Vinsamlegast athugið að þetta efni er eldra en 7 mánaða.
Stjörnur verksins, þeir Bangsímon og Gríslingur, leiknir af þeim Sveini Brimari Jónssyni og Alexöndru Guðnýju Berglindi Haraldsdóttur.
Stjörnur verksins, þeir Bangsímon og Gríslingur, leiknir af þeim Sveini Brimari Jónssyni og Alexöndru Guðnýju Berglindi Haraldsdóttur.
Menning 17. nóvember 2023

Bangsímon & Gríslingur í jólasveinaleit

Höfundur: Sigrún Pétursdóttir

Áhugaleikhús Freyvangsmanna hefur nú sýningar á frumsýnda verkinu um hann Bangsímon og Grísling sem leita jólasveinanna.

Er verkið frumsamið, en höfundur þess, leikstjóri og jafnframt formaður félagsins, hún Jóhanna Sigurbjörg Ingólfsdóttir, Jósý, leyfir okkur að forvitnast aðeins.

„Jú, það vildi til að okkur langaði að setja upp jólaleikrit þetta misserið og það kitlaði mig svolítið að reyna,“ segir Jósý brosandi. Ég hafði spreytt mig á að leikstýra Karíusi og Baktusi í fyrra um svipað leyti og ákvað því að taka til höndum, skrifa jólaleikrit, stutt barnaverk sem gæti glatt alla aldurshópa og úr varð þetta stykki um þá félaga Bangsímon og Grísling. Ég hef aðeins dundað mér við að skrifa og haft gaman af og þetta vatt bara upp á sig! Ég hafði nú áætlað að skrifa skemmtilegt lítið verk, en þetta eru alveg 70 mínútur auk þess sem fjögurra manna hljómsveit verður á sviðinu allan tímann.

Íslenski draugurinn, Hallur Örn Guðjónsson, ræðir hér við Bangsímon og Grísling sem vita vart hvort þeir eigi að koma eða fara.

Fjallar verkið um þá Bangsímon og Grísling sem eru mættir hingað til lands því þeir fréttu að á Íslandi hæfust við hvorki meira né minna en 13 jólasveinar. Þeir hefja leit sína að sveinunum uppi á fjöllum og hitta því alls kyns íslenskar verur. Þar má telja fornan íslenskan draug, álf af bestu gerð og auðvitað jólaköttinn – sem allir vísa þeim skilmerkilega til vegar.

„Svo þegar komin var beinagrind af verkinu þótti okkur í stjórninni ógurlega skemmtileg hugmynd að hafa með leikritinu frumsamda tónlist,“ segir Jósý hlæjandi.

„Ég hafði því samband við Eirík Bóasson nokkurn hér úr sveitinni – sem hefur samið tónlist í yfir 50 ár – og hann hélt það nú! Við gætum auðvitað samið tónlistina. Allar verur leikritsins eiga því sitt eigið lag, þökk sé honum Eiríki.

Textarnir eru annars eftir mig, að undanskildum texta Jóhannesar frá Kötlum um jólaköttinn, en ég fékk leyfi hjá stofnun Jóhannesar til að nota hann.“

Hljómsveitin sjálf samanstendur af nokkrum góðum mönnum úr sveitinni, á sviði standa sjö leikarar, búningahönnun og saumur er í höndum móður Jósýar, Guðnýjar Kristinsdóttur og leikmynd er eftir Guðrúnar Elvu Lárusdóttur.

Sveindís María Sveinsdóttir er svo Jósýar hægri hönd þannig að það má segja að um heljarinnar skemmtun sé að ræða, bæði fyrir augu og eyru.

Áætlað er að sýna fram að jólum, alla laugardaga og sunnudaga kl. 13. Frumsýning er 17. nóvember. Miða má finna á tix.is og í síma 857 5598.

Skylt efni: freyvangsleikhús

Gerum okkur dagamun
Líf og starf 12. júlí 2024

Gerum okkur dagamun

Nú er ekki seinna vænna en að fara að leggja línurnar fyrir sumarið og með það t...

Bænder
Líf og starf 12. júlí 2024

Bænder

Sumir fara á Tinder. Aðrir hafa ekki tíma í slíkt vegna anna í búskapnum. Hér, k...

Vættafundur á Eyjabökkum
Líf og starf 10. júlí 2024

Vættafundur á Eyjabökkum

Orðsins list kemur að þessu sinni frá Oddbjörgu Sigfúsdóttur.

Sumarkveðja
Líf og starf 10. júlí 2024

Sumarkveðja

Nú þegar lífið kviknar með sumrinu og golan leikur við kinn, skulum við gleðjast...

Himbrimi
Líf og starf 9. júlí 2024

Himbrimi

Himbrimi er nokkuð stór vatnafugl og er einn af einkennisfuglum íslenskra heiðav...

Sumarsveiflan 2024
Líf og starf 8. júlí 2024

Sumarsveiflan 2024

Áherslur tískunnar fara nokkuð vítt og breitt þetta árið en nú þegar er farið að...

Dugur og elja ofar öllu
Líf og starf 8. júlí 2024

Dugur og elja ofar öllu

Eitt þeirra mætu kvenfélaga sem hér á landi sitja er Kvenfélag Hringsins sem hef...

Útlitið er ekki allt
Líf og starf 8. júlí 2024

Útlitið er ekki allt

„Sko, þetta hús byggði Síldarverksmiðja ríkisins árið 1943 og hér voru skrifstof...

Bænder
12. júlí 2024

Bænder

Skammur aðdragandi að sölunni
11. júlí 2024

Skammur aðdragandi að sölunni

Magnað Landsmót 2024
12. júlí 2024

Magnað Landsmót 2024

Oddgeirshólar
29. ágúst 2019

Oddgeirshólar

Svín og korn
12. júlí 2024

Svín og korn