Vinsamlegast athugið að þetta efni er eldra en 4 ára.
Suzuki Baleno 1,0 GLX.
Suzuki Baleno 1,0 GLX.
Mynd / HLJ
Fræðsluhornið 10. mars 2017

Rúmgóður og kraftmikill smábíll

Höfundur: Hjörtur L. Jónsson
Meðalstórir fólksbílar seljast ekki mikið, mest er sala í smábílum og stærri bílum. Á dögunum prófaði ég Suzuki Baleno sem ég flokka sem meðalstór fólksbíll, en er sparneytinn eins og smábíll, rúmgóður eins og stór bíll, ódýr og þægilegur í akstri.
 
Suzuki Baleno er fáanlegur í sjö mismunandi tegundum, með tvær mismunandi vélar. Ýmist sjálfskipta eða beinskipta og einn Hybrid. 
 
Verð á Suzuki Baleno er frá 2.260.000 sá ódýrasti, upp í 3.320.000 (112 hestafla sjálfskiptur). Vélarnar í Baleno eru annars vegar 1,2  lítra  90 hestafla vél eða 1,0 112 hestafla vél með forþjöppu. 
 
Uppgefin eyðsla er 4,5 lítrar á Baleno
 
Bíllinn sem ég prófaði var 1,0 l bíllinn og beinskiptur. Þrátt fyrir að vélin væri ekki nema 1,0 lítra þá sér forþjappan um að vélin vinnur vel og gefur bílnum skemmtilega snerpu.
 
Tog er gott og heldur vélin ágætlega hraða upp brekkur á toginu. Sem dæmi um ágæti vélarinnar þá náði ég að vera með undir þriggja lítra eyðslu á jafnsléttu í á um 20 km kafla ef ég passaði mig á að vera á hraða undir 90 km á klukkustund. 
 
Prufuaksturinn yfir 140 km 
 
Í prufuakstrinum reyndi ég bílinn á malarvegi, og var ég ánægður með fjöðrunina. Smásteinahljóð undir bílnum sem kom af grófum vetrardekkjunum fannst mér þó full mikið. Hins vegar var veghljóð mjög lítið á malbiki þrátt fyrir gróf vetrardekk undir bílnum. Það bendir til þess að bíllinn sé vel hljóðeinangraður.
Þegar ég prufukeyri bíla reyni ég að fara að lágmarki um 100 km, en það var svo gaman og þægilegt að keyra þennan Suzuki Baleno að ég endaði í nálægt 150 km. Megnið af prufuakstrinum var ég að fylgjast með eyðslunni á þessari litlu kraftmiklu vél sem kom mér alltaf meira og meira á óvart eftir því sem kílómetrarnir urðu fleiri. Á endanum hafði ég verið í bílnum í um þrjá tíma, meðaleyðsla þessa 145 km var 5,7 lítrar á hundraðið. Það er mjög ásættanlegt þar sem að ég margprófaði bílinn á mismunandi hraða í sömu brekkunni með tilliti til eyðslu.
 
Gott rými
 
Í framsætum er gott að sitja, fótarými gott, einnig í aftursætum er gott rými og til marks um það að á mörgum bílum er ekkert þægilegt að sitja í miðjunni í aftursætinu. Ég settist í miðjusætið og þar var gott pláss og á milli 10 og 20 sentímetrar í bak framsætanna frá hnjánum á mér. Farangursrýmið í skottinu er gott, en í boði er að vera með lítið pláss sem er þægilegt að taka úr eða að dýpka rýmið og fá stærra farangursrými.
 
Margir nýir bílar koma án varadekks í dag sem mér finnst mikill mínus, en í Baleno er varadekk sem ég kalla aumingja. Það er þó allavega skárra en ekkert.
 
Hliðarspeglar eru ágætir, en baksýnisspegillinn í framrúðunni er óþægilega neðarlega og stelur aðeins útsýni fram á við úr ökumannssætinu.
 
Skjár dofnar mikið við að kveikja á ljósum
 
Ókostur að þurfa að kveikja ljósin alltaf þegar farið er af stað til að vera löglegur í umferðinni þar sem afturljósin koma ekki á nema ljósin séu kveikt.
 
Við að þurfa að kveikja ljósin er að þá dofna ljós í mælaborðinu svo mikið að varla er hægt að sjá á skjáinn með GPS leiðarkerfinu þegar mjög bjart er úti.
 
Helstu mál:
 
Verðið á prufubíl 2.990.000 kr.
Vél 112 hestöfl, bensín 998cc. 
Hæð 1.470 mm
Breidd 1.745 mm
Lengd 3.995 mm
 

 

7 myndir:

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...