Vinsamlegast athugið að þetta efni er eldra en mánaðar gamalt.
Kjúklingalifrarkæfa með skógarberjabragði frá Steinari Þórarinssyni, Sláturfélagi Suðurlands. Besta varan í flokknum Eldaðar kjötvörur.
Kjúklingalifrarkæfa með skógarberjabragði frá Steinari Þórarinssyni, Sláturfélagi Suðurlands. Besta varan í flokknum Eldaðar kjötvörur.
Mynd / Björk Guðmundsdóttir
Líf og starf 16. apríl 2024

Sigurður í Pylsumeistaranum er Kjötmeistari Íslands

Höfundur: Sigurður Már Harðarson

Sigurður Haraldsson í Pylsumeistaranum var krýndur Kjötmeistari Íslands í fagkeppni Meistarafélags kjötiðnaðarmanna sem haldin var á dögunum.

Sigurður Haraldsson í Pylsumeistaranum með verðlaunagripi sína.

Sigurður varði titilinn frá síðustu keppni, en hún er haldin á tveggja ára fresti. Hann vann auk þess til verðlauna fyrir bestu vörurnar unnar úr lambakjöti, svínakjöti og fyrir bestu vöruna í flokknum kæfur og paté.

Sigurður rekur verslun sína á Laugalæk í Reykjavík sem sérhæfir sig í pylsum, en hann er þar einnig með verðlaunavörur til sölu.

Titilinn Kjötmeistari Íslands hlýtur sá kjötiðnaðarmaður sem fær flest stig samanlagt úr fimm stigahæstu vörum sínum. Vörum eru gefnar stig og fá þær gull, silfur eða brons eftir fjölda stiga. Til að fá gullverðlaun þurfa þær að vera nánast gallalausar. Sigurður hlaut 255 stig samanlagt, Steinar Þórarinsson frá Sláturfélagi Suðurlands varð annar með 251 stig og Sævar Jóhannesson frá Kjarnafæði Norðlenska og Jónas Þórólfsson frá Frávik í þriðja til fjórða sæti með 249 stig. Í fagkeppninni senda kjötiðnaðarmenn inn vörur með nafnleynd til dómarahóps sem dæmir vörurnar eftir faglegum gæðum. Hver keppandi má senda inn allt að tíu vörur til keppninnar.

Allar vörur byrja með fullt hús stiga, en dómarar leita síðan að öllum hugsanlegum göllum. Við hvern galla sem finnst fækkar stigum. Með þessu fyrirkomulagi geta margar vörur fengið gull-, silfur- eða bronsverðlaun.

Steinar Þórarinsson, Jónas Þórólfsson, Sigurfinnur Garðarsson, Jónas Pálmar Björnsson og Rúnar Ingi Guðjónsson.

Lúxus lifrarkæfa frá Sigurði Haraldssyni, Pylsumeistaranum, var útnefnd besta varan í flokknum Kæfur og paté.

Jón Þorsteinsson, Sigurfinnur Garðarsson og Hreiðar Örn Zoëga Stefánsson.

Grafið hrossafille frá Sævari Jóhannessyni, Kjarnafæði Norðlenska. Besta varan unnin úr hrossa- eða folaldakjöti.

Kjúklingasulta frá Steinari Þórarinssyni, Sláturfélag Suðurlands. Besta varan unnin úr alifuglakjöti.

Saltfiskur fyrir fjóra
Líf og starf 23. maí 2024

Saltfiskur fyrir fjóra

Saltaður þorskur er mjög vinsæll hjá þjóðum Suður-Evrópu og tengist þar um slóði...

Hjón hlutu samfélagsverðlaun
Líf og starf 22. maí 2024

Hjón hlutu samfélagsverðlaun

Samfélagsverðlaun Skagafjarðar voru veitt í níunda sinn við setningu Sæluviku Sk...

Þarfasti þjónninn
Líf og starf 22. maí 2024

Þarfasti þjónninn

Bændablaðið fékk til prufu rafmagnaða útgáfu af minnsta Weidemann skotbómulyftar...

Friðrik, Bjarki og Helga Ragna hlutu garðyrkjuverðlaun
Líf og starf 21. maí 2024

Friðrik, Bjarki og Helga Ragna hlutu garðyrkjuverðlaun

Garðyrkjuverðlaun voru veitt á hinni árlegu hátíðarathöfn Garðyrkjuskólans á sum...

Skáldið, framsóknarmaðurinn og fimm granda meldingin
Líf og starf 20. maí 2024

Skáldið, framsóknarmaðurinn og fimm granda meldingin

Þeir voru ekki margir sem komust í slemmu með spil austur-vestur á Kjördæmamótin...

Stjörnuspá 16. maí - 30. maí
Líf og starf 16. maí 2024

Stjörnuspá 16. maí - 30. maí

Vatnsberinn hefur í mörgu að snúast þessa dagana en er þó frekar skýr í kollinum...

Safnað fyrir Einstök börn
Líf og starf 26. apríl 2024

Safnað fyrir Einstök börn

Stóðhestaveisla Eiðfaxa var haldin 13. apríl í HorseDay-höllinni á Ingólfshvoli ...

Umhverfisvænar blómaskreytingar
Líf og starf 25. apríl 2024

Umhverfisvænar blómaskreytingar

Náttúruleg fegurð var í fyrirrúmi á námskeiði um blómaskreytingar í Garðyrkjuskó...