Vinsamlegast athugið að þetta efni er eldra en 6 ára.
Álmennt eru þjóðvegir ekki hannaðir nema fyrir bílaumferð og þegar reiðhjól bætast við getur verið þröngt fyrir alla.
Álmennt eru þjóðvegir ekki hannaðir nema fyrir bílaumferð og þegar reiðhjól bætast við getur verið þröngt fyrir alla.
Fræðsluhornið 19. ágúst 2015

Hjálmurinn verður að passa og má ekki vera gamall

Höfundur: Hjörtur L. Jónsson
Með aukinni umferð reið­hjóla hefur reiðhjólaslysum á lands­vísu fjölgað. Flestir sem hjóla sér til heilsubótar og ánægju nota ör­ygg­is­hjálm. Reiðhjólahjálma skal endurnýja á fimm ára fresti
Ástæða þess að endurnýja skal reiðhjólahjálminn reglulega er að með tímanum harðnar efnið í þeim og þornar. Gamlir hjálmar geta því verið brothættir og gefið falska öryggiskennd. Hjálmurinn verður einnig að passa vel á höfuð þess sem hann notar. 
 
Flestar konur eiga til dæmis að nota hjálma sem merktir eru S sem táknar small. Stærð S í sentímetrum frá enni, fyrir ofan eyru, og aftur á hnakka er 55 til 56. Hjálmar merktir M sem er medium eru aftur á móti 57 til 58 sentímetrar að stærð sem er algeng stærð fyrir meðalkarlmann. 
 
Hjálmar eiga að sitja þétt á höfð­inu og sé höfuðið hrist á hjálmurinn að fylgja hreyfingum þess en ekki dingla laus því þá er hann of stór. Þessa mælingu má nota fyrir allar gerðir hjálma hvort sem það eru reið-, vélsleða-, fjórhjóla- eða mótor­hjólahjálmar.
 
Slysum fjölgar samfara auknum hjólreiðum
 
Varla hefur farið framhjá neinum að vinsældir reiðhjóla, reiðhjólafélaga og reiðhjólakeppna eru miklar. Varla líður sú helgi að ekki sé ein­hvers staðar verið að keppa á reið­hjólum á vegum úti. Miðað við hversu veg­ir eru þröngir er með ólíkindum hversu fá slys eru á reiðhjólafólki og árekstrar bíla fátíðir sem rekja má til reiðhjólaumferðar á vegum. 
 
Þegar ég var að alast upp var mér ráðlagt að hjóla á móti umferð í vegkantinum. Í dag er fátítt að mað­ur rekist á reiðhjólafólk á öfugum vegar­helmingi, þó gerist það. Í sum­ar mætti ég fjölskyldu norður á Ströndum sem kom hjólandi á móti mér í vegkantinum. Fyrir mína parta fannst mér þetta betra, allavega þarna á malarveginum sem ég var á. 
 
Algengt er að sjá hjólafélaga hjóla hlið við hlið og þegar þeir heyra í bíl er farið í einfalda röð. Hins vegar brá þeim reiðhjólamönnunum sem ég kom aftan að í fyrrasumar þegar ég var að prófa rafmagnsbíl og kom hljóðlaust aftan að þeim. 
 
Með auknum fjölda hljóðlausra rafmagnsbíla ættu menn að huga að því hvort ekki væri öruggara að hjóla á öfugum vegarhelmingi á fáförnum vegum.
 
Hjólahópar vina oft hættulegastir
 
Fyrir skemmstu fylgdist ég með hundrað kílómetra alþjóðlegum hjóla­túr kvenna sem kona mín tók þátt í. Það var að sjá og heyra að konurnar sem tóku þátt skemmtu sér vel. Því miður gáðu þær þó ekki alltaf að sér og voru of margar hlið við hlið á þjóðveginum. Nokkrum sinnum mynduðust hættulegar aðstæður þar sem illa hefði getað farið. Konur fá þrátt fyrir það plús hjá mér fyrir litríkan klæðnað þannig að þær sáust vel og það hægði tíman­lega á umferðinni. Það er nefnilega marg­sannað að áberandi klæðnaður reiðhjólafólks hægir á umferðinni og gefur öðrum meira svigrúm til að bregðast við í tíma. 
Höldum endilega áfram að hjóla; hreyfingin er holl og góð.
Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...