Vinsamlegast athugið að þetta efni er eldra en 7 ára.
Gagnrýna seinagang við lagningu Dettifossvegar
Fréttir 5. september 2016

Gagnrýna seinagang við lagningu Dettifossvegar

Höfundur: Margrét Þóra Þórsdóttir
Verkefnisstjórar tveggja verkefna á norðausturhluta landsins, Raufarhöfn og framtíðin og Öxarfjörður í sókn, sem bæði eru hluti af stærra verkefni, Brothættum byggðum, hafa sent frá sér ályktun um samgönguáætlun fyrir árin 2015 til 2018. Brothættar byggðir eru byggðaeflandi verkefni sem Byggðastofnun stendur að og hófst það árið 2012.
 
Í ályktun verkefnastjóranna segir að það sé mikið bakslag í þeirri viðleitni ríkis, Norðurþings, Byggðastofnunar, stoðkerfis og íbúa að styrkja sveitarfélögin á Raufarhöfn og við Öxarfjörð undir hatti verkefnisins Brothættar byggðir og veita svo ekki neinum fjármunum í það verkefni að ljúka við Dettifossveg á því tímabili sem samgönguáætlun nær til. 
 
Skýtur skökku við að taka framkvæmd af áætlun
 
Skora verkefnisstjórarnir á innanríkisráðherra og Alþingi að bæta úr þessum ágalla þingsáætlunartillögunnar og veita nægum fjármunum í verkið svo ljúka megi því eigi síðar en árið 2018.
„Á meðan að fregnir berast um hversu mikið álag sé á helstu ferðamannastaði á suðvesturhorninu og að dreifing ferðamanna um landið þurfi að vera betri, skýtur það skökku við að taka framkvæmd af áætlun sem vissulega myndi virka jákvætt á þá dreifingu,“ segir í ályktun verk­efnastjóranna.
 
Fram kemur í rökstuðningi að í verkefninu Raufarhöfn og framtíðin sé uppbygging ferðaþjónustu lykilatriði í að snúa vörn í sókn og hafi skorað hæst af þeim málaflokkum sem ræddir voru á íbúaþingi. Samgöngur séu taldar afar mikilvægar í þessu samhengi og þá einkum Dettifossvegur, þ.e. vegtenging frá Dettifossi niður á þjóðveg 85 í Kelduhverfi.
 
Á íbúaþinginu sem haldið var í janúar í samfélaginu við Öxarfjörð kom fram að íbúar telja Dettifossveg vera afar brýnt hagsmunamál og algjöra nauðsyn í uppbyggingu ferðaþjónustu í héraðinu.
 
Hróplegt ósamræmi
 
„Það að hætt skuli við framkvæmdir á Dettifossvegi í miðju kafi og nær engir fjármunir ætlaðir til verksins á árunum 2016–2018 í tillögu innanríkisráðherra til þingsályktunar um fjögurra ára samgönguáætlun fyrir árin 2015–2018. Það  er í hróplegu ósamræmi við viðleitni ríkisins til að styðja þessi byggðarlög til sóknar í verkefninu Brothættar byggðir. Það er enn fremur í ósamræmi við þann grundvallarskilning á verkefninu að íbúar, stoðkerfi, sveitarfélag og ríki taki höndum saman í verkefnum til aukinnar viðspyrnu þessara byggðarlaga gegn hnignun. Þá er þessi áætlun einnig í ósamræmi við áherslur Eyþings í samgöngumálum,“ segir í ályktuninni.

Skylt efni: Vegagerð

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...