Vinsamlegast athugið að þetta efni er eldra en 5 ára.
Dacia Sandero 90 hestafla bensínbíll.
Dacia Sandero 90 hestafla bensínbíll.
Mynd / HJL
Á faglegum nótum 1. ágúst 2018

Ódýr bíll miðað við stærð

Höfundur: Hjörtur L. Jónsson
Fyrir nokkru ók ég fram hjá BL og sá þar þrjá nýja, mismunandi á litinn, Dacia bíla sem ég hafði ekki prófað. Bíllinn er frá Rúmeníu og heitir Dacia Sandero og búinn til í samvinnu Reunault og Dacia. 
 
Verðið á bílnum er undir tveim milljónum og fer hann þá í ódýrasta flokk bíla sem oftast eru smæstu bílarnir, en Sandero er aðeins stærri en smæstu bílarnir og er í raun einum flokki ofar hvað stærð varðar miðað við verð. Til að komast að því hvers vegna bíllinn er svona ódýr miðað við stærð var ekkert annað að gera en að prófa gripinn.
 
Vélin ekki nema 900 cc en skilar góðum krafti
 
Strax og ég settist inn í bílinn varð ég þess áskynja að maður fær það sem maður borgar fyrir, engin aksturstölva er í bílnum sem segir til um hita á olíu og vatni, ekki eyðslumæling sem segir til um bensíneyðslu og meðaleyðslu, né hvað maður kemst langt á því eldsneyti sem á tanknum er. Hliðarspeglar stilltir með handafli inni í bílnum á gamla mátann, ekki hiti í sætum og ekki hraðastillir (cruise control). Sem sagt, þarna er kominn stór hluti af svarinu hvers vegna bíllinn er svona ódýr.
 
Að keyra bílinn er ágætt, sætin þægileg og fótapláss gott. Bíllinn er fimm gíra og vinnur ágætlega miðað við að bensínvélin er ekki nema 900 cc. og á að skila 90 hestöflum, þessi litla vél er nefnilega að þrælvirka. Bíllinn er glettilega snöggur að ná umferðarhraða úr kyrrstöðu með tvær persónur inni í bílnum, en mig grunar að hann sé frekar latur og svifaseinn fullhlaðinn úr 0–90 km hraða.
 
Skriðvörnin kemur frekar seint inn á malarvegum
 
Eins og svo oft áður hef ég nefnt að mér leiðist bílar sem eru með smá ljóstírur að framan en engin ljós að aftan. Sandero er svona útbúinn og ef maður vill tryggja að maður fái ekki 20.000 króna sekt í akstri verður maður alltaf að muna að kveikja og slökkva ökuljósin til að vera löglegur í akstri. Það er mikill misskilningur á lögum um ljósabúnað ef menn halda að það þurfi bara ljós að framan í umferð. Samkvæmt lögum og staðfestingu frá Samgöngustofu eiga að vera ljós á bílum í umferð allan hringinn í akstri. 
 
Á 90 km hraða á bundnu slitlagi er töluvert veghljóð inni í bílnum og þegar ekið er á malarvegi er töluvert smásteinahljóð upp undir bílnum aftan til. Þegar ekið er á lausri möl tekur skriðvörnin yfir stjórn bílsins ef hann fer að renna til, en það gerist frekar seint og er bíllinn kominn töluvert út, sérstaklega að aftan (skriðvörnin fer fyrr á ef bíllinn byrjar að renna til að framan).
 
„Er ekki frá því að útvarpið hafi verið besti hluturinn í bílnum“
 
Eftir rúmlega 100 km prufuakstur er mín skoðun að þessi bíll sé ágætis kostur sem „snattbíll“ til smærri verka fyrir þá sem ekki gera miklar kröfur til þæginda. Dacia Sandero er, þegar á heildina er litið, meðalbíll á verði smábíla með mikið farangursrými og fullbúið varadekk. 
 
Verðið er ekki nema 1.990.000 og uppgefin eyðsla er ekki nema 4,9 lítrar af bensíni á hundraðið. Hins vegar vantar flest þægindi í bílinn, en í því felst væntanlega þetta lága verð á bílnum. Að loknum prufuakstrinum var mér hugsað til þess hvað mér hefði fundist best við bílinn, en það mun hafa verið útvarpið sem er mjög gott og kom úr því þessi fíni hljómur (hef oft prófað mun dýrari bíl með verra útvarp). Fyrir áhugasama um að kynna sér Dacia Sandero nánar vil ég benda á sölumenn BL eða á vefsíðuna www.bl.is.
 
Helstu mál og upplýsingar:
 
Hæð 1.519 mm
 
Breidd 1.733 mm
 
Lengd 4.069 mm
 

 

6 myndir:

Áfellisdómur um eftirlit MAST með dýravelferð
Fréttir 11. desember 2023

Áfellisdómur um eftirlit MAST með dýravelferð

Skýrsla Ríkisendurskoðunar um stjórnsýsluúttekt á eftirliti Matvælastofnunar (MA...

Ungmenni berjast gegn stöðnun í dreifbýli
Fréttir 11. desember 2023

Ungmenni berjast gegn stöðnun í dreifbýli

Norrænt ráð 25 ungmenna frá öllum Norðurlöndum sat nýlega fund með norrænum ráðh...

Bæta má orkunýtingu í landbúnaði talsvert
Fréttir 8. desember 2023

Bæta má orkunýtingu í landbúnaði talsvert

Unnt er að spara allt að 1.500 GWst árlega á Íslandi og þar af um 43 GWst í land...

Opnunarhóf í Miðskógi
Fréttir 8. desember 2023

Opnunarhóf í Miðskógi

Byggingu nýs kjúklingahúss í Dölunum er lokið og verður tekið í notkun 1. desemb...

Skilgreina opinbera grunnþjónustu
Fréttir 8. desember 2023

Skilgreina opinbera grunnþjónustu

Unnin hafa verið drög að skilgreiningu á opinberri grunnþjónustu, ásamt greinarg...

Innleiða þarf vistkerfisnálgun
Fréttir 7. desember 2023

Innleiða þarf vistkerfisnálgun

Tímabært þykir að innleiða vistkerfisnálgun á Íslandi með skipulögðum hætti. Fræ...

Verðmætasköpun eykst og mikil sala
Fréttir 7. desember 2023

Verðmætasköpun eykst og mikil sala

Æðarræktarfélag Íslands (ÆÍ) hélt aðalfund að Keldnaholti 18. nóvember. Alls mæt...

Tilraun til að bjarga færeyska hrossakyninu
Fréttir 6. desember 2023

Tilraun til að bjarga færeyska hrossakyninu

Færeyska hestakynið er í útrýmingarhættu en í dag eru til 89 færeysk hross og af...