Vinsamlegast athugið að þetta efni er eldra en 3 ára.
Magnús Leópoldsson, fasteignasali hjá Fasteignamiðstöðinni, hefur 35 ára reynslu af jarðaviðskiptum á sinni fasteignasölu. Hann segir öfáar jarðir seldar erlendum aðilum að jafnaði á ári.
Magnús Leópoldsson, fasteignasali hjá Fasteignamiðstöðinni, hefur 35 ára reynslu af jarðaviðskiptum á sinni fasteignasölu. Hann segir öfáar jarðir seldar erlendum aðilum að jafnaði á ári.
Mynd / TB
Fréttir 26. júlí 2019

Útlendingar ekki í röð eftir að kaupa jarðir á Íslandi

Höfundur: Margrét Þóra Þórsdóttir
„Staðan er sú að útlendingar standa hér ekki í röðum eftir að kaupa jarðir á Íslandi, það er enn svo að framboð af jörðum er meira en eftirspurnin. Útlendingar eiga um 60 jarðir hér á landi af um 7.000 þannig að þetta er lítið brot í heildarsamhenginu,“ segir Magnús Leópoldsson, fasteignasali hjá Fasteignamiðstöðinni, en hann hefur 35 ára reynslu af jarðaviðskiptum á sinni fasteignasölu.
 
Enginn kaupir jörð út í bláinn, einhver tenging alltaf fyrir hendi
 
Magnús segir flesta þá útlendinga sem kaupa jarðir hér á landi tengjast landinu með einhverjum hætti, þeir þekki Íslendinga og hafi komið til landsins og tekið við það ástfóstri. Fólk hafi áhuga á veiðiskap í íslenskum ám, eigi íslensk hross eða eitthvað því um líkt. „Það kemur enginn hingað upp úr þurru og kaupir 500 hektara jörð út í bláinn, það eru alltaf einhverjar tengingar fyrir hendi. Bara líkt og gildir um okkur Íslendinga sem fjárfestum í fasteignum erlendis, það þarf einhver tenging að vera fyrir hendi,“ segir Magnús.
 
Jafnvægi hin síðari ár
 
Hann segir að jafnvægi hafi verið hin síðari í ár í jarðakaupum útlendinga og að jafnaði seljist örfáar jarðir á ári til erlendra aðila. 
 
Magnús telur að erfitt geti verið að finna flöt á nýjum reglum varðandi fasteignakaup erlendra aðila, þ.e. að setja upp einhverjar girðingar sem hamli kaupum. „Það verður auðvitað að vera þokkaleg sátt um þessi mál. Sjálfur hef ég hugleitt að það þurfi til langs tíma að gera áætlanir um nýtingu landsins með hagkvæmni í huga því auðvitað viljum við hafa landbúnað áfram,“ segir hann. Einnig kveðst hann brýna fyrir sínum viðskiptavinum að ábyrgð fylgi því að eiga jörð, m.a. varðandi fjallskil og ýmislegt fleira. 
 
Veit ekki til að verið sé að bera fé á fólk
 
Magnús telur að útlendingar kaupi sínar jarðir almennt ekki á yfirverði, þeir ekki síður en aðrir hugsi um veskið sitt. Hann sá um viðskiptin með Atlastaði í Svarfaðardal og segir að á þeirri jörð sé einungis íbúðarhúsið fyrir hendi, öll útihús hafi verið rifin. Nágrannabændur hafa nýtt túnin við bæinn og svo verði væntanlega áfram. Fljótabakki ehf., sem rekur ferðaþjónustu í Fljótum, hafi séð hag í því að eiga íbúðarhúsið til að nýta í sinni starfsemi en stutt er að fara á milli staðanna í lofti. 
 
Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...