Vinsamlegast athugið að þetta efni er eldra en 7 ára.
Íslenskt hráefni með indverskum áhrifum
Matarkrókurinn 10. október 2014

Íslenskt hráefni með indverskum áhrifum

Höfundur: Bjarni Gunnar Kristinsson

Víða um lönd er hefð fyrir því að nota ódýrt hráefni með fínni og dýrari hráefnum. Þá verða gjarnan til „verkamannaréttir“ sem verða að uppáhaldsréttum fólks úr öllum stéttum. Þannig mótast matarhefðin í hverju landi fyrir sig – nærtækt er að nefna ítölsku pitsumenninguna eða amerísku hamborgarana.

Hér gerum við indverskt brauð með steik og er það frábær leið til að láta afganga verða að veislu fyrir bragðlaukana. Hægt er að nota hvaða kjöt sem er en það er upplagt að bræða saman ólíkar matarhefðir og gera skemmtilegan og ódýran málsverð.

Ég ætla líka að leggja til uppskrift að mjaðmasteik úr lambi. Lambamjöðm úr læri er bragðgóður vöðvi sem er frábær í eldun, í leirpotti eða í gamla steikarpottinum og þá er gufusteiking málið. Soðið er upplagt í sósuna.

Naan-samloka með Brie-osti, nautasteik og mangó chutney
Hráefni:
1 nautasteik, þunnt skorin í sneiðar
2 stykki Naan brauð (sjá uppskrift)
1 msk. hvítlaukssmjör
4 msk. mangó chutney
4 Brie-ostur, skorinn í sneiðar
Salat að eigin vali
Aðferð
Steikið nautakjötið á snarpheitri pönnu í um 2 mín. á hvorri hlið. Látið hvíla fyrir skurð í nokkrar mínútur.
Pönnusteikið  Naan-brauðið, smyrjið með þunnu lagi af smjöri. Setjið tvær matskeiðar af mangó chutney  á aðra hlið á Naan brauðinu. Svo ostinn og steikina ásamt  salati. Það má gjarnan tína fleira til úr kælinum, t.d. sveppi eða beikon.


Naan-brauð
Hráefni:
150 ml mjólk
10 g sykur (má sleppa)
10 g þurrger
450 g hveiti
3 g salt
5 g lyftiduft
30 g olía
150 g  jógúrt eða ab-mjólk
1 stk. egg
Aðferð
Allt hnoðað saman og látið hefast í 30 mín. Fletjið út í þunnar kökur og steikið á pönnu við háan hita báðum megin. Penslið með hvítlaukssmjöri fyrir framreiðslu.
Lambamjöðm úr læri með indverskum kryddum
Hráefni:
6–800 g lambamjöðm úr læri
2 tsk. ferskt  túrmerik
1/2 tsk. chilikrydd
2 tsk. cumin
3 hvítlauksrif
1 rautt chili (með eða án fræja)
3 cm af ferskri engiferrót, afhýdd og   skorin gróft
Safi úr 1 sítrónu
Maldonsalt eftir smekk
Aðferð
Takið til kryddið og merjið í morteli eða matvinnsluvél.
Nuddið maukinu vel í kjötið, snöggsteikið kjötið á pönnu í stuttan tíma og setjið svo í leirpott (eða ofnpott). Gufusteikið með ögn af vatni í botninum. Steikið í 60–90 mín. eftir smekk. Að lokum er kjötið sett undir grillið og steikt áfram í 15–20 mín til að kjötið fái gulbrúnan lit.
Bætið í pottinn kartöflusmælki og gulrótum rétt áður en kjötið er tilbúið. Setjið lokið á og látið grænmetið gufusjóðast í 20 mín. Bætið svo vorlauk út í til að fá fallegan grænan lit. Framreiðið með sósu að eigin vali eða bara jógúrt með hvítlauk.

4 myndir:

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...