Vinsamlegast athugið að þetta efni er eldra en 1 árs.
Í Ögri við Ísafjarðardjúp hefur um aldur verið stórbýli og þingstaður Ögurhrepps. Þar hefur undanfarin ár verið rekin ferðaþjónusta þar sem gestum hefur m.a. verið boðið upp á kajaksiglingar og kaffi með þjóðlegu meðlæti.
Í Ögri við Ísafjarðardjúp hefur um aldur verið stórbýli og þingstaður Ögurhrepps. Þar hefur undanfarin ár verið rekin ferðaþjónusta þar sem gestum hefur m.a. verið boðið upp á kajaksiglingar og kaffi með þjóðlegu meðlæti.
Mynd / Andreas Jacobsen
Fréttir 5. júlí 2020

Þjóðlegt með kaffinu og kajakferðir í Ögri

Höfundur: HKr.
Í Ögri við Ísafjarðardjúp hefur verið rekið ferða­þjónustu­fyrirtækið Ögurferðir síðan 2011. Starf­semin snýr að kajakferðum í Ísafjarðardjúpi og rekstri kaffihúss í samkomuhúsinu í Ögri sem var byggt 1925.
 
Kaffihúsið er rekið undir nafninu „Þjóðlegt með kaffinu“, en Guðfinna og Jóna Símonína Bjarnadóttir standa þar vaktina. Þær hafa einnig gefið út bækur undir sama nafni og þýtt á nokkur erlend tungumál.
Ferðafólk sem sækir í hreina náttúru og kyrrð á fáförnum slóðum eru helstu viðskiptavinir Ögurferða. Kajakferðirnar eru frá stuttum og fjölskylduvænum ferðum nálægt landi upp í dagsferðir og jafnvel nokkurra daga ferðir í Djúpinu og í Jökulfjörðum. 
 
Í samkomuhúsinu í Ögri er einnig haldið árlega sveitaball. Ögurballið á sér fastan sess í dagskrá margra og hefur verið fastur liður í tilveru Djúpmanna um áratuga skeið. Af ballinu fer enginn heim nema að fá sér rabarbaragraut með rjóma.  
 
Ögur var stórbýli um aldir og kirkjustaður í Ögurvík í Ísafjarðar­djúpi, en Ögurkirkja var reist 1859. Í Ögri var þingstaður Ögurhrepps og frá 15. til 17. aldar bjó þar hvert stórmennið á fætur öðru. Má þar helst nefna Björn Guðnason sýslumann, Magnús Jónsson (prúða) sýslu­mann og síðar Ara son hans, Björn Markússon og Erlend Ólafsson málafylgjumann. 
 
Fyrsta rafstöð á sveitaheimili við Djúp var reist í Ögri 1928. Í Ögurnesi var verstöð og þurrabúðir héldust þar allt fram á 20. öld. Þá var þar lengi landsíma- og póstafgreiðsla, sem og læknissetur frá 1932 til 1951.
Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...

Arfgerðin T137 finnst á Botnum og reynist útbreidd á Árskógsströndinni
Fréttir 16. maí 2022

Arfgerðin T137 finnst á Botnum og reynist útbreidd á Árskógsströndinni

Arfgerðar­greiningar á príon­próteini (PrP) kinda eru nú í fullum gangi. Að sögn...

„Ég hef lagt niður vopnin“
Fréttir 13. maí 2022

„Ég hef lagt niður vopnin“

Sigríður Jónsdóttir bóndi og fjölskyldan í Arnarholti í Biskups­tungum ætla að h...

Kúabændur misvel í stakk búnir til að bregðast við versnandi rekstrarhorfum
Fréttir 13. maí 2022

Kúabændur misvel í stakk búnir til að bregðast við versnandi rekstrarhorfum

Herdís Magna Gunnarsdóttir, bóndi á Egilsstöðum á Fljóts­dalshéraði, var kjörin ...

Verndandi arfgerðir gegn riðu nokkuð algengar í íslensku fé á Grænlandi
Fréttir 13. maí 2022

Verndandi arfgerðir gegn riðu nokkuð algengar í íslensku fé á Grænlandi

Sandkoli og hryggleysingjar
Fréttir 13. maí 2022

Sandkoli og hryggleysingjar

Atvinnuveganefnd hefur til umfjöllunar frumvarp þar sem fjallað er um veiðistjór...

Tryggir félagslegan stuðning við bændur
Fréttir 12. maí 2022

Tryggir félagslegan stuðning við bændur

Tryggir félagslegan stuðning við bændur Guðmundur Ingi Guðbrandsson, félags- og ...