Hangikjöt og rófur

Kjartan Kurt er fjörugur, kátur og duglegur piltur. Hann dundar sér jafnt úti sem inni og finnur upp og smíðar alls konar tæki og tól úr ýmsu hráefni. Kjartan er hrifinn af fótbolta og finnst gaman að fá að vera í stórum bútækjum með foreldrum sínum. 

 

Nafn: Kjartan Kurt.

Aldur: 7 ára.

Stjörnumerki: Ég er vatnsberi.

Búseta: Á Fjallalækjarseli í Þistilfirði.

Skóli: Er að klára 1. bekk í grunn­skólanum á Þórshöfn.

Hvað finnst þér skemmtilegast í skólanum? Mér finnst skemmtilegast í stærðfræði, náttúrufræði, íþróttum og sundi.

Hvert er uppáhaldsdýrið þitt? Íkorni.

Uppáhaldsmatur: Hangikjöt og rófur.

Uppáhaldshljómsveit: Ég elska alls konar popptónlist.

Uppáhaldskvikmynd: Mér finnst „Ninja turtles“ þættir skemmtilegir.

Fyrsta minning þín? Ég man þegar ég fór fyrst á hestbak á gamla hesti okkar, þá var ég bara eins árs.

Æfir þú íþróttir eða spilarðu á hljóðfæri? Ég æfi fótbolta og frjálsar íþróttir og læri söng.

Hvað ætlar þú að verða þegar þú verður stór? Ég vil verða björgunarsveitarmaður.

Hvað er það klikkaðasta sem þú hefur gert? Að detta fram af sófanum.

Gerir þú eitthvað skemmtilegt í sumar? Mig langar í hjólreiðatúr með allri fjölskyldunni og hafa nesti með. Svo langar mig að grilla og fara á hestbak og borða mikinn ís.