Vinsamlegast athugið að þetta efni er eldra en 7 ára.
Sársaukafullar en nauðsynlegar aðgerðir
Fréttir 12. september 2016

Sársaukafullar en nauðsynlegar aðgerðir

Höfundur: Margrét Þóra Þórsdóttir
Frá því afurðastöðvar fóru að birta verðskrár fyrir sauðfjárinnlegg á komandi sláturtíð hafa verið nokkuð fjörlegar umræður um hvað veldur þeirri stöðu sem framleiðsla og sala á lambakjöti er í.  
 
Ágúst Torfi Hauksson, framkvæmdastjóri Norðlenska, segir að staðan sé sú að verulegt tap hafi verið á slátrun og vinnslu þeirra sauðfjárafurða sem féllu til í sláturtíðinni 2015 og fjárhagsleg staða fyrirtækjanna margra hverra býður ekki upp á áframhaldandi taprekstur, því verði að grípa til aðgerða. 
 
„Í tilfelli Norðlenska þá er það svo að sú lækkun sem kynnt hefur verið á innkaupsverði dugar ekki til að rétta af stöðuna.  Auk lækkunarinnar þarf að sækja hækkanir á vöruverði út á markaðinn og leita enn frekari leiða til hagræðingar í rekstri fyrirtækisins,“ segir hann. 
 
Miklar lækkanir - má kalla hrun
 
Ágúst Torfi segir að við núverandi framleiðslu og innanlandssölu lambakjöts þurfi að flytja um þriðjung þess kjöts sem framleitt er út. „Þetta gerir það að verkum að afkoma bænda og afurðastöðva er mjög viðkvæm fyrir þróun á erlendum mörkuðum. Afkoma útflutnings hefur ekki verið ásættanleg og valda þar bæði verðlækkanir á erlendum mörkuðum sem og styrking íslensku krónunnar.
 
Lækkanir hafa verið sérstaklega miklar í aukaafurðum af sauðfé og raunar svo miklar að kalla má hrun. Aukaafurðir eins og garnir og vambir standa nú varla undir söfnunar- og hreinsunarkostnaði og gærur undir söltun og flutning ef þær seljast yfir höfuð. Auk þessa eru enn til í landinu umtalsverðar birgðir af gærum frá fyrri árum óseldar.“
 
Verð á kjöti á mörgum erlendum mörkuðum hefur að auki verið að lækka sem eykur á vandann.
„Við þessar aðstæður er nauðsynlegt að grípa til aðgerða. Þær eru í þessu tilfelli því miður sársaukafullar en vandinn verður einungis stærri ef ekki er brugðist við honum strax,“ segir Ágúst Torfi, og væntir þess að gott sumar og vænir dilkar mildi áhrif lækkunarinnar á rekstur sauðfjárbúa.
Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...