Vinsamlegast athugið að þetta efni er eldra en 3 ára.
Hafsteinn Hafliðason, garðyrkjugúrú og þjóðargersemi, með nýju pottaplöntubókina.
Hafsteinn Hafliðason, garðyrkjugúrú og þjóðargersemi, með nýju pottaplöntubókina.
Líf og starf 16. maí 2022

Pottaplöntur við íslenskar aðstæður

Höfundur: Vilmundur Hansen

Allt í blóma er ný íslensk bók sem fjalar um ræktun pottaplantan við íslenskar aðstæður. Höfundur er Hafsteinn Hafliðason sem er margverðlaunaður fyrir ævistarf sitt sem tengist garðyrkju og ræktun og ekki síst fræðslu.

Hafsteinn segir að í bókinni fjalli hann um margar af þeim pottaplöntum sem hann hefur rekist á og viti að hafa verið í ræktun hér á landi. „Ég hef lengi viðað að mér upplýsingum um pottaplöntur en vinna við bókina hófst fyrir alvöru snemma síðastliðið vor og ég sat við langt fram á haust. Þó ég hafi nú ekki reynslu af því að rækta allar tegundirnar í bókinni þá þekki ég þær flestar, hef fylgst með tískustraumunum og kynnst þeim tegundum sem hafa ratað hingað upp á land. Lesendur ættu því að finna ansi gott yfirlit í bókinni yfir flestar ættkvíslir stofublóma.“

Ræktum garðinn

Auk þess að vinna að gerð bókarinnar vann Hafsteinn við gerð sjónvarpsþátta síðastliðið sumar þar sem hann fjallaði um vinsælar garð- og skálaplöntur sem ræktaðar eru í pottum.

Hafsteinn segir að talsverðar tískusveiflur sé á blómamarkaði og plöntur detti í og úr tísku. „Í dag eru alls kyns skræpur vinsælar en það er plöntuafbrigði með marglitum blöðum. Gömlu góðu ömmublómin sem eru plöntur sem voru vinsælar fyrir og um miðja síðustu öld eru líka margar að komast aftur í tísku, ekkert nema gott um það að segja því reynslan af mörgum þeirra er góð.“

Að sögn Hafsteins er mikið að nýjum gerðum og sortum pottaplantna mikið framræktaðar og oft um að ræða afleggjara af sömu plöntu sem hefur verið á einhvern hátt sérstök og eftirsótt og því fjölgað endalaust kynlaust.

Flóra íslenskra pottaplantna

Í bókinni, sem er eins konar flóra íslenskra pottaplantna, er fjallað um hátt í 350 tegundir og tilbrigði og myndir eru af þeim flestum. Sagt er frá uppruna plantnanna, þeim lýst og fjallað um umhirðu þeirra. Hvernig á að hugsa um stofublómin, hvaða staðsetning og birta hentar þeim best, hvernig mold kýs plantan, hvað á að gefa henni mikinn áburð og hvað á að vökva hana mikið?

Garðyrkjugúrú og þjóðargersemi

Allt í blóma er mikill akkur fyrir fólk sem hefur áhuga á allri garðyrkju enda er Hafsteinn Hafliðason stórveldi þegar kemur að gróðri, ræktun og fræðslu. Í bókinni Allt í blóma beinir hann sýn sinni að inniplöntum sem ræktaðar hafa verið á Íslandi og eys af ótæmandi viskubrunni sínum og vökvar fróðleiksfúst ræktunarfólk með áburðarlausum fróðleik og skemmtun. Hafsteinn er garðyrkjugúrú og þjóðargersemi.

Skylt efni: Hafsteinn Hafliðason

Gæðamatur er dýr í framleiðslu
Líf og starf 19. júní 2025

Gæðamatur er dýr í framleiðslu

Edward Carr, forseti írsku samvinnuhreyfingarinnar (ICOS) segir að gæðamatvara s...

Skákfélag Vestfjarða stofnað
Líf og starf 18. júní 2025

Skákfélag Vestfjarða stofnað

Þann 30. maí síðastliðinn var Skákfélag Vestfjarða formlega stofnað. Áður hafði ...

Stjörnuspá vikunnar
Líf og starf 16. júní 2025

Stjörnuspá vikunnar

Vatnsberinn þarf að vera varkár þegar kemur að óvæntum útgjöldum. Nú er tími til...

Flaggar ólíkum fánum daglega
Líf og starf 10. júní 2025

Flaggar ólíkum fánum daglega

Ólafur Sverrisson fánasafnari á 214 ólíka fána, bæði þjóðfána ásamt fánum sem ti...

Landsmótið 2025 og Bændablaðsleikurinn
Líf og starf 10. júní 2025

Landsmótið 2025 og Bændablaðsleikurinn

Landsmótið í skólaskák fór fram helgina 3.–4. maí. Mótið á um 50 ára sögu og er ...

Brot af glötuðum heimi og kennimörk fasismans
Líf og starf 6. júní 2025

Brot af glötuðum heimi og kennimörk fasismans

Þórhildur Ólafsdóttir sendi fyrr á árinu frá sér bókina Með minnið á heilanum se...

Óheppni spilarinn
Líf og starf 5. júní 2025

Óheppni spilarinn

Í undankeppni Íslandsmótsins í sveitakeppni sem fram fór 11.–13. apríl hitti ég ...

Kjörgripir búnaðarsögu í hundraðavís
Líf og starf 2. júní 2025

Kjörgripir búnaðarsögu í hundraðavís

Búminjasafnið Lindabæ á tíu ára afmæli nú í sumar. Safnið lætur gera upp sjaldgæ...