Vinsamlegast athugið að þetta efni er eldra en 6 ára.
Fjöldi mála bíða afgreiðslu
Fréttir 18. júní 2015

Fjöldi mála bíða afgreiðslu

Höfundur: Vilmundur Hansen

Verkfalli náttúrufræðinga, matvæla- og næringarfræðinga og dýralækna hjá Matvælastofnun lauk með lagasetningu um síðustu helgi.

Með endurkomu starfsmanna færist eftirlit með matvælaöryggi og dýravelferð, kjötframleiðsla og inn- og útflutningur matvæla, plantna, fóðurs, áburðar, annarra afurða og lifandi dýra í samt horf. Fjöldi mála bíða hins vegar afgreiðslu og mun Matvælastofnun kappkosta að flýta fyrir afgreiðslu þeirra eins og kostur er samkvæmt því sem segir á heimasíðu MAST.

Á næstu dögum og vikum mun mikið mæða á inn- og útflutningsskrifstofu stofnunarinnar. Starfsfólk hefur verið fært til í störfum til að auka mannafla við skrifstofuna og flýta þannig fyrir afgreiðslu sendinga til og frá landinu. Engu að síður má búast við einhverjum töfum miðað við eðlilegar aðstæður. Þeir innflytjendur sem biðu afgreiðslu viðkvæmrar vöru, t.d. matvæla sem voru að komast á síðasta neysludag eða vöru sem gæti legið undir skemmdum, voru beðnir um að ítreka erindi sín með því að senda tölvupóst á netfangið innflutningur@mast.is, með frekari gögnum og rökum fyrir flýtimeðferð. Það sama gildir um þá sem færa rök fyrir flýtimeðferð af öðrum ástæðum. Nú þegar hefur helmingur þeirra u.þ.b. 300 sendinga sem biðu afgreiðslu innflutningseftirlitsins verið afgreiddur.

Dýralæknar Matvælastofnunar mættu í sláturhús á mánudag og hefur slátrun gengið eðlilega frá þeim tíma. Reglubundið eftirlit með matvælaöryggi, áburði, fóðri, pöntuheilbrigði, dýraheilbrigði, dýravelferð og öðrum málum færist nú í eðlilegt horf, en á sama tíma hófst vinna við að fara yfir þau mál sem ekki fengu forgang eða veitt var undanþága fyrir á meðan á verkfalli stóð. Farið er í mál skv. forgangsröðun stofnunarinnar, en óhjákvæmilegt er að töf verði á afgreiðslu sumra mála, enda ljóst að það mun taka tíma að vinna úr þeim uppsöfnuðu verkefnum sem verkfallið hafði í för með sér.

Áhrifa verkfallsins gætti víða og því er mikilvægt að sátt náist um starfskjör að lokinni kjaradeilu þannig að tryggja megi hnökralausa starfsemi stofnunarinnar gagnvart fyrirtækjum í landinu og samfélaginu í heild.
 

Skylt efni: Mast | Verkfall dýralækna

John Deere 7R 350 autoPowr er dráttarvél ársins 2022
Fréttir 24. janúar 2022

John Deere 7R 350 autoPowr er dráttarvél ársins 2022

John Deere 7R 350 AutoPowr er dráttarvél ársins 2022 í opnum flokki að mati evró...

KFC fékk mest úthlutað
Fréttir 24. janúar 2022

KFC fékk mest úthlutað

Atvinnuvega- og nýsköpunar­ráðuneytið hefur birt niðurstöðu úthlutunar á tollkvó...

Kostnaður við að fjölga neyðarstöðvum í Vaðlaheiðargöngum yfir 10 milljónir króna
Fréttir 24. janúar 2022

Kostnaður við að fjölga neyðarstöðvum í Vaðlaheiðargöngum yfir 10 milljónir króna

Kostnaður við að setja upp nýjar neyðarstöðvar í Vaðlaheiða­r­göng­um nemur 10 t...

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...