Vinsamlegast athugið að þetta efni er eldra en 3 ára.
Unnsteinn Snorri Snorrason, framkvæmdastjóri Landssamtaka sauðfjárbænda.
Unnsteinn Snorri Snorrason, framkvæmdastjóri Landssamtaka sauðfjárbænda.
Fréttir 12. apríl 2019

Þungt hljóð í sauðfjárbændum vegna orða landgræðslustjóra um landnýtingu

Höfundur: Hörður Kristjánsson
Á dögunum var haldin fag­ráðstefna skógræktar 2019. Þar voru flutt fjölmörg áhugaverð erindi. Meðal annars flutti Árni Bragason landgræðslustjóri erindi um aðgerðir í loftslagmálum – áherslur landgræðslunnar. Samantekt á erindi Árna birtist á heimasíðu Skógræktarinnar auk þess sem útdráttur er birtur í ráðstefnuriti. Landgræðslustjóri fer víða í erindi sínu og fjallar m.a. um hlýnun jarðar, nýtt skipurit Landgræðslunnar og um ný landgræðslulög. Ummæli Árna um stöðu nokkurra afréttarsvæða á landinu vöktu nokkra athygli enda kallar landgræðslustjóri eftir pólitískum vilja til að loka þessum beitilöndum með tilheyrandi forsendubrest fyrir sauðfjárbúskap á svæðinu.
 
Sauðfjárbændur á þessum svæðum og víðar um land hafa átt í miklu og góðu samstarfi við Landgræðsluna. Ber þar hæst verkefnið Bændur græða landið, sem hefur skilað miklum árangri og kannski ekki síður stuðlað að góðu og öflugu samtali milli bænda og Landgræðslunnar. Þá er verkefnið Grólind framtíðarverkfæri til að fylgjast með ástandi lands.  Bændur bera miklar vonir til þess verkefnis enda hefur vinna við það gengið vel.
 
Á kynningarfundi Grólindar sem haldinn var í Brautarholti á Skeiðum mætti landgræðslustjóri til að skýra mál sitt fyrir bændum. Það var þungt hljóð í fundarmönnum og mikill hiti í umræðum.
 
Ummælin hitta bændur illa fyrir
 
„Ég hef fengið fjölmörg símtöl frá bændum eftir að þessi ummæli féllu í síðustu viku. Ummælin hitta bændur illa fyrir,“ segir Unnsteinn Snorri Snorrason, framkvæmdastjóri Landssamtaka sauðfjárbænda.
„Ég tel mikilvægt að land­græðslu­stjóri fái ráðrúm til að skýra betur ummæli sín. Við verðum að byggja samtalið milli landgræðslu og bænda á trausti. Bændum þykir að landgræðslan sé búin að gefa sér fyrirfram niðurstöður á ástandsmati þeirra afrétta sem tilteknir voru í erindi landgræðslustjóra og spyrja sig því einfaldlega hvers vegna  verið sé að vinna að Grólindarverkefninu ef niðurstaðan er komin fram.“
 
Afkoman byggir á sjálfbærri landnýtingu
 
„Afkoma sauðfjárbænda byggir á því að landnýting sé sjálfbær.  Þess vegna skiptir okkur miklu máli að Grólindarverkefnið verði öflugt verkfæri sem skilar okkur upplýsingum um ástand lands og framvindu þess. Afurð Grólindar eru gögn sem nýtast bændum beint til að bæta landnýtingu og ekki síður til að stunda markvissar landbætur. Það er ljóst að reynsla og fagþekking innan Landgræðslunnar er algjör forsenda fyrir þessu verkefni og við ætlumst til mikils af samstarfi við Landgræðsluna á þessu sviði. Enda viljum við vinna með öllum sem koma fram við okkur á sanngjarnan og málefnalegan hátt,“ segir Unnsteinn. 
Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...