Vinsamlegast athugið að þetta efni er eldra en 10 mánaða.
Öllu er haganlega fyrir komið á tónlistarsafninu í Bíldudal og á safnstjórinn sjálfur, Jón Kr. Ólafsson, heiðurinn af því.
Öllu er haganlega fyrir komið á tónlistarsafninu í Bíldudal og á safnstjórinn sjálfur, Jón Kr. Ólafsson, heiðurinn af því.
Menning 7. júní 2023

Melodíur minninganna

Höfundur: Sigrún Pétursdóttir

Tónlistarsafnið Melódíur minninganna var formlega opnað þann 17. júní um síðustu aldamót – með pomp og prakt! Um er að ræða afar áhugavert og lifandi safn tónlistarmannsins Jóns Kr. Ólafssonar, á heimili hans að Reynimel – á Bíldudal við Arnarfjörð.

Hefur safnið að geyma hinar ýmsu gersemar, en Jón hefur um árabil safnað munum og heimildum íslenskrar tónlistarsögu. Má þar til dæmis finna innrammaðar hljómplötur, hljóðfæri, plötur og búninga sem áður voru í eigu tónlistarmanna á borð við Ellý Vilhjálms, Hauk Morthens, Ragga Bjarna og Stuðmanna – auk annars – og geta gestir notið þess að gleyma sér í tónlistartengdum minningum áratuga áður. Er öllum munum stillt upp á faglegan og aðgengilegan hátt og ljóst er að þarna er bæði ástríða og kunnátta að baki. Á vefsíðu Vesturbyggðar kemur fram að:

„... á safninu má sjá rauða jakkann hans Hauks Morthens og fyrstu plötu Bjarkar, Arabadrenginn auk ýmissa muna frá íslensku tónlistarlífi sjötta til áttunda áratug síðustu aldar. Á safninu er að finna ljós-myndir úr tónlistarlífinu á Íslandi, klæðnað og hluti frá þekktu tónlistarfólki, plötur, persónulega muni, auglýsingaplaköt og ótalmargt fleira. Sögubrot í formi mynda, muna og tónlistar sem ella væri horfið úr íslenskri tónlistarsögu. Á safninu er einnig unnt að nálgast tónlist Jóns Kr. Ólafssonar til sölu.“

Stigið inn í ævintýraheim

Safnstjórinn Jón á nefnilega sjálfur langan feril að baki í tónlistarbransanum, þá helst þekktur sem söngvari, en margir kannast við hljómsveitina Facon sem gaf út afar vinsælt efni. Naut fólk þess um árabil að hlýða á Jón syngja m.a. bæði á Hótel Borg og Hótel Sögu, svo eitthvað sé nefnt, en árið 1983 gáfu SG-hljómplötur út plötu þar sem hann syngur kunn einsöngslög við undirleik Ólafs Vignis Albertssonar.

Jón hefur yfir ævina myndað vináttubönd við aðra tónlistarmenn, eins og eðlilegt er, og er safnið tileinkað því listafólki sem hefur orðið á vegi hans yfir árin. Hefur heimili Jóns yfir sér notalegan blæ en inn af sýningarsalnum kemur fyrir að fólki sé gjarnan boðið í betri stofuna og spjallað um ævintýraheim tónlistarinnar. Ef til vill er hljómplata sett á fóninn og gamlar og góðar minningar rifjaðar upp, en safnstjórinn kann ótal sögur og frásagnir sem gaman er, og fróðlegt að hlýða á.

Áskorun

Tónlistarsafnið Melódíur minninganna má segja að kveiki í manni ýmsa elda. Töfra tónlistarinnar vissulega. Til jafns hugsjónastarfs Jóns, sem setur taktinn fyrir því hvernig einstaklingur getur upp á sitt einsdæmi gætt mikilvægra menningarverðmæta án opinbers fjárstuðnings, þó ekki vaði hann í seðlum sjálfur.

Mætti segja að tilvera tónlistarsafnsins á Bíldudal sé áminning þess efnis, áskorun til þeirra sem ættu að telja það mikilvægt að varðveita sögu okkar Íslendinga – að líta til þeirra sem með ástríðu gæta menningarinnar og leggja þeim lið.

Hægt er að sækja tónlistarsafnið heim alla daga að Tjarnarbraut, Reynimel, á Bíldudal, nema laugardaga, á milli klukkan 13-18. Til viðbótar má ná í Jón í símum 456 2186 /847 2542.

Skylt efni: söfnin í landinu

Sigurður í Pylsumeistaranum er Kjötmeistari Íslands
Líf og starf 16. apríl 2024

Sigurður í Pylsumeistaranum er Kjötmeistari Íslands

Sigurður Haraldsson í Pylsumeistaranum var krýndur Kjötmeistari Íslands í fagkep...

Paella með skelfiski
Líf og starf 16. apríl 2024

Paella með skelfiski

Paella er einfaldur réttur og til í ýmsum útgáfum, grunnurinn þó alltaf sá sami ...

Flugvélarflak í Eyvindarholti
Líf og starf 10. apríl 2024

Flugvélarflak í Eyvindarholti

Við Eyvindarholt undir Eyjafjöllum hefur gömlu flugvélarflaki verið komið fyrir....

„Hann gat ekki beðið“
Líf og starf 10. apríl 2024

„Hann gat ekki beðið“

Bændablaðið er mörgum ansi hjartfólgið enda nýtur blaðið mikils trausts meðal le...

Sefgoði
Líf og starf 10. apríl 2024

Sefgoði

Sefgoði er flækingur af goðaætt og fannst nýverið við Þorlákshöfn. Það er einung...

Fræ í frjóa jörð
Líf og starf 8. apríl 2024

Fræ í frjóa jörð

Fræbankar hafa á síðustu árum skotið upp kollinum hér og þar, en Svanhildur Hall...

Skyndibitar fyrir sálina
Líf og starf 5. apríl 2024

Skyndibitar fyrir sálina

Veitingar á vegum úti hafa í gegnum tíðina helst hljóðað upp á undirstöðugóðan a...

Íslensk tunga kveikir elda
Líf og starf 4. apríl 2024

Íslensk tunga kveikir elda

Undir Eyjafjöllunum skín alltaf sól segja sumir. Tíðarfarið, eins og víðast anna...