Vinsamlegast athugið að þetta efni er eldra en 6 ára.
Ragnar Þorsteinsson sauðfjárbóndi.
Ragnar Þorsteinsson sauðfjárbóndi.
Fólk 5. janúar 2016

Sauðfjárbóndinn í Sýrnesi gefur út dagatalið Íslensk lömb

Nýverið kom út dagatalið „Íslensk lömb -  2016“  og er það í annað sinn sem Ragnar Þorsteinsson, sauðfjárbóndi og ljósmyndari, gefur út dagatal sem er tileinkað íslenskun lömbum. Í því eru stórar og fallegar andlitsmyndir af lömbum  í sínu náttúrulega umhverfi, áður en þau eru merkt og mörkuð búi og bónda. Ragnar er með um 300 kindur í húsi, „rétt ofan við meðaltalið“, segir hann. 
 
„Ég gerði tilraun með útgáfu dagatals í fyrra og hef svo verið að þróa hana áfram,“ segir Ragnar, en hann hefur áður um langt árabil útbúið dagatal fyrir fjölskyldu sína og er því ekki nýgræðingur á þessu sviði.  
Útgáfan nú hefur vakið athygli, en fólk víða um land hefur pantað lambadagatal.
 
„Og svo er ég í örlitlum útflutningi líka,“ segir hann, en undanfarið hafa honum borist pantanir frá Noregi.
 „Norska sauðfjárkynið er náskylt því íslenska og þetta virðist hafa hitt þar í mark.“
 
Fráleitt gróðasjónarmið sem ræður för
 
Ragnar segir að einkum og sér í lagi hafi fólk spurnir af dagatali hans í gegnum fésbókina, „án  hennar væri þetta líklega ekki mögulegt, það er lítið fé til reiðu í markaðsstarf og auglýsingar,“ segir Ragnar og bætir við að það sé fráleitt gróðasjónarmið sem ráði för, „við erum lítið á því rólinu, sauðfjárbændur, við kunnum ekkert að græða peninga.“
 
„Maður veit ekki neitt nema að prófa sig áfram og það er um að gera að reyna eitthvað nýtt, sýna framþróun en standa ekki kyrr alltaf í sömu sporum,“ segir Ragnar.
 
Hann tekur myndir á hverjum degi, „fólk, fé og firnindi“, segir hann spurður um hvað hann helst myndi. „Það er náttúran hér í kring og fólk, bara það sem er í sigtinu hverju sinni.“
 
Saklausu lömin höfða til margra
 
Í dagatali Ragnars eru merktir inn hefðbundnir helgi- og frídagar, en þar eru líka upplýsingar um hvenær jólasveinar koma til byggða, gömlu mánaðaheitanna er getið auk ýmissa annarra daga er tengjast landi og þjóð.
 
Stærð dagatalsins er A4, portrait, 13 bls. prentað öðrum megin, og framleitt á Íslandi. Dagatalið höfðar til margra hvort sem er barna eða eldra fólks, stórar myndir af saklausu fallegu ungviði auk þjóðlegs fróðleiks. Ragnar segir dagatalið prentað í takmörkuðu upplagi, Þetta er ódýr og falleg gjöf sem gleður á hverjum degi í heilt ár,“ segir hann. Áhugasamir geta skoðað fésbókarsíðu Ragnars; www.facebook.com/lambidmitt  eða sent póst á netfangið lambidmitt@gmail.com.

3 myndir:

Jóhannes Hreiðar ráðinn framkvæmdastjóri
Fréttir 8. desember 2022

Jóhannes Hreiðar ráðinn framkvæmdastjóri

Auðhumla hefur ráðið Jóhannes Hreiðar Símonarson framkvæmdastjóra Auðhumlu svf.

Gátu ekki gert grein fyrir rúmlega 81.000 löxum
Fréttir 8. desember 2022

Gátu ekki gert grein fyrir rúmlega 81.000 löxum

Matvælastofnun hefur lagt stjórn­valdssekt á Arnarlax ehf. upp á 120 milljón kró...

Dominique kveður eftir rúm 20 ár í stjórn
Fréttir 7. desember 2022

Dominique kveður eftir rúm 20 ár í stjórn

Talsverðar breytingar urðu á stjórn samtakanna Slow Food Reykjavík á aðalfundi þ...

Fjármunir til frekari þróunar á smáforriti
Fréttir 7. desember 2022

Fjármunir til frekari þróunar á smáforriti

Íslenska nýsköpunarfyrirtækið HorseDay rekur samnefnt smáforrit um flest allt se...

Framleiðsla á krefjandi tímum
Fréttir 6. desember 2022

Framleiðsla á krefjandi tímum

Fyrir skemmstu komu tveir fulltrúar frá landbúnaðartækjaframleiðandanum Kuhn í h...

Samvinna möguleg
Fréttir 6. desember 2022

Samvinna möguleg

Á Matvælaþingi matvælaráðuneytisins í Hörpu 22. nóvember flutti gestafyrirlesari...

Gúrkuútflutningur hefur fest sig í sessi
Fréttir 6. desember 2022

Gúrkuútflutningur hefur fest sig í sessi

Útflutningur á íslenskum gúrkum til Grænlands og Færeyja virðist hafa fest sig í...

Notkun á„lambatöflum“ mjög algeng á Íslandi
Fréttir 5. desember 2022

Notkun á„lambatöflum“ mjög algeng á Íslandi

Þrír starfsmenn Matvælastofnunar vekja athygli á nýjum lögum um dýralyf, í grein...