Vinsamlegast athugið að þetta efni er eldra en 3 ára.
Hér á landi hefur verið óheimilt að fella hreindýrskálfa frá árinu 2011. Mynd / BBL.
Hér á landi hefur verið óheimilt að fella hreindýrskálfa frá árinu 2011. Mynd / BBL.
Fréttir 9. ágúst 2019

Tilmæli um að fella ekki kú frá kálfi

Höfundur: Vilmundur Hansen

Leyfi til veiða á hreintörfum er gengið í gildi og stendur til 15. september en veiðar á hreinkúm hefjast 1. ágúst og standa til 20. september.

Umhverfisstofnun hefur sent út tarfaleyfin til þeirra sem greitt hafa fyrir leyfið, staðist skotpróf og eru með veiðikort í gildi. Veiðileyfi fyrir kýr verða send út á næstu dögum.

Veiðistjórnun og velferð dýra

Fagráð um velferð dýra hefur beint þeim tilmælum til stofnunarinnar að veiðistjórnun og tímabil hrein­dýraveiða verði endurskoðað með tilliti til velferðar hreinkálfa sem verða móðurlausir á veiðitímabilinu. Í tilmælunum vísaði Fagráðið til þess að í Noregi væri lögð áhersla á þá veiðisiðfræði að fella ekki kú frá kálfi og að helst eigi að fella kálfinn á undan kúnni auk þess sem veiðar hefjast þar að jafnaði seinna en hér á landi. Fagráðið benti einnig á að nauðsynlegt sé að rannsóknir verði gerðar á þroska og afdrifum kálfa með tilliti til þess hvort þeir fylgi móður að vetri eða eru móðurlausir til að hægt sé að meta með vísindalegum aðferðum hver áhrif veiða eru á afdrif kálfa.

Kálfaveiðibann reynist vel

Umhverfisstofnun hefur í samstarfi við Náttúrustofu Austurlands kynnt sér þau gögn sem fyrir liggja um lifun kálfa sem missa móður á veiðitíma. Að mati stofnunarinnar gefa gögnin ekki til kynna að um sé að ræða neyðarástand hvað varðar afdrif móðurlausra kálfa. Í ljósi þess mælti stofnunin ekki með að veiðum á kúm væri seinkað í ár en stofnunin beinir þeim tilmælum til leiðsögumanna og veiðimanna með kýrleyfi að fella fremur kýr sem eru ekki með kálf heldur en kýr sem eru með kálf fyrstu tvær vikurnar í ágúst.

Hér á landi hefur verið óheimilt að fella kálfa frá árinu 2011 og því ekki hægt að fara að dæmi Norðmanna að fella þá. Að mati Umhverfisstofnunar hefur bannið við kálfaveiðum reynst mun betur en fyrra fyrirkomulag þegar kálfar voru felldir með kúm. Umhverfisstofnun leggst aftur á móti ekki gegn því að endurskoða megi veiðistjórnun á hreindýrum á grundvelli frekari rannsókna.

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...