Vinsamlegast athugið að þetta efni er eldra en 6 ára.
Haustgleði
Hannyrðahornið 31. október 2017

Haustgleði

Þegar ég sá þessa uppskrift hjá Garnstudio.com ákvað ég strax að ömmustelpurnar mínar fengju svona. Þetta er hlýtt pils og á eftir að gleðja margar stelpur. Það er gaman að prjóna og pilsið tilvalið í leik og starf barnanna. 
 
Stærðir: 
2 - 3/4 - 5/6 - 7/8 - 9/10 - 11/12 ára
Stærðir í sm: 92 - 98/104 - 110/116 - 122/128 - 134/140 - 146/152 
 
Garn: DROPS MERINO EXTRA FINE sem fæst í Handverkskúnst
150-150-200-200-200-250 g, litur nr 30
Einnig hægt að nota Karisma og Lima 
Prjónar: Hringprjónn, 60 sm, nr 4 og 40 sm, nr 3,5 (fyrir stroff) – 
Prjónfesta: 21 lykkja og 28 umferðir með sléttu prjóni = 10x10 sm
Heklunál nr 3,5
 
UPPLÝSINGAR FYRIR MYNSTUR:
MYNSTUR:
Sjá mynsturteikningu A.1 til A.5.
 
ÚTAUKNING:
Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúin brugðin, svo að ekki myndist gat. 
 
GARÐAPRJÓN (prjónað í hring):
*1 umferð slétt og 1 umferð brugðin*, endurtakið frá *-*.
 
PILS:
Stykkið er prjónað í hring á hringprjón, ofan frá og niður.
Fitjið upp 90-105-120-135-135-150 lykkjur á hringprjón 3,5 með Merino Extra Fine. Prjónið 1 umferð slétt. Næsta umferð er prjónuð þannig: * 2 lykkjur slétt, 2 lykkjur brugðnar, 2 lykkjur slétt, 2 lykkjur brugðnar, 2 lykkjur slétt, 1 lykkja brugðin, 2 lykkjur slétt, 2 lykkjur brugðnar *, prjónið frá *-* umferðina hringinn. Haldið svona áfram með stroff. Þegar stykkið mælist 4-4-4-5-6-7 cm prjónið gataumferð þannig: * 2 lykkjur slétt saman, sláið 1 sinni uppá prjóninn, 2 lykkjur brugðnar, 2 lykkjur slétt saman, sláið 1 sinni uppá prjóninn, 2 lykkjur brugðnar, 2 lykkjur slétt saman, sláið 1 sinni uppá prjóninn, 1 lykkja brugðin, 2 lykkjur slétt saman, sláið 1 sinni uppá prjóninn, 2 lykkjur brugðnar *, prjónið frá *-* umferðina hringinn. Haldið áfram með stroff þar til stykkið mælist 8-9-9-11-13-15 cm. Skiptið yfir á hringprjón 4. Setjið 1 prjónamerki – HÉÐAN ER NÚ MÆLT Prjónið nú þannig: * 6 lykkjur brugðnar, A.1 (= 9 lykkjur) *, prjónið frá *-* út umferðina (= 6-7-8-9-9-10 mynstureiningar með A.1). ATHUGIÐ PRJÓNFESTUNA
Haldið áfram með mynstur þannig: Prjónið A.1 1-1-1-1-2-2 sinnum á hæðina, A.2 1-1-1-1-1-1 sinni á hæðina, A.3 1-1-1-2-2-2 sinnum á hæðina, A.4 1-1-1-1-1-1 sinnum á hæðina og A.5 2-2-3-3-3-4 sinnum á hæðina. 
JAFNFRAMT þegar stykkið mælist 3 cm er aukið út um 1 lykkju í byrjun hverrar brugðinnar einingar (= 6-7-8-9-9-10 lykkjur fleiri). Aukið svona út með 1½-1½-2-2-2-2 cm millibili alls 10-9-9-9-10-11 sinnum, en aukið til skiptis út í lokin og í byrjun hverrar brugðinnar einingar (þ.e.a.s. í næsta skipti sem aukið er út, aukið út í lok hverrar brugðinnar einingar, síðan í byrjun á hverri brugðinni einingu o.s.frv). Þegar A.1 til A.5 hefur verið prjónað til loka eru 174-196-224-252-261-300 lykkjur í umferð. Haldið áfram með A.5 þar til stykkið mælist ca 17-17-21-24-26-29 cm frá prjónamerki (eða að óskuðu máli). Prjónið 4 umferðir GARÐAPRJÓN yfir allar lykkjur – sjá útskýringu að ofan og fellið af með sléttum lykkjum. Allt pilsið mælist ca 26-27-31-36-40-45 cm frá uppfitjunarkanti og niður. 
 
SNÚRA:
Klippið 3 þræði Merino Extra Fine ca 3½ metra. Tvinnið þá saman þar til þeir taka í, leggið snúruna saman tvöfalda og þá kemur hún til með að tvinna sig aftur saman. Hnýtið hnút á hvorn enda. Byrjið við miðju að framan og þræðið snúruna upp og niður í gegnum gataumferðina. Hnýtið slaufu við miðju að framan. 
 
HEKLAÐUR KANTUR:
Heklið kant neðst niðri á pilsinu með Extra Fine með heklunál 3,5 þannig: 1 fastalykkja í fyrstu lykkju, * 3 loftlykkjur, 1 stuðull í fyrstu loftlykkju sem var hekluð, hoppið fram ca 1½ cm, heklið 1 fastalykkju í næstu lykkju *, heklið frá *-* umferðina hringinn, endið með einni keðjulykkju í fyrstu fastalykkju.
 
 
 
 
Prjónakveðja,
mægðurnar í Handverkskúnst
www.garn.is
Hundrað hesta setningarathöfn
Fréttir 12. júlí 2024

Hundrað hesta setningarathöfn

Setningarathöfn Landsmóts hestasmanna er alla jafna hátíðleg.

Til þess var leikurinn gerður
Fréttir 11. júlí 2024

Til þess var leikurinn gerður

Stjórn Búsældar hefur fyrir sitt leyti samþykkt söluna á Kjarnafæði Norðlenska t...

Skammur aðdragandi að sölunni
Fréttir 11. júlí 2024

Skammur aðdragandi að sölunni

Bræðurnir Eiður og Hreinn Gunnlaugssynir hafa sem áður segir samþykkt kauptilboð...

Kaup Skagfirðinga á Kjarnafæði Norðlenska
Fréttir 11. júlí 2024

Kaup Skagfirðinga á Kjarnafæði Norðlenska

Meginmarkmið kaupa Kaupfélags Skagfirðinga (KS) á Kjarnafæði Norðlenska (KN) er ...

Tilþrif á Landsmóti
Fréttir 11. júlí 2024

Tilþrif á Landsmóti

Enginn skortur var á glæsilegum tilþrifum stólpafáka sem komu fram í gæðingakepp...

Verður langstærsta kjötafurðastöð landsins
Fréttir 11. júlí 2024

Verður langstærsta kjötafurðastöð landsins

Kaupfélag Skagfirðinga (KS) hefur gert kauptilboð í allt hlutafé Kjarnafæðis Nor...

Ullarvika á Suðurlandi
Fréttir 10. júlí 2024

Ullarvika á Suðurlandi

Ullarvika á Suðurlandi verður haldin í þriðja sinn dagana 29. september til 5. o...

Mesta hamingjan í Skagafirði, á Snæfellsnesi og á Héraði
Fréttir 10. júlí 2024

Mesta hamingjan í Skagafirði, á Snæfellsnesi og á Héraði

Hamingja íbúa í Skagafirði, á Snæfellsnesi og á Héraði mælist mest á landinu í n...

Bænder
12. júlí 2024

Bænder

Skammur aðdragandi að sölunni
11. júlí 2024

Skammur aðdragandi að sölunni

Svín og korn
12. júlí 2024

Svín og korn

Magnað Landsmót 2024
12. júlí 2024

Magnað Landsmót 2024

Gerum okkur dagamun
12. júlí 2024

Gerum okkur dagamun