Vinsamlegast athugið að þetta efni er eldra en 6 ára.
Lív Bragadóttir og Aðalbjörg Þorsteinsdóttir kynntu margvísleg galdrasmyrsl frá fjölskyldufyrirtækinu Villimey á Tálknafirði.
Lív Bragadóttir og Aðalbjörg Þorsteinsdóttir kynntu margvísleg galdrasmyrsl frá fjölskyldufyrirtækinu Villimey á Tálknafirði.
Mynd / HKr.
Líf&Starf 31. október 2018

Galdrasmyrslin að vestan

Höfundur: Hörður Kristjánsson
Fjölskyldufyrirtækið Villimey slf. á Tálknafirði er orðið vel þekkt sem framleiðandi á há­gæða húðvörum hér á landi. Á landbúnaðarsýningunni í Laug­ar­dal voru þær Lív Braga­dóttir og Aðalbjörg Þor­steins­dóttir að kynna vörur fyrir­tækisins þegar blaðamann Bændablaðsins bar að garði. 
 
„Ég er búin að vera með þessar vörur og þróa í 15 ár, fyrst fyrir fjölskylduna áður en við settum vörurnar á markað fyrir 13 árum,“ segir Aðalbjörg Þorsteinsdóttir. 
 
„Upphaflega var þetta bara ætlað fyrir okkur sjálf, en svo fór fólk að falast eftir þessu út um allt land þegar það heyrði af virkninni.“
 
Smyrslin frá Villimey eru lífrænt vottuð af Vottunarstofunni Túni og unnin úr margvíslegum jurtum sem tínd eru í Tálknafirði og Arnarfirði. 
 
„Salan á þessum vörum hefur gengið vel og þær auglýsa sig svolítið sjálfar með virkninni. Við erum líka búin að láta Matís rannsaka allar okkar vörur með tilliti til virkni efnanna. Þar höfum við fengið staðfestingu á að þær virka eins og við höfum verið að segja. Þetta eru því ekki bara okkar fullyrðingar, heldur getum við stutt þær með rannsóknum.“
 
Sannkallað fjölskyldufyrirtæki 
 
– Eru þið mörg að vinna í kringum þessa framleiðslu?
„Það er bara fjölskyldan. Ég á fjórar dætur og síðan fjölgar í kringum okkur svo þetta er orðið öflugt lið.“
Aðalbjörg segist hafa leitað sér upplýsinga í gamlar heimildir og reynslu fólks af virkni jurta. Smám saman hafi hún fundið réttu blöndurnar til að fást við ýmiss konar mein, eins og bólgur, brunasár og annað. Vörutegundirnar eru nú fjölmargar eins og Vöðva- og Liða Galdur, Fóta galdur, Vara galdur, Munnangurs Galdur, Hvannar galdur, Berja galdur og Birkigaldur og hver með sína virkni. 
 
„Það skiptir mjög miklu máli hvenær á vaxtarskeiðinu maður tínir jurtirnar upp á virknina að gera. Það skiptir máli upp á kraftinn sem felst í jurtunum. Einnig skiptir máli hvaða hluta jurtanna maður er að nota. Þá nota ég ýmist blöð, blóm eða rætur, allt eftir því hvaða virkni ég er að sækjast eftir. Maður sér það á vaxtarstiginu hvernig jurtirnar koma til með að virka.“
 
 
Veðurfarið hefur mikil áhrif
 
– Skiptir þá veðurfarið ekki líka miklu máli?
Jú, algjörlega. Ég hef aldrei lent í öðru eins ástandi og í sumar. Oft hef ég fengið köld vor þar sem fyrstu jurtirnar lifna frekar seint, en þær sem eiga að vakna til lífsins í júní og júlí eru þá yfirleitt á réttum tíma. Í sumar voru hins vegar allar jurtir seint á ferðinni. 
 
Annars eru jurtirnar hér á Íslandi mjög kraftmiklar, þær vaxa hratt þegar þær taka við sér og hafa stuttan vaxtartíma vegna okkar stutta sumars.  Að því leyti erum við mjög heppin og svo er svæðið sem við erum að tína jurtirnar á mjög hreint. 

Skylt efni: Villimey | húðvörur | smyrsl

Leita að heitu vatni á Patreksfirði
Fréttir 22. maí 2025

Leita að heitu vatni á Patreksfirði

Orkubú Vestfjarða hefur sótt um leyfi til að bora þrjár rannsóknarholur og eina ...

Óbreytt stjórn hjá SAFL
Fréttir 22. maí 2025

Óbreytt stjórn hjá SAFL

Aðalfundur Samtaka fyrirtækja í landbúnaði (SAFL) var haldinn 8. maí sl. í Húsi ...

Búvörulögin voru löglega sett
Fréttir 21. maí 2025

Búvörulögin voru löglega sett

Hæstiréttur hefur í dag snúið við dómi Héraðsdóms Reykjavíkur sem hafði komist a...

Þurfum við tolla á íslensk matvæli?
Fréttir 21. maí 2025

Þurfum við tolla á íslensk matvæli?

Samhliða umræðu um aukinn innflutning á kjöti og osti hafa komið fram áhyggjur a...

Unnt að draga úr lykt af kúamykjuáburði
Fréttir 21. maí 2025

Unnt að draga úr lykt af kúamykjuáburði

Unnt er að blanda kúamykju með hreinsiefnum og nýta sem áburð. Lyktin er minni, ...

Nám í skapandi sjálfbærni á háskólastig
Fréttir 20. maí 2025

Nám í skapandi sjálfbærni á háskólastig

Námi í skapandi sjálfbærni á Hallormsstað verður frá og með næsta hausti haldið ...

Stuðlagil fékk hæsta styrkinn
Fréttir 20. maí 2025

Stuðlagil fékk hæsta styrkinn

Alls hlutu 28 verkefni styrk úr Framkvæmdasjóði ferðamannastaða en heildarupphæð...

Hátt hlutfall óholls matar
Fréttir 20. maí 2025

Hátt hlutfall óholls matar

Næstum helmingur orkunnar í fæðu fullorðinna Íslendinga á aldrinum 18–80 ára kem...