Vinsamlegast athugið að þetta efni er eldra en 6 ára.
Í upphafi skyldi endinn skoða
Mynd / smh
Lokaorðin 11. nóvember 2015

Í upphafi skyldi endinn skoða

Höfundur: Hörður Kristjánsson
Íslenskur landbúnaður hefur notið mikil stuðnings meðal almennings í landinu þrátt fyrir nær látlausa umræðu ákveðinna hagsmunaafla gegn þessari atvinnugrein.
 
Í nýrri skýrslu sem Rannsókna­miðstöð Háskólans á Akureyri gerði fyrir landbúnaðarráðuneytið, um markmið og forsendur sauðfjárræktarsamnings, kemur fram að stuðningur almennings jókst á árunum 2007 til 2010. Í könnun Capacent Gallup árið 2007 sögðu 94% svarenda að frekar eða mjög miklu máli skipti að landbúnaður yrði stundaður á Íslandi til framtíðar. Í annarri könnun sama fyrirtækis sem gerð var 2010, var hlutfallið 96%. Þetta er þrátt fyrir mikla neikvæða umræðu m.a. um styrkjakerfi landbúnaðarins og þann stuðning sem þessi grein nýtur í tollvörnum. 
 
Nú standa yfir viðræður um nýja búvörusamninga fyrir sauðfjárbúskap og aðrar greinar. Það liggur fyrir að bændur standa nú frammi fyrir miklum áskorunum sem geta haft dramatískar afleiðingar fyrir landbúnað á Íslandi. 
 
Búið er að boða samning við Evrópusambandið um afnám tolla sem í raun ryður úr vegi nær öllum hindrunum sem menn sáu fyrir sér varðandi aðildarviðræður við Evrópusambandið. Eftir stendur þá sjávarútvegurinn. Þar gæti afstaðan hæglega mótast af peningahagsmunum stærstu sjávarútvegsfyrirtækjanna, sem sum hver eru þegar með umfangsmikla starfsemi innan ESB. 
 
Tollaafnám getur hægleg þýtt dauða búgreina á borð við svína- og alifuglarækt. Lítið virðist þar tekið tillit til athugasemda erlendra sem innlendra sérfræðinga um áhættuna sem felst í auknum innflutningi á afurðum frá löndum sem nota sýklalyf við framleiðsluna í miklu óhófi.
 
Virðist einblínt á hagsmuni innflytjenda sem beita óspart fyrir sig að aukinn innflutningur verði einungis til hagsældar fyrir neytendur. Reynslan sýnir þó allt annan veruleika. Þá má spyrja hver hagur neytenda verður þegar ákveðnar matvælaframleiðslugreinar leggjast af og innflytjendur hafa enga innlenda samkeppni við að etja. Þetta þekkja Finnar og Svíar vel á eigin skinni. Væri ekki ráð að hugsa málið aðeins betur og skoða í botn þjóðhagslegar afleiðingar af slíkum gjörningi? Það snýst ekki bara um bændur, heldur snýst það um þjóðarhag í víðum skilningi, m.a. lýðheilsumál og mögulega stóraukinn kostnað heilbrigðiskerfisins. Einnig þarf að hafa í huga að landbúnaðargreinar sem fórnað er í dag verða ekki endurreistar svo auðveldlega þótt neyðin kunni að hrópa á slíkt. 
Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...

Skútustaðahreppur kaupir Kálfaströnd á 140 milljónir
Fréttir 18. janúar 2022

Skútustaðahreppur kaupir Kálfaströnd á 140 milljónir

Gengið var frá kaupsamningi undir lok síðasta árs um jörðina Kálfaströnd (Kálfas...

Segist hafa fengið hótun um málefni sveitarfélagsins
Fréttir 18. janúar 2022

Segist hafa fengið hótun um málefni sveitarfélagsins

Það hefur vakið athygli að Halldóra Hjörleifsdóttir, oddviti Hrunamannahrepps, h...