3.700 fermetra fjós byggt í Bjólu

Sveitarstjórn Rangárþings ytra hefur samþykkt að undangenginni umræðu í skipulags- og umferðar- nefnd að gefa heimild fyrir byggingu 3.706,6 m² fjóss á jörðinni Bjólu með mjólkurhúsi, kanalkerfi, fóðrunarkerfi, gjafaróbótum og fjórum mjaltaróbótum.

Á heimasíðu Á-listans, sem er í meirihluta Rangárþings ytra, segir meðal annars: „Það er ánægjulegt að sjá þá bjartsýni og þann framkvæmdavilja sem nú ríkir í landbúnaði í Rangárþingi ytra. Skipulags- og umferðarnefnd hefur tekið fyrir áform um byggingu nýs 3.706 m² fjóss á Bjólu, þar sem gert er ráð fyrir mjög nútímalegum búnaði, meðal annars fjórum mjaltaróbótum og sjálfvirkum fóðrunarkerfum. Slík fjárfesting er skýr vísbending um trú á framtíð landbúnaðarins og vilja til að byggja áfram upp öflugan rekstur í sveitum sveitarfélagsins.“

Ágúst Sæmundsson er bóndi í Bjólu.