Vinsamlegast athugið að þetta efni er eldra en 5 ára.
Sveinbjörn Eyjólfsson, forstöðumaður Nautastöðvarinnar á Hesti (annar frá vinstri), ásamt Guðbjörgu, Jónasi og Guðmundi Jóhannesbörnum, sem fengu verðlaun fyrir besta nautið í árgangi 2013.
Sveinbjörn Eyjólfsson, forstöðumaður Nautastöðvarinnar á Hesti (annar frá vinstri), ásamt Guðbjörgu, Jónasi og Guðmundi Jóhannesbörnum, sem fengu verðlaun fyrir besta nautið í árgangi 2013.
Mynd / Íris Þórlaug Ármannsdóttir
Fréttir 30. apríl 2021

Jörfi frá Jörfa í Borgarbyggð stendur nú hæstur allra nauta í kynbótamati

Höfundur: GJ - HKr.

Í síðustu viku afhenti Sveinbjörn Eyjólfsson, forstöðumaður Nauta­stöðvarinnar, verðlaun fyrir besta nautið fætt 2013. Eins og kunnugt er hlaut Jörfi 13011 frá Jörfa í Borgarbyggð þessa nafnbót en afhending verðlaunanna hefur tafist vegna COVID-19 faraldursins. Það var því ekki fyrr en nú sem verðlaunin voru afhent þeim systkinum og ræktendum Jörfa, Jónasi, Guðbjörgu og Guðmundi Jóhannesarbörnum.

Segja má að tímasetningin hafi hins vegar verið með ágætum því kýrnar á Jörfa eru nýfluttar í nýtt legubásafjós sem börn Jónasar byggðu en þau hafa nú tekið við búrekstri á Jörfa. Sveinbjörn sagði við þetta tækifæri að Jörfi væri eitt þeirra fáu nauta sem næði þeim vinsældum meðal bænda að sæði úr honum kláraðist. Það er í góðu samræmi við gæði Jörfa sem endurspeglast kannski hvað best í dómsorðum hans:

„Dætur Jörfa eru fremur mjólkurlagnar með há efnahlutföll í mjólk. Þetta eru meðalstórar og háfættar kýr, bolgrunnar, ekki útlögumiklar en yfirlína er bein. Malirnar eru fremur grannar, beinar og nokkuð flatar. Fótstaða er nokkuð bein og gleið. Júgurgerðin er frábær, geysimikil festa, áberandi júgurband og júgrin einstaklega vel borin. Spenar eru vel gerðir, hæfilegir að lengd og þykkt og mjög vel settir. Mjaltir þessara kúa eru í góðu meðallagi og gallar í mjöltum fátíðir. Skapið er um meðallag.“

Jörfi frá Jörfa.

Hæstur allra nauta í kynbótamati

Þess má geta að Jörfi stendur nú hæstur allra nauta í kynbótamati fyrir júgur og endingu og er eitt af alhæstu nautum í heildareinkunn. Jörfi var undan hinu mikla kynbótanauti Birtingi 05043 Gústu 643 Skurðsdóttur 02012. Gústa var fædd á Brúnastöðum í Flóa en keypt sem kvíga að Jörfa þar sem hún ól sinn fyrsta kálf. Jörfi á því ekki langt að sækja afbragðsgóða júgurgerð og góða byggingu en þess má geta að móðuramma hans, Þvara 500 á Brúnastöðum, fékk á sínum tíma 92 stig í útlitsdómi sem þótti á þeim tíma einstakt.

Ráðgjafarmiðstöð landbúnaðarins og Nautastöð BÍ óska Jónasi, Guðbjörgu og Guðmundi innilega til hamingju og senda þeim sínar bestu kveðjur og þakkir fyrir ræktun Jörfa fyrir hönd íslenskra kúabænda. 

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...