Vinsamlegast athugið að þetta efni er eldra en 1 árs.
Guðni Ágústsson, fyrrverandi landbúnaðarráðherra, heimsótti Vigdísi Häsler, framkvæmdastjóra Bændasamtakanna, og Gunnar Þorgeirsson formann á dögunum.
Guðni Ágústsson, fyrrverandi landbúnaðarráðherra, heimsótti Vigdísi Häsler, framkvæmdastjóra Bændasamtakanna, og Gunnar Þorgeirsson formann á dögunum.
Mynd / Bbl
Skoðun 26. febrúar 2021

Styttist í Búnaðarþing

Höfundur: Vigdís Häsler

Þegar þessi pistill er ritaður er nákvæmlega mánuður til stefnu til næsta Búnaðarþings, sem haldið verður dagana 22. og 23. mars. Þema þingsins að þessu sinni verður Áfram veginn, sem felur þó ekki í sér tilvísun til slagorða háskólaakademíu eða stjórnmálaflokks, nú eða til ævisögu Stefáns Íslandi óperusöngvara.

Þemað, Áfram veginn, vísar til þeirrar vegferðar sem Bænda­samtök Íslands standa frammi fyrir sem snúa að einföldun á umfangsmiklu félagskerfi bænda í því augnamiði að styrkja starfsemi samtakanna, auka skilvirkni, ná fram betri sérhæfingu starfsfólks og fá aukinn slagkraft út úr starfinu öllum félagsmönnum til góða.

Flókið félagskerfi

Fyrir leikmenn er ekki einfalt að átta sig á umfangsmiklu og að því er virðist flóknu félagskerfi bænda. Búgreinafélögin eru 12 talsins og eru þar á meðal t.a.m. Félag kjúklingabænda, Félag hrossabænda, Landssamtök kúabænda, Landssamtök skógareigenda og þar fram eftir götunum. Fyrir utan búgreinafélögin starfa svo 11 sérstök búnaðarsambönd sem starfa á afmörkuðum svæðum landið um kring og hvert með sína sérstöðu og sérverkefni heima í héraði. Félögin þrjú, sem eru ótalin, eru síðan Beint frá býli, VOR (samtök bænda í lífrænum landbúnaði) og Samtök ungra bænda.

Opinn streymisfundur 4. mars

Síðastliðna viku hafa formaður og varaformaður stjórnar BÍ, ásamt framkvæmdastjóra, átt 27 fundi með stjórnum aðildarfélaga BÍ til að kynna tillögur að breyttu félagskerfi. Viðbrögð og þátttaka hefur verið með miklum ágætum og umræður gagnlegar. Í kjölfarið stendur til að halda opinn streymisfund þann 4. mars nk. þar sem fólki gefst tækifæri á að koma á framfæri hugleiðingum og spurningum.

Búnaðarþing hefðbundið eða rafrænt?

En svo við snúum okkur aftur að Búnaðarþinginu, þá eru uppi tvær sviðsmyndir varðandi skipulag og fyrirkomulag þingsins. Annars vegar er um að ræða staðarþing, þá eingöngu með búnaðarþingsfulltrúum, með von um rýmkun á gildandi samkomutakmörkunum og jákvæða framvindu bólusetningar landans. Hins vegar þurfum við þó einnig að vera því viðbúin að halda rafrænt þing fyrir alla þátttakendur.

Hátt í 20 aðilar hafa sýnt áhuga á Hótel Sögu

Málefni hótelsins, Bænda­hallar­innar, hafa farið mikinn í fjölmiðlum síðustu vikur. Ýmsir aðilar hafa sýnt Bændahöllinni áhuga og má þar meðal annars nefna Háskóla Íslands, en heimildir fréttamiðla hafa verið á þá leið að hátt í 20 innlendir sem erlendir aðilar hafi sýnt húsnæðinu áhuga. Hversu mikill og alvarlegur sá áhugi hefur raunverulega verið get ég ekki sagt með vissu en í öllu þessu mikla fréttaflóði er þó vert að greina á milli „fyrirspurna“ vegna húsnæðisins annars vegar og „áhugasamra“ um húsnæði hins vegar.

Forvarnir og viðbrögð vegna gróðurelda
Skoðun 21. júní 2022

Forvarnir og viðbrögð vegna gróðurelda

Mikið er rætt um breytt veðurfar um þessar mundir og eru allar líkur á því að...

Traust og „chill“
Skoðun 20. júní 2022

Traust og „chill“

Það hlýtur að heyra til undantekninga að landbúnaðarmiðaður prentmiðill sé sa...

Grafalvarleg staða kjötframleiðslu
Skoðun 9. júní 2022

Grafalvarleg staða kjötframleiðslu

Margt fellur með íslenskri kjötframleiðslu, landgæði, vatn, skilningur neytend...

Tækifæri og áskoranir í virðiskeðju íslenska eldislaxins
Skoðun 1. júní 2022

Tækifæri og áskoranir í virðiskeðju íslenska eldislaxins

Síðastliðinn áratug hafa áskoranir laxeldisgreinarinnar á Íslandi breyst að því ...

Nagandi afkomuótti
Skoðun 23. maí 2022

Nagandi afkomuótti

Öllum sem fylgjast með ástandi heimsmála og samfélagsins hlýtur að vera ljóst að...

Hvað verður um nautakjötsframleiðsluna?
Skoðun 16. maí 2022

Hvað verður um nautakjötsframleiðsluna?

Mikið er ritað og rætt um hækkandi vöruverð og dýrari matarinnkaup þessi misseri...

Alþjóðabankinn spáir áframhaldandi hækkunum á hrávörumörkuðum
Skoðun 12. maí 2022

Alþjóðabankinn spáir áframhaldandi hækkunum á hrávörumörkuðum

Stríðið í Úkraínu hefur sett hrávörumarkaði heimsins á hliðina, breytt jafnvægi ...

Ómetanleg verðmæti
Skoðun 12. maí 2022

Ómetanleg verðmæti

Vorið er tími vonar og væntinga og þá hýrnar yfir Íslendingum, ekki síst nú efti...