Vinsamlegast athugið að þetta efni er eldra en 6 ára.
Glæpur gegn mannkyni
Fréttir 5. nóvember 2015

Glæpur gegn mannkyni

Höfundur: Vilmundur Hansen

Skógareldarnir sem geisa í Indónesíu eru þeir verstu í sögu landsins og með verstu skógareldum sögunnar. Tugþúsundir hektarar frumskóga hafa logað í vel á þriðja mánuð. Búið er að lýsa yfir neyðarástandi í mörgum héruðum Indónesíu.

Eldarnir, sem eru dreifðir um stórt svæði, hafa valdið dauða tuga manna í borgum Indónesíu og ótöldum fjölda dýra í skógum landsins þar á meðal orangúta og tígrisdýra í útrýmingarhættu. Hundruð þúsunda landsmanna þjást af öndunarerfiðleikum vegna reykjarins sem leggur frá eldunum og er mengun svo mikil að þurft hefur að loka skólum og stofnunum í landinu vegna hennar.

Indónesía er eyjaklasi í Suðaustur-Asíu sem samanstendur af þúsundum eyja og fjöldi íbúa vel yfir 200 milljónir. Landamæri landsins liggja að Papúu-Nýju Gíneu, Austur-Tímor og Malasíu. Íbúar landsins eru 256 milljónir og skiptast í fjölda þjóðarbrota og eru 87% þeirra múslímar.

Eldarnir kveiktir viljandi

Talið er að eldana megi rekja til þess að kveikt hafi verið viljandi í villtum skógum til að ryðja land til ræktunar á olíupálmum til framleiðslu á pálmaolíu. Stjórnarmenn nokkurra fyrirtækja sem tengjast framleiðslu á pálmaolíu hafa verið handteknir vegna gruns um að eiga aðild að því að kveikt hafi verið í skógunum. Langvarandi þurrkar af völdum El Nino veðurfyrirbærisins hefur svo verið eins og olía á eldinn.

Haft er eftir talsmanni þeirra sem berjast við eldana að hafi þeir verið kveiktir viljandi sé skaðinn af þeim þegar það mikill að þeir verði að teljast til glæpa gegn mannkyni.

Samkvæmt loftmengunarstaðli sem kallast PSI er mengunin 2000 stig en öll mengun yfir 300 stig er sögð hættuleg mönnum. Mengunin er víða svo mikil að andrúmsloftið er grátt eða rautt á litinn af reyk. Stjórnvöld eru með herskip til taks við strendur þar sem eldarnir eru verstir og til stendur að flytja burt börn versni ástandið enn.

Flugi til og frá Singapúr aflýst

Reykjarkófið hefur borist til nágrannalanda eins og Malasíu, Nýju Gíneu og Filippseyja. Í Singapúr hefur þurft að aflýsa flugi og íþróttaviðburðum vegna reykjarins frá eldunum. Stjórnvöld í þeim löndum hafa gagnrýnt yfirvöld í Indónesíu fyrir getuleysi til að ráða við eldana og að hafa brugðist of seint við eftir að þeir komu upp. Á móti hefur verið bent á að fyrirtæki í Malasíu og Singapúr eigi um 50% af öllum fyrirtækjum í Indónesíu og að þess vegna ættu þær þjóðir sinn hlut á ábyrgð á eldunum
Gríðarlegt magn koltvísýrings hefur losnað út í andrúmsloftið vegna eldanna og er magnið svo mikið að talið er að það muni ýta talsvert undir hlýnun lofthjúps jarðar á næstu árum.

Samkvæmt talningu á fjölda minni og stærri elda á myndum úr gervitunglum hafa þeir verið um 117.000 frá síðustu áramótum.

Þúsundir íbúa í Indónesíu hafa komið saman úti á götum í sameiginlegri bæn um að þurrkunum í landinu linni enda helsta vonin til að eldarnir slokkni í bráð að regntímabilið hefjist sem fyrst.

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...