Vinsamlegast athugið að þetta efni er eldra en 5 ára.
Reglugerð um vöktun á sýklalyfjaþoli
Mynd / Wikimedia Commons
Fréttir 16. nóvember 2018

Reglugerð um vöktun á sýklalyfjaþoli

Höfundur: smh

Reglugerð, sem setur nákvæmar reglur um vöktun á þoli gegn sýklalyfjum í dýrum, matvælum, fóðri, áburði og sáðvöru, var gefin út í gær í atvinnuvega- og nýsköpunarráðuneytinu.

Í tilkynningu úr ráðuneytinu kemur fram að reglugerðin taki mið af tillögum starfshóps um aðgerðir til að draga úr útbreiðslu sýklalyfjaónæmra baktería á Íslandi og kostnaður við sýnatökur samkvæmt reglugerðinni hafi nú þegar verið fjármagnaður.

„Reglugerðin mælir fyrir um sýnatökur og skýrslugjöf á þoli gegn sýklalyfjum sem greinast í dýrum, dýraafurðum eða matvælum, fóðurefnum til fóðurgerðar, fóðri, fiskimjöli, vatni, umhverfi eða öðrum sýnum sem tengjast eftirliti Matvælastofnunar og heilbrigðisnefnda sveitarfélaga. Matvælastofnun og heilbrigðisnefndir sveitarfélaga fara með framkvæmd reglugerðarinnar,“ segir í tilkynningu ráðuneytisins.

Karl G. Kristinsson.

Karl G. Kristinsson, yfirlæknir Sýkla- og veirufræðideildar Landspítala, segir að þessi reglugerð sé því miður búin að vera allt of lengi í undirbúningi og sé löngu tímabær. „Við höfum verið á eftir í þessu tilliti og það er gott fyrir íslenska bændur að þetta er nú komið. Vinna við framkvæmd hennar mun væntanlega staðfesta enn frekar sérstöðu íslenskra landbúnaðarafurða hvað varðar sýklalyfjaónæmi. Svo er bara vonandi að við náum að halda þeirri stöðu.“

Nýverið var greint frá niðurstöðum rannsóknar sem unnin var fyrir Smitvarnastofnun Evrópu þar sem fram kom að sýkingar vegna sýklalyfjaónæmra baktería hafi orðið rúmlega 33.000 Evrópubúum að aldurtila árið 2015, þegar rannsóknin var gerð. Í greininni er lýst þeirri hættu sem heimsbyggðin horfir fram á vegna aukinnar tíðni sýkinga af völdum sýklalyfjaónæmis. Talið er að sýklalyfjaónæmar bakteríur muni ógna verulega lýðheilsu í framtíðinni verði ekkert að gert.

Myndin sýnir DALYs (e. Disability Adjusted Life Years) og segir til um þann fjölda góðra æviára sem glatast vegna heilsufarsvandamála, fötlunar eða ótímabærs dauðdaga í viðkomandi Evrópulöndum árið 2015, sem má rekja til sýklalyfjaónæmra baktería. Tölurnar á x-ásnum sýna fjölda DALYs pr. 100.000 íbúa.

 

Reglugerðina er að finna í stjórnartíðindum í gegnum tengilinn hér að neðan:

Reglugerð um um vöktun á sýklalyfjaþoli í lifandi dýrum, matvælum, fóðri, áburði og sáðvöru

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...