Vinsamlegast athugið að þetta efni er eldra en 6 ára.
Fiat Panda Cross fjórhjóladrifinn smábíll
Mynd / HLJ
Á faglegum nótum 13. febrúar 2017

Fiat Panda Cross fjórhjóladrifinn smábíll

Höfundur: Hjörtur L. Jónsson
Laugardaginn 28. janúar var Íslensk-Bandaríska ehf. (oftast nefnt Ís-Band) með stórsýningu á nýjum Fiat og Jeep bílum í Mosfellsbæ.
 
Það var fjöldi gesta að prófa bíla hjá þeim og var ég meðal þeirra. Bíllinn sem ég prófaði var fjórhjóladrifinn Fiat Panda Cross, tveggja strokka bíll með 900cc. vél sem skilar 90 hestöflum.
 
Þarf mikið til að festa bílinn í snjó ef farið er rólega
 
Prufuaksturinn hjá mér var óvenju stuttur í kílómetrum, en alls ók ég bílnum rétt tæpa 100 km á meðalhraða upp á 37 km á klukkustund (mest innanbæjar og slóðaakstur í þæfingssnjó). 
Að keyra svona léttan og fjórhjóladrifinn bíl í snjó er svolítið sérstakt. Mér fannst hreint ótrúlegt hvað hægt var að komast á bílnum í snjó og þrátt fyrir einbeittan brotavilja í að festa mig í snjónum tókst mér alltaf að rugga bílnum lausum og halda áfram. Tveggja strokka 900cc. vélin hefur ekki mikið tog til að lulla sér áfram í snjónum og fyrir vikið stoppaði bíllinn alltaf mátulega þegar maður var við það að festa sig (spurning um hvort þetta sé kostur eða ókostur). Í hvert sinn sem ég stoppaði þurfti bara að bakka aðeins og byrja upp á nýtt og þá komst maður alltaf aðeins lengra.
 
Eftir snjóæfingarnar prófaði ég bílinn á holóttum malarvegi og þrátt fyrir að bíllinn sé bæði léttur og stuttur fannst mér glettilega gott að keyra hann á holóttum veginum. Fjöðrunin er ekkert rosa löng, en er að skila vel sínu hlutverki þar sem maður finnur lítið fyrir holum inn í bílinn. 
 
Sérstakt hljóð í tveggja strokka vélinni
 
Uppgefin eyðsla á Fiat Panda Cross í blönduðum akstri er 4,9 lítrar á hundraðið, en sennilega er erfitt að ná þeirri eyðslu á blönduðu eldsneyti með etanóli eins og er á flestum bensínsölustöðum. Næstum allir bensínbílar eyða töluvert meiru eldsneyti á etanólblönduðu eldsneyti og þá sérstaklega litlir mótorar, en eyðslan fer oft upp um 0,5–2 lítra á hverja ekna 100 km á íblönduðu bensíni.
 
Bíllinn var prófaður á vegslóða í töluverðum snjó, nokkrar brekkur og mikið af beygjum var á slóðanum þannig að ég var mest í fyrsta eða öðrum gír, skakandi bílnum fram og aftur í sköflum. Þegar ég skilaði bílnum hafði ég ekið 97 km og meðaleyðsla mín var 8,4 á hundraðið. Mér fannst það lítil eyðsla miðað við hvað ég hafði verið að gera á bílnum. 
 
Lítil tveggja strokka vélin gefur lítið tog og þarf helst að skipta um gír áður en maður kemur að brekku til að halda ferðinni sem þýðir að vélin þarf helst að vera á góðum snúning og að snúa mikið tveggja strokka vél finnst örugglega mörgum að vélin gefi frá sér sérstakt hljóð. Mín eyðsla var því töluvert langt frá uppgefinni eyðslu, en samt minni en ég hefði haldið að hann hefði átt að eyða við það sem ég var að gera.
 
Vél, drifbúnaður og ýmislegt annað
 
Fimm ára ábyrgð er á öllum Fiat bílum, en Fiat Panda 4X4 er á verði frá 2.890.000, en bíllinn sem prófaður var heitir Cross og kostar 2.990.000. Tveggja strokka bensínvélin er 900cc. og á að skila 90 hestöflum, sex gíra beinskiptur. 
 
Í Cross bílnum er takki til að bæta aksturseiginleika í torfærum sem er tregðulæsing, einnig er sérstök stilling til að fara niður mjög brattar brekkur sem virkar eins og bremsa þegar farið er niður. Það hindrar að vélin fari upp á snúning og gefur betra grip á hjólin niður mikinn bratta. 
 
Farangursrými er 225 lítrar með sætin uppi, varadekkið er það sem ég kalla aumingi.
 
Sætin frammi í bílnum eru góð, en það er óþægilega þröngt fyrir þrjá fullorðna í aftursætunum.  Persónulega hefði mér fundist nóg að þessi bíll væri skráður fyrir fjóra en ekki fimm eins og hann er. Hægt er að nálgast meiri upplýsingar um Fiat á vefsíðunni www.isband.is.
 
Helstu mál og upplýsingar:
 
Þyngd 1.165 kg
Hæð 1.660 mm
Breidd 1.640 mm
Lengd 3.700mm
Bensíntankur 37 lítrar
 
 

 

7 myndir:

Framleiðsla á náttúrulegum plöntuvarnarefnum
Fréttir 28. september 2023

Framleiðsla á náttúrulegum plöntuvarnarefnum

Algalíf, íslenska líftæknifyrirtækið, stefnir á að hasla sér völl í framleiðslu ...

Innviðauppbygging til 2025
Fréttir 28. september 2023

Innviðauppbygging til 2025

Fara á í 127 verkefni fram til ársins 2025 við uppbyggingu innviða til að mæta á...

Samfélagsleg ábyrgð í forgrunni
Fréttir 28. september 2023

Samfélagsleg ábyrgð í forgrunni

Sjávarútvegsráðstefnan 2023 verður haldin 2.–3. nóvember í Hörpu. Áhersluatriði ...

Heilt sumar eyðilagt hjá geitabóndanum Höllu
Fréttir 27. september 2023

Heilt sumar eyðilagt hjá geitabóndanum Höllu

Í síðasta tölublaði Bændablaðsins greindum við frá því að Halla Sigríður Steinól...

Vex fiskur um hrygg í rannsóknum, tilraunum og erlendu samstarfi
Fréttir 26. september 2023

Vex fiskur um hrygg í rannsóknum, tilraunum og erlendu samstarfi

Nemendur Landbúnaðarháskóla Íslands vinna fjölbreyttar rannsóknir og tilraunaver...

2.500 tonna kornþurrkstöð borgi sig frekar
Fréttir 26. september 2023

2.500 tonna kornþurrkstöð borgi sig frekar

25 af 33 eyfirskum bændum sem spurðir voru, sögðu að þeir myndu myndu nýta sér k...

Lífræni dagurinn haldinn hátíðlegur í Kaffi Flóru
Fréttir 25. september 2023

Lífræni dagurinn haldinn hátíðlegur í Kaffi Flóru

Lífræni dagurinn var haldinn hátíðlegur víðs vegar um landið laugardaginn 16. se...

Ágúst verður forstöðumaður
Fréttir 25. september 2023

Ágúst verður forstöðumaður

Ágúst Sigurðsson hefur verið skipaður forstöðumaður Lands og skógar, nýrrar stof...