Vinsamlegast athugið að þetta efni er eldra en 2 ára.
Það sem stórkaupmenn þola ekki að heyra
Lesendabásinn 19. mars 2019

Það sem stórkaupmenn þola ekki að heyra

Höfundur: Einar Freyr Elínarson

Andrés Magnússon framkvæmdastjóri Samtaka verslunar og þjónustu segir að fólki sé alveg sama við hvern það skiptir. Hann viðraði þá skoðun sína í þættinum Sprengisandur á Bylgjunni nú um síðustu helgi. Sé það rétt hjá honum þá vekur það upp mjög áleitnar spurningar um það hvort okkur sé virkilega sama hvernig staðið sé að framleiðslu. Ég er ósammála þessari fullyrðingu enda held ég að meirihluti fólks hafi sterkari siðferðiskennd en svo að það telji engu máli skipta þó að framleiðslan grundvallist á lágum launum og lakari gæðum.

Hann talaði jafnframt um að mesta kjarabót launafólks væri að breytingar yrðu gerðar á landbúnaðarkerfinu. Að vísu átti umræða þáttarins að snúast um verðlag á Íslandi en eins og gömul rispuð plata færi í gang þá hóf Andrés gamalkunnan málflutnig um að hátt verðlag væri landbúnaðinum einum að kenna.

Það er auðvitað alrangt enda er það miklu frekar verslunin sem að heldur uppi hárri álagningu á vörum almennt. Staðreyndin er sú að hlutfall útgjalda fólks til matvælakaupa er lægra á Íslandi heldur en gengur og gerist innan landa Evrópusambandsins! Stærsti útgjaldaliður heimilanna er auðvitað hátt húsnæðis- og leiguverð. Ég bíð spenntur eftir rökstuðningi Samtaka verslunar og þjónustu eða Félags Atvinnurekenda fyrir því hvernig bændur bera líka ábyrgð á því.

Eftirfarandi atriði virðast fara gríðarlega í taugarnar á Samtökum verslunar og þjónustu og Félagi atvinnurekenda sem eru enda farnir að missa stjórnina á umræðunni:

  • Fólk er hætt að trúa því að stórkaupmenn séu talsmenn neytenda.
  • Hlutfall útgjalda heimila sem fer í matarinnkaup er lægra á Íslandi en víðast í Evrópu.
  • Málflutningur um óhagkvæman búskap sem heldur uppi háu verðlagi stenst ekki skoðun. Mun frekar er hægt að rökstyðja óhagkvæma verslun; of stór yfirbygging, hæg tækniþróun.
  • Fólki er ekki sama við hvern það skiptir. Það vill geta valið íslenskar vörur.
  • Íslenskar landbúnaðarafurðir eru gæðavörur og ef fluttar væru inn fullkomlega sambærilegar vörur þá væru þær eflaust jafnvel dýrari.
  • Bændur og neytendur eiga mun betri samleið en stórkaupmenn og neytendur.

Hrefna Sverrisdóttir veitingakona kom með áhugaverðan vinkil í sama þætti sem er umhugsunarverður. Hún spurði hvort við viljum selja sem allra mest vegna þess að það sé ódýrt og framleiða bara ódýrt og flytja langar leiðir. Eða viljum við frekar versla í heimabyggð? Jú það er kannski dýrara en um leið þá er stutt við lítil og meðalstór fyrirtæki.

Spurningin er hvort okkur sé sama hvernig fjármunir okkar nýtast. Viljum við að hár kaupmáttur Íslendinga nýtist til þess að styðja við lítil og meðalstór fyrirtæki eða viljum við að það sem við kaupum sé grundvallað á framleiðslu fyrirtækja sem greiða lág laun og í tilfelli landbúnaðarvara að aðbúnaður dýra sé lakari en tíðkast hér á Íslandi?

Bændur sem reka einmitt lítil og meðalstór fyrirtæki hafa markvisst hagrætt í sínum rekstri á síðustu áratugum og við munum að sjálfsögðu halda því áfram. Sú hagræðing hefur skilað sér til neytenda. Það kristallast í því að fólk þarf að eyða lægra hlutfalli af sínum launum til matvælakaupa hérlendis en víðast annars staðar í Evrópu.

Það er ýmislegt sem má breyta þegar kemur að landbúnaði. Við þurfum ávallt að styðja við nýsköpun og þróa áfram afurðir okkar í takti við kröfur neytenda. Við eigum að þróa eins og við getum framleiðslu nýrra búvara og nýta það sem íslensk náttúra býður upp á.

Sú breyting sem liggur hins vegar mest á er þessi; að verslanir endurskoði álagningu sína á matvöru þannig að svigrúm gefist til þess að bæði lækka verð til neytenda og auka hlutdeild bænda í söluverði vörunnar.

Einar Freyr Elínarson, frambjóðandi til formanns Landssamtaka Sauðfjárbænda.

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...