Vinsamlegast athugið að þetta efni er eldra en 6 ára.
Myndir: Björgunarfélag Hornafjarðar
Myndir: Björgunarfélag Hornafjarðar
Fréttir 28. september 2017

Þyrla Landhelgisgæslunnar leitar að innlyksa fé

Höfundur: Vilmundur Hansen

Gríðarlegar rigningar hafa verið á Austurlandi undanfarna daga og samkvæmt veðurspá mun rigna áfram næstu daga. Búið er að koma um hundrað kindum í skjól og mun þyrla Landhelgisgæslunnar fljúga yfir svæðið í dag og leita eftir innlyksa fé.

„Við höfum leitað eftir aðstoð Landhelgisgæslunnar til að leita að fé sem er innlyksa vegna rigningarinnar og þyrlan mun fljúga yfir í dag og leita eftir því,“ sagði Friðrik Jónas Friðriksson hjá Björgunarfélagi Hornafjarðar í samtali við Bændablaðið fyrir stuttu.

 

Hólmsá rauf varnargarða
Gríðarleg rigning hefur verið á Suðaustur- og Austurlandi undanfarna daga og er spáð áframhaldandi rigningu næstu daga. Friðrik segir að vegna rigninganna hafi mikið vatn safnast fyrir. „Hólmsá rauf varnargarða í gær og vegna þess rauf vegagerðin veginn á þremur stöðum, rétt austan Hólmsár og við bæina Hólm og Árbæ á Mýrum, til að létta á vatnsflaumnum ofan við veginn til að bjarga honum og minnka tjónið.“

Þegar Bændablaðið náði tali af Friðriki í morgun var enn rok og rigning á Mýrunum. „Ég held þetta hljóti að vera vatnið sem týndist í fellibylnum í Bandaríkjunum og að það hafi hreinlega fokið hingað.“ Friðrik segir að spáð sé nokkurra klukkutíma uppstyttu í dag en að svo eigi að byrja að rigna aftur í nokkra daga.

Búið að bjarga um hundrað fjár
Björgunarsveitarmenn eru búnir að vinna sleitulaust við að bjarga fé sem hefur lokast af vegna rigninganna. „Við erum búnir að sækja hátt í hundrað fjár og koma því í skjól en vitum að það er eitthvað af fé enn úti en satt best að segja vitum ekki hversu margt það er né hvar það er. Það er ástæðan fyrir því að við óskuðum við eftir aðstoð Gæslunnar til að yfirfljúga svæðið og leita að því.“

Friðrik segist ekki vita til að matjurta- eða kartöflugarðar hafi orðið fyrir tjóni en að mikið af ræktuðu landi, aðallega tún, standi á kaf í vatni. „Líklega hefur mikið af girðingum slitnað og svo gaf nýja göngubrúin yfir Hólmsá uppi við jökul sig í vatnavöxtunum en ekki er vitað um annað tjón á brúm, vélum eða húsum enn sem komið er.“

Í morgun voru fimm björgunarsveitarmenn að störfum frá Björgunarfélagi Hornafjarðar vegna rigninganna en þegar mest var voru þeir tuttugu.

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...