Vinsamlegast athugið að þetta efni er eldra en 8 ára.
Gröf
Bóndinn 28. janúar 2016

Gröf

Ólöf Ragna er fædd og uppalin hér í Gröf en Jón Geir kemur frá Vík í Mýrdal. 
Við tókum við rekstri búsins um áramótin 1995–1996 af foreldrum Ólafar, þeim Ólafi Björnssyni og Steinunni Guðjónsdóttur, en Ólöf Ragna stundar einnig vinnu á Icelandair hótel á Klaustri.
 
Býli:  Gröf.
 
Staðsett í sveit: Skaftártungu í Skaftár­hreppi, Vestur-Skafta­fellssýslu.
 
Ábúendur: Ólöf Ragna Ólafsdóttir og Jón Geir Ólafsson.
 
Fjölskyldustærð (og gæludýra): Við eigum þrjá syni. Þeir eru Ægir Óli 29 ára, búsettur á Eskifirði með sinni kærustu, Hönnu Dóru, Jón Atli 26 ára, búfræðinemi á Hvanneyri, og Unnsteinn, 15 ára grunnskólanemi.
 
Stærð jarðar?   640 ha.
 
Gerð bús? Sauðfjárbú.
 
Fjöldi búfjár og tegundir? 450 kindur, 3 hross og 6 smalahundar (en þeir teljast til bústofns hér, ekki til gæludýra).
 
Hvernig gengur hefðbundinn vinnudagur fyrir sig á bænum?
Þessa dagana eru það gegningar kvölds og morgna ásamt öðru tilfallandi í kringum féð. Jón Geir er að temja fjárhunda bæði fyrir okkur og aðra. Annars eru það bara hefðbundin störf eftir árstíðum. Á sumrin er Jón Geir með fjárhundasýningar daglega fyrir ferðamenn og Ólöf Ragna þónokkra grænmetisræktun. 
Skemmtilegustu/leiðinlegustu bústörfin? Flest bústörf finnst okkur skemmtileg, þó reynir kerlingin að koma sér undan girðingavinnu og karlinum leiðist óskaplega að taka upp kartöflur.
 
Hvernig sjáið þið búskapinn fyrir ykkur á jörðinni eftir fimm ár? Ekki miklar breytingar í pípunum en alltaf stefnt á að gera betur.
 
Hvaða skoðun hafið þið á félagsmálum bænda? Eru bara í ágætis lagi að okkar mati og við erum þakklát því fólki sem hefur áhuga og tekur að sér þá vinnu.
 
Hvernig mun íslenskum landbúnaði vegna í framtíðinni? Höldum að honum vegni vel en við þurfum að gera átak í því að koma afurðum okkar í ferðamanninn, sem nóg er af á landinu.
Hvar teljið þið að helstu tækifærin séu í útflutningi íslenskra búvara? Hreinleiki og gæði ættu að vera góð söluvara.
 
Hvað er alltaf til í ísskápnum? Mjólk, ostur og rabarbarasulta.
 
Hver er vinsælasti maturinn á heimilinu? Lambahryggur með öllu er sígildur og svo er heimagerð pitsa. Tölum nú ekki um snúðana sem Ólöf Ragna bakar – hvorutveggja alveg ómótstæðilegt.
 
Eftirminnilegasta atvikið við bústörfin? Það er okkur í fersk­asta minni þegar það fuku hjá okkur fjárhús í ofsaveðrinu núna í desember. Einnig er oft rifjuð upp janúarferðin 2010 þegar Snæbýlis-Grána var sótt inn í Ófærudal. Alveg ógleymanleg ferð.

8 myndir:

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...