Vinsamlegast athugið að þetta efni er eldra en 8 ára.
Japansmarkaður kortlagður
Fréttir 3. júní 2016

Japansmarkaður kortlagður

Höfundur: vilmundur Hansen

Æðarvarp og dúntekja hefur farið vel af stað í ár og æðarbændur uppteknir við að sinna varpinu um þessar mundir. Æðarræktarfélag Íslands hefur í samstarfi við íslenska sendiráðið í Japan hafið kortlagningu á markaðsstöðu æðardúns í Japan.

Að sögn Guðrúnar Gauksdóttur, formanns Æðarræktarfélags Íslands, fór félagið þess á leit við íslenska sendiráðið í Japan að finna fyrir sig japanskan aðila sem gæti kannað markaðsstöðu á æðardúni  í Japan og hugsanlega framtíð hans.

„Sú vinna er enn í gangi en felst meðal annars í því að kanna viðskiptahætti með dún í Japan og  hversu mikið er keypt af dúni til Japan beint frá Íslandi og hvað fer mikið af honum í gegnum önnur lönd eins og til dæmis Þýskaland. Við erum einnig að láta athuga fyrir okkur hvort það sé markaður fyrir fullunnar vörur eins og sængur og kodda beint frá Íslandi sem hefur ekki verið til staðar hingað til.

Eins og staðan er í dag vilja Japanir búa til sængurnar sjálfir auk þess sem þeir hafa keypt sængur frá Þýskalandi með íslenskum dúni í.

Könnunin á japanska markaðinum er hluti af stærra verkefni þar sem einnig á að skoða markaðsmöguleika fyrir íslenskan dún meðal annars í Þýskalandi og Bandaríkjunum.“

Guðrún segist ekki eiga von á niðurstöðum úr athuguninni í Japan fyrr en í fyrsta lagi í haust. „Ég geri mér talsverðar vonir um að könnunin komi til með að skila árangri því eins og staðan er í dag er markaðurinn í Japan okkur mjög mikilvægur.“

Varpið fer vel af stað

„Ég hef ekki heyrt annað en að varpið og dúntekjan hafi farið vel af stað víðast hvar í ár. Sunnanlands og vestanlands  hefur verið þurrt og því viðrað vel fyrir kollurnar. Í fyrra voru kollurnar almennt seinni í varp vegna kuldatíðar,“ segir Guðrún.

Nauðsynlegt að friða varplönd

Guðrún segir að í lögum sé heimild til að friðlýsa æðarvörp og takmarka umferð um þau. „Við höfum þurft að beita þessu ákvæði og minna á það æ oftar vegna aukinnar umferðar ferðamanna um landið. Bændur hafa víða sett upp skilti til að takmarka umferð fólks um varplöndin til að tryggja kollunum frið og ró  meðan á varpi stendur.“

Guðrún hvetur æðarbændur til að friðlýsa vörp sín og eru upplýsingar um friðlýsingu á heimasíðu félagsins www.icelandeider.is og á Facebook-síðu Æðarræktarfélags Íslands.

Upplýsingaóreiða í matvælaheiminum
Fréttir 16. maí 2025

Upplýsingaóreiða í matvælaheiminum

Algjör ringulreið ríkir í umhverfismerkingum matvæla og upplýsingaóreiða tengd m...

Sólarorka knýr hreinorkuvöxt heimsins
Fréttir 16. maí 2025

Sólarorka knýr hreinorkuvöxt heimsins

Framleiðsla hreinnar endurnýjanlegrar orku hefur aukist verulega samkvæmt nýrri ...

Hækkun á afurðaverði til kúabænda og heildsöluverði mjólkur
Fréttir 15. maí 2025

Hækkun á afurðaverði til kúabænda og heildsöluverði mjólkur

Hækkun varð nýlega á afurðaverði til kúabænda og heildsöluverði mjólkur og mjólk...

Betri heimur með bættum landbúnaði
Fréttir 15. maí 2025

Betri heimur með bættum landbúnaði

Mannfjöldi í heiminum fer ört vaxandi með tilheyrandi aðsteðjandi vandamálum um ...

Nytjaskógarjarðir betur verðmetnar
Fréttir 15. maí 2025

Nytjaskógarjarðir betur verðmetnar

Borgþór Jónsson, skógarbóndi á Hvammi í Fljótsdal, fékk nýlega mun hærra verð fy...

Stærsta sólarorkuver landsins á kúabúinu Garði
Fréttir 15. maí 2025

Stærsta sólarorkuver landsins á kúabúinu Garði

Þrjú íslensk landeldisfyrirtæki hafa hafið framleiðslu, Samherji fiskeldi, First...

Einstakt ræktunarkerfi fyrir sælkerasveppi
Fréttir 15. maí 2025

Einstakt ræktunarkerfi fyrir sælkerasveppi

Nýsköpunarfyrirtækið Svepparíkið hefur þróað einstakt ræktunarkerfi á heimsvísu ...

Efling byggða á Ströndum
Fréttir 13. maí 2025

Efling byggða á Ströndum

Tillögur til eflingar byggða á Ströndum hafa nýlega verið birtar. Þær byggja á s...