnt fyrirmyndarbú nautgripabænda Bænda...

Opið fyrir umsóknir
Fréttir 21. febrúar 2024

Opið fyrir umsóknir

Opnað var fyrir umsóknir í Matvælasjóð þann 1. febrúar síðastliðinn.