Vinsamlegast athugið að þetta efni er eldra en 5 ára.
Erlent ferðafólk mun greiða Íslandsgjaldið með ánægju
Lesendabásinn 4. mars 2016

Erlent ferðafólk mun greiða Íslandsgjaldið með ánægju

Höfundur: Hallgrímur Sveinsson, Bjarni G. Einarsson, Guðmundur Ingvarsson
Við undirritaðir höfum verið beðnir um nánari útfærslu á hugmyndum okkar um ýmsa þætti ferðamála sem við höfum birt að undanförnu. Er okkur ljúft að verða við því.
 
Lykilatriði málsins er þetta: Það er útilokað að íslenska þjóðin geti búið við þá happa- og glappaaðferð sem ríkir í dag. Við óbreytt ástand verður ekki unað. Við leggjum til að erlendir ferðamenn sem ætla að skoða og ferðast um landið greiði 5.000 kr. í aðgangseyri, sem vel mætti kalla Íslandsgjald. Fyrsta árið gerir það 5 milljarða króna miðað við eina milljón gjaldskyldra ferðamanna. Þeir fjármunir og þeir sem síðar innheimtast verði notaðir undanbragðalaust í uppbyggingu innviða og rekstur vegna löggæslu hreppstjóra eða svæðisumsjónarmanna. Kostnaður vegna fræðslu um landið og rekstur björgunarsveita einnig innifalinn. 
 
Sumir ráðamenn vilja borga brúsann úr ríkissjóði. Með peningum sem ekki eru til eða ættu frekar að fara í annað. Það teljum við misráðið. Þeir sem koma gagngert til að njóta hins stórkostlega íslenska náttúruundurs eiga að greiða fyrir það sanngjarnan aðgangseyri. Til að við getum varðveitt landið fyrir komandi kynslóðir. Koma í veg fyrir örtröð. Grunur okkar er sá að erlendir ferðamenn muni almennt skilja það og greiða sinn hluta með ánægju. Og fá fyrir það ýmsa þjónustu sem þeir njóta ekki í dag. Þeir verða ánægðir þegar þeir verða varir við að allt sé á hreinu sem hægt er. Þeir sem ekki una gjaldtökunni munu þá fara annað. Þeir koma bara seinna. Enda takmarkað hvað Ísland þolir af erlendum ferðamönnum. Þar hljóta að vera einhver mörk. Íslendingar eiga svo að njóta góðs af þessu er þeir ferðast um eigið land. Kemur þar margt til.
 
Eftirfarandi kostnaðartölur yfir það sem hér er rætt um leggjum við fram, með tilvísun til fyrri greinar. Þetta eru auðvitað frumstæðar hugmyndir leikmanna að vestan, sem hafa kannski lítið vit á því sem þeir eru að tala um. En samt.
 
Hreppstjórar
 
Við höfum lagt til að þeir verði 100 talsins, starfi undir stjórn lögreglustjóra og sýslumanna og fái sérstakt erindisbréf. Reiknað er með að kostnaður við hvert embætti verði um 10 milljónir kr. á ári og hreppstjórarnir starfi meira og minna allt árið. Góð tilhugsun að endurreisa gömul embætti á nýjum grunni. Í þau verði ráðnir samkv. umsóknum menn af báðum kynjum sem gjörþekkja allar aðstæður á heimaslóðum. 
 
1. Laun hreppstjóra 4,200,000
 
2. Launatengd gjöld 2,500,000
 
3. Bílaleigubíll 2,000,000
 
4. Húsnæði 1,000,000
 
5. Annar kostnaður 300,000
    10,000,000,- x 100
    = Alls einn milljarður
 
Salernisaðstaða
 
Það sem við meinum með salernisaðstöðu er laglegt hús með kannski 10 salernum, sameiginlegu rými með vöskum, handklæðum, speglum, lítilli sölubúð með hreinlætisvörur og aðstöðu fyrir eftirlitsmann. Hæfileg bílastæði. Mega vera ómalbikuð fyrst í stað. Þar sem ekki er rafmagn frá samveitu verði settar upp sólarrafhlöður og gas til upphitunar. Húsakostur verði boðinn út í heilu lagi. Rekstur einnig boðinn út. Ókeypis aðgangur fyrir alla! 50 einingar til að byrja með.
 
1. Stofnkostnaður
    50 x 50,000,000
    = 2,500,000,000,-
 
2. Rekstur 50 x 9,500,000
    = 475,000,000,
 
3. Stjórnun, eftirlit o.fl.
    = 25,000,000,-  
    Alls þrír milljarðar
 
Fræðsla og björgunarsveitir
 
Fræðsla um Ísland. Reyndir leiðsögumenn og ferðaskrifstofufólk sjái um þennan þátt. Eðli málsins samkvæmt yrði sú starfsemi einkum á Keflavíkurflugvelli.
    Kostnaður, ósundurliðað
    = 500,000,000,-
 
Björgunarsveitir
 
Björgunarsveitir kæmu að þessu með því að sjá um fræðslu einkum fyrir þá sem ætla sér að ferðast um hálendi landsins og aðra fáfarna staði. Síðan eru þær alltaf í startholunum að vanda. Verði jafnvel á ferðinni vítt og breitt til að leiðbeina. Verði sýnilegar. Standi jafnvel vaktir á hættulegum stöðum í samráði við hreppstjóra og lögreglu. Virkt forvarnarstarf!
 
Framlag, ósundurliðað 
=500,000,000,-
 
Alls allur pakkinn fimm milljarðar króna
 
Rúsínan í pylsuendanum
 
Svo er það rúsínan í pylsuendanum. Hver á að sjá um innheimtuna? Því er fljótsvarað: Það eiga flugfélögin að gera. Hjá þeim er myljandi hagnaður af ferðamönnum sem eru komnir til að skoða landið. Eru ekkert of góðir til að sjá um smá viðvik í staðinn fyrir allan gróðann. Fyrir Ísland og komandi kynslóðir. 
 
Enginn mun njóta eins góðs af tillögum okkar í beinhörðum peningum. Þeir ættu auðvitað að hafa forystu í málinu ef vel ætti að vera. En sjálfsagt verður bent á að þetta sé óframkvæmanlegt. Þeir munu varla þekkja sinn vitjunartíma ótilneyddir. En hver veit!
 
Hallgrímur Sveinsson,
Bjarni G. Einarsson,
Guðmundur Ingvarsson
Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...

Byggðasaga Skagafjarðar tók 26 ár í vinnslu og í verkið fóru um 50 starfsár
Fréttir 19. janúar 2022

Byggðasaga Skagafjarðar tók 26 ár í vinnslu og í verkið fóru um 50 starfsár

Hjalti Pálsson frá Hofi, ritstjóri og aðalhöfundur Byggðasögu Skagafjarðar, skil...

Vinna hefst við gerð reglna um raforkuöryggi
Fréttir 19. janúar 2022

Vinna hefst við gerð reglna um raforkuöryggi

Umhverfis-, orku- og loftslagsráðherra, hefur skipað starfshóp um raforkuöryggi....

Ný reglugerð um velferð alifugla
Fréttir 19. janúar 2022

Ný reglugerð um velferð alifugla

Sjávarútvegs- og landbúnaðarráðherra hefur undirritað reglugerð um velferð alifu...