Vinsamlegast athugið að þetta efni er eldra en 5 ára.
Guðmundur Harðarson kartöflubóndi í Önnuparti í Þykkvabæ með gullauga undan skemmdum kartöflugrösum.
Guðmundur Harðarson kartöflubóndi í Önnuparti í Þykkvabæ með gullauga undan skemmdum kartöflugrösum.
Fréttir 16. ágúst 2017

Næturfrost skemmdi kartöflugrös í Þykkvabæ

Höfundur: Vilmundur Hansen

Næturfrost í Þykkvabæ um síðustu helgi skemmdi talsvert að kartöflugrösum og mun þannig draga úr uppskeru í haust. Að sögn kartöflubónda í Önnuparti er hætta á meira næturfrosti í kortunum og því hættulegir daga framunda.

Guðmundur Harðarson kartöflubóndi í Önnuparti segir að meiri hluti kartöflugarða Þykkbæinga hafi orðið fyrir einhverjum skemmdum í næturfrosti um síðustu helgi. Sjálfur ræktar Guðmundur kartöflur á 30 hekturum í tólf görðum og segir hann að af þeim séu skemmdir í ellefu. „Skemmdirnar eru mismiklar, allt frá því að vera smávægilegar í að vera mjög miklar.“

Að sögn Guðmundar er allt of snemmt að gera sér en grein fyrir hversu mikið fjárhagslegt tjón vegna frostsins er en að hans sögn gæti það verið um 20% uppskerunnar ef ekki verða frekari áföll.

Mismiklar skemmdir
„Garðurinn sem slapp er um tveir og hálfur hektari þannig að það sér mismikið á 27.5 hekturum hjá mér. Skemmdirnar valda því að undirvöxturinn verður hægari hér eftir og ekkert sem má koma upp á til sprettan verði enn minni og uppskeran lítið. Reyndar er sýnt nú þegar að uppskeran verður minni vegna frostsins en ef allt gengur að óskum getur hún orðin sæmileg.

Garðar sem eru út við Hólsárbakka og sunnan við byggðina sluppu best en garðar ofar í landinu fóru verst.

Það er kartöflugarður nánast við hliðina á sjálfvirku veðurstöðin í Þykkvabæ sem er í túnfætinum hjá mér við Önnupart. Sá garður er svo til alveg óskemmdur og veðurstöðin sýnir skaðlítið frost og það sýnir að frostið hefur verið harðar ofar í landinu.“

Skemmdir sem draga úr uppskeru
Guðmundur segir að grösin sem skemmdust í frostinu jafni sig ekki. „Ég er hræddur um það séu hættulegir daga framunda sem geti valdið enn meiri skemmdu á grösunum.“

Yrkin sem Guðmundur ræktar eru gullauga, rauðar íslenskar, premier og milva og segir hann engan mun eftir yrkju hvað skemmdir varðar.

„Ég kíkti sumstaðar undir grös sem hafa fallið og kartöflurnar enn fremur litlar. Sú stærsta af gullauga skreið varla í 50 millimetra.“

Lítið farinn að taka upp
„Fram til þessa hef ég eingöngu tekið upp kartöflur sem hafa verið ræktaðar undir plasti og til að afgreiða pantanir á sumarmarkað.“

Guðmundur segir að skemmdir eins og garðarnir í Þykkvabæ hafa orðið fyrir seinki fyrir upptöku kartafla í haust vegna þess að vöxturinn er hægari. „Ef við aftur á móti fáum á okkur meira frost og grösin gjörfalla breytist staðan. Að vísu er ágætt að kartöflur geymist í jörðinni í viku eða hálfan mánuð eftir að grösin fall áður en þær eru teknar upp. Hýðið verður sterkara og það sér minna á kartöflunum og þær verða fallegri í hillum verslananna fyrir vikið.“

Kjötskortur, hvað?
Fréttir 24. mars 2023

Kjötskortur, hvað?

Sé horft til ásetningsfjölda gripa á landinu er fyrirsjáanlegt að framboð á kjöt...

Vilja framtíðarsýn frá stjórnvöldum
Fréttir 24. mars 2023

Vilja framtíðarsýn frá stjórnvöldum

Aðalfundur deildar svínabænda Bændasamtaka Íslands var haldinn í Saltvík 16. mar...

Um 5% fækkun sauðfjár
Fréttir 24. mars 2023

Um 5% fækkun sauðfjár

Samkvæmt bráðabirgðaniðurstöðum úr matvælaráðuneytinu hefur orðið um fimm prósen...

Framleiðslan heldur dampi þrátt fyrir fækkun búa
Fréttir 24. mars 2023

Framleiðslan heldur dampi þrátt fyrir fækkun búa

Tvö eggjabú munu hætta framleiðslu í júní nk. Formaður deildar eggjabænda segir ...

Áburðarframleiðsla á döfinni
Fréttir 23. mars 2023

Áburðarframleiðsla á döfinni

Á Búnaðarþingi mun Þorvaldur Arnarsson, verkefnastjóri hjá Landeldi hf., kynna v...

Bændur ræddu brýn málefni við ráðherra
Fréttir 23. mars 2023

Bændur ræddu brýn málefni við ráðherra

Matvælaráðherra fundaði með eyfirskum bændum síðastliðið sunnudagskvöld í mötune...

Íslenskt fiskinasl útnefnt besta sjávarafurðin
Fréttir 23. mars 2023

Íslenskt fiskinasl útnefnt besta sjávarafurðin

Á mánudaginn var hið íslenska Næra fiskinasl frá Responsible Foods útnefnt besta...

Ekki féhirðir annarra
Fréttir 23. mars 2023

Ekki féhirðir annarra

Þórarinn Skúlason og Guðfinna Guðnadóttir, bændur á Steindórsstöðum, eru á meðal...