Vinsamlegast athugið að þetta efni er eldra en 4 ára.
Dacia Logan er með 1.500 rúmsentímetra dísilvél sem skilar 90 hestöflum.
Dacia Logan er með 1.500 rúmsentímetra dísilvél sem skilar 90 hestöflum.
Mynd / HLJ
Fræðsluhornið 13. júní 2017

Einhver hagstæðustu kaup á rúmgóðum fjölskyldubíl

Höfundur: Hjörtur L. Jónsson
Í september 2014 prófaði ég Dacia Logan þegar hann kom fyrst á markað hér á landi, en þá kostaði hann frá 2.790.000. Nú, þremur árum seinna, prófaði ég bílinn aftur, breytingar eru ekki miklar, en samt þó nokkrar og verðið er komið niður í 2.540.000.
 
Sjáanlegar breytingar eru nánast engar, en það eina sem ég sá utan frá voru nýir hjólkoppar, en var að vonast eftir stærri hliðarspeglum. 
 
Breytt staðsetning flauturofa
 
Öðru máli gegnir með mælaborðið, þar er töluverð breyting, komin snertiskjár fyrir útvarpið sem er bakkmyndavél og leiðsögukerfi og bluetooth. Vélin er sú sama og enn er fimm gíra gírkassi (hefði viljað hafa hann 6 eða 7 gíra). Það sem mörgum mislíkaði var staðsetning flaututakkans í fyrri árgerðum sem var á endanum á ljósatakkanum (rétt eins og í traktorum og mörgum vörubílum). Nú geta þeir sem ósáttir voru verið ánægðir því að nú er flaututakkinn kominn í stýrið eins og er á flest öllum öðrum bílum.
 
Eyðslan á bílnum er brandari
 
Í fyrra skiptið þegar ég prófaði þennan bíl var dísillítrinn töluvert dýrari en hann er núna. Lagði ég þá prufuaksturinn upp með því að spara sem mest eldsneyti og þar af leiðandi var ég með „ecko“ sparnaðartakkann á allan tímann. Nú breytti ég um og byrjaði strax á að slökkva á ecko-­takkanum, núllstillti aksturstölvuna. Eftir 50 km akstur án þess að reyna neitt að spara dísilolíuna var eyðsla mín 4,9 lítrar á hundraðið á meðalhraða upp á 65 km. Þegar ég skilaði bílnum hafði ég ekið 75 km á meðalhraða upp á 47, endaði meðaleyðsla mín í 5,0 lítrum á hundraðið án þess að hafa verið neitt að spara eldsneyti. Í fyrri prufuakstrinum fyrir þrem árum var ég að eyða 4,0 lítrum með ecko-stillinguna á.
 
Fannst bíllinn latur fyrir þrem árum
 
Miðað við þessar tvær prófanir þá nefndi ég það að í fyrri prófuninni hafði mér fundist bíllinn vera latur af stað í fyrsta og öðrum gír, meðan ég var að keyra hann á ecko-stillingunni. Nú fannst mér hann ekki svo latur, þó að hann mætti vissulega vera 10–20 hestöflum kraftmeiri. Var ég mun sáttari við bílinn núna.
Eins og með flesta bíla sem ég prófa fer ég á malarveg til að prófa bíla. Dacia Logan liggur vel á malarvegum og kemur skriðvörnin hæfilega seint inn fyrir minn smekk, en það sem ég tók sérstaklega eftir var hversu mikið smásteinahljóð var undir bílnum á hörðum malarveginum. Hefði þurft að setja meiri tektilvörn undir bílinn eða að sprauta undir hann hljóðeinangranlegu efni. Fjöðrunin er fín bæði á möl og í holóttu malbikuðu vegunum sem ég keyrði.
 
Mikið af aukahlutum
 
Samkvæmt sölubæklingi er hægt að fá ýmsa aukahluti með bílnum. Síst af þeim öllum mundi ég taka dráttarkrók þar sem að 1.500 rúmsentímetra (cc) dísilvél er ekki burðug til að draga mjög þungt. Þar tala ég af reynslu þar sem ég átti Dacia Duster með sömu vél og dró oft kerru á eftir mér. Hins vegar mæli ég með skutmottu í farangursrýmið og þverbogum á þakið. Á bogana er hægt að setja farangursbox, reiðhjólagrind, skíðaboga eða jafnvel festingu fyrir kajak. 
 
Að lokum, breytingarnar eru ekki miklar, en að mínu mati er þessi bíll bestu kaup í dag á rúmgóðum fjölskyldubíl. Ódýr í rekstri og ótrúlega rúmgóður.
 
Helstu mál og upplýsingar:
 
Farangrusrými 573 ltr.    
Hæð 1.550 mm
Breidd 1.733 mm
Lengd 4.492 mm
Hæð undir lægsta punkt 153 mm
 

 

7 myndir:

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...