Vinsamlegast athugið að þetta efni er eldra en 4 ára.
Vitundarvika um skynsamlega notkun sýklalyfja
Fréttir 15. nóvember 2017

Vitundarvika um skynsamlega notkun sýklalyfja

Höfundur: Vilmundur Hansen

Hin alþjóðlega vitundarvika um skynsamlega notkun sýklalyfja hófst mánudaginn 13.nóvember og stendur yfir til föstudagsins 19. nóvember.

Á heimasíðu Matvælastofnunnar segir að ónæmi gegn sýklalyfjum sé að aukast út um allan heim sem getur leitt til vandamála þegar kemur að því að meðhöndla algengar sýkingar. Erfitt getur reynst að meðhöndla sýkingar í mönnum og dýrum ef að dregur úr virkni sýklalyfja. Notkun sýklalyfja er nátengd þróun ónæmis gegn sýklalyfjum.

Röng notkun og ofnotkun á sýklalyfjum eykur hættu á myndun ónæmis gegn sýklalyfjum. Ofnotkun getur stafað af of mikilli ávísun sýklalyfja meðal lækna og dýralækna og aðgengi almennings að sýklalyfjum án lyfseðils, svo dæmi séu nefnd. Notkun sýklalyfja til meðhöndlunar á veirusýkingum og notkun sýklalyfja sem vaxtarhvetjandi efni fyrir búfé eru dæmi um ranga notkun sýklalyfja.

Skýrslur Landlæknis og Lyfjastofnunar Evrópu, sem komu báðar nýverið út, um sölu sýklalyfja handa dýrum sýna fram á það að á Íslandi er sala sýklalyfja handa dýrum með minnsta móti í Evrópu og fer lækkandi. Hérlendis er sala sýklalyfja handa dýrum sem eru þröngvirk, beta-laktamasanæm penicillin, algeng sem er jákvætt, þar sem notkun þröngvirkra sýklalyfja takmarkar myndun á sýklalyfjaónæmi.

OIE, WHO og FAO hafa tekið höndum saman í baráttunni gegn sýklalyfjaónæmi undir yfirskriftinni „One Health“. Herferðinni er ætlað að stuðla að betri starfsháttum til að draga úr aukningu og útbreiðslu á ónæmi gegn sýklalyfjum bæði hjá mönnum og dýrum. Á meðan á vitundarvikunni stendur munu OIE, WHO og FAO einbeita sér á samfélagsmiðlum sínum að því að auka vitund almennings, heilbrigðisstarfsfólks, yfirvalda, bænda, dýralækna, matvæla- og fóðuriðnaðarins og annarra ásamt því að benda á leiðir til að vinna gegn sýklalyfjaónæmi. Þetta árið verður áhersla lögð á mikilvægi þess að fólk fái upplýsingar og leiðbeiningar frá dýralæknum, læknum og  öðru heilbrigðisstarfsfólki áður en sýklalyf eru notuð til að tryggja rétta notkun og viðeigandi meðhöndlun við sjúkdómum.

Á upplýsingarsíðu OIE um vitundarvikuna er m.a. hægt að finna fróðlega einblöðunga og stutt og hnitmiðuð myndbönd um hvaða skref hægt er að taka í átt að skynsamlegri notkun sýklalyfja.

Ítarefni:
Vefsíða Alþjóðadýraheilbrigðisstofnunarinnar (OIE) um sýklalyfjaónæmi
Vefsíða Matvælaöryggisstofnunar Evrópu (EFSA) um sýklalyfjaónæmi
Vefsíða Alþjóðaheilbrigðisstofnunarinnar (WHO) um vitundarviku um skynsamlega notkun sýklalyfja
Vefsíða Matvæla- og landbúnaðarstofnunar SÞ (FAO) um vitundarviku um skynsamlega notkun sýklalyfja

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...