Vinsamlegast athugið að þetta efni er eldra en 8 ára.
Rafgeymavaktarar. Sá minni fyrir litla rafgeyma, en sá stærri hentar flestum stærri rafgeymum.
Rafgeymavaktarar. Sá minni fyrir litla rafgeyma, en sá stærri hentar flestum stærri rafgeymum.
Á faglegum nótum 13. október 2015

Á athugunarlistanum fyrir veturinn

Höfundur: Hjörtur L. Jónsson
Á haustin þegar gengið er frá tækjum og vélum í vetrargeymslu er gott að hafa í huga nokkur atriði sem getur komið tækjunum vel og getur lengt töluvert líftíma tækja og véla.
 
Þetta á m.a. við hjólbarða og rafgeyma sem mikilvægir eru í ökutækjum. 
 
Tæki með hjólbörðum
 
Tæki með loftfylltum hjólbörðum á aldrei að geyma standandi á grasi vegna þess að þá eru miklar líkur á að dekkin fúni. Ef enginn annar staður er til að geyma tækið en á grasi er gott að setja flatan stein, hellu eða spýtu undir hjólin. Ekki er verra að setja tækið á búkka svo að þunginn sé ekki allur á dekkjunum og einnig að við langa stöðu tækja getur komist raki inn í legur hjóla og hjólalegur geta skemmst. Annað dæmi er um að vélsleði sem stóð á túni í nokkurn tíma og var gangsettur, en þegar átti að keyra af stað var beltið eftir á grasinu og vélsleðinn fór ekki nema hálfa lengd vélsleðans vegna þess að beltið hafði fúnað við að standa á grasinu og slitnaði. Það er ekkert óeðlilegt að hjólbarðar missi loftþrýsting, sérstaklega í slöngulausum dekkjum, felgur orðnar gamlar, farnar að ryðga og tærast þá lekur oft út loft á milli dekks og felgu. Passa þarf vel upp á að dekk standi aldrei undir þunga loftlaust (sprungið dekk), þá tekur það mjög stuttan tíma að eyðileggjast þar sem að í dekkið myndast brot og þræðirnir inni í dekkinu rofna og styrkurinn er farinn úr dekkinu. 
 
Hægt er að lengja líf rafgeyma mikið með réttri meðferð
 
Rafgeymavandamál kannast margir. við. Ég hafði samband við Arnar Tryggvason, vörustjóra hjá N1, og fékk hjá honum góðar upplýsingar um meðferð rafgeyma. Þegar tæki fer í lengri geymslu skal aftengja geymapóla, í það minnsta pólinn og hlaðið geyminn á 2 mánaða fresti með viðurkenndu góðu hleðslutæki eða hafið hann tengdan við vaktara af réttri stærð. Ekki láta rafgeyma standa á köldu gólfi innandyra, best er að hafa sama hitastig á öllum rafgeyminum. Rafgeymi skal geyma á köldum stað til að minnka sjálfafhleðslu. Fylgjast þarf vel með vatni á neyslurafgeymum. Hafa póla vel hreina og smurða með pólafeiti og helst lakka yfir með pólalakki, það minnkar hættu á „spanskgrænu“. Ef að tæki er ítrekað rafmagnslaust skal gæta að eftirfarandi: 
 
Er hleðsla nóg? − Er tæki keyrt nógu lengi til að vinna upp hleðslu? − Er lekastraumur of mikill? (eðlilegur lekastraumur í bíl er um 0,03 mAmp). Muna þarf að hlaða vel rafgeymi fyrir notkun eftir langa geymslu. Hafa ber í huga að sjálfafhleðsla rafgeymis getur verið allt að 10% á mánuði.
Nýir liðsmenn Bændablaðsins
Fréttir 21. júní 2024

Nýir liðsmenn Bændablaðsins

Lesendur hafa kannski tekið eftir nýjum efnisþáttum í blaðinu í vor. Hugarleikfi...

Opnað fyrir milljarða króna fjármögnun
Fréttir 21. júní 2024

Opnað fyrir milljarða króna fjármögnun

Lítil og meðalstór fyrirtæki á Íslandi fá aðgengi að 3,2 milljarða króna fjármög...

Stækka ræktarland og fjölga vörutegundum
Fréttir 20. júní 2024

Stækka ræktarland og fjölga vörutegundum

Hvítlauksbændurnir í Neðri-Brekku í Dölum fengu nýlega tvo styrki úr Matvælasjóð...

Verðlaunuðu góðan árangur
Fréttir 20. júní 2024

Verðlaunuðu góðan árangur

Tabea Elisabeth Schneider hlaut verðlaun fyrir besta árangur á B.S. prófi þegar ...

Fuglum fækkar vegna óveðurs
Fréttir 20. júní 2024

Fuglum fækkar vegna óveðurs

Samkvæmt fuglatalningu varð algjört hrun í fjölda fugla á Norðausturlandi þegar ...

Óhrædd að takast á við áskoranir
Fréttir 19. júní 2024

Óhrædd að takast á við áskoranir

Tilkynnt var um ráðningu Margrétar Ágústu Sigurðardóttur í starf framkvæmdastjór...

Halla færir út kvíarnar
Fréttir 19. júní 2024

Halla færir út kvíarnar

Halla Sif Svansdóttir Hölludóttir, garðyrkjuframleiðandi og eigandi garðyrkjustö...

Sala Búvís stöðvuð
Fréttir 19. júní 2024

Sala Búvís stöðvuð

Samkeppniseftirlitið hefur komið í veg fyrir að Skeljungur kaupi Búvís ehf. þar ...