Gyða Pétursdóttir situr í samráðshópi umhverfis-, orku- og loftslags- ráðuneytisins um nýtingarmöguleika á lífrænum úrgangi – einkum úr fiskeldi á landi og svínaeldi.
Gyða Pétursdóttir situr í samráðshópi umhverfis-, orku- og loftslags- ráðuneytisins um nýtingarmöguleika á lífrænum úrgangi – einkum úr fiskeldi á landi og svínaeldi.
Fréttir 19. nóvember 2026

Tafir á skýrsluskilum samráðshóps

Höfundur: Sigurður Már Harðarson

Til stóð að skýrslu yrði skilað til umhverfis-, orku- og lofts- lagsráðherra 15. nóvember næstkomandi um nýtingar- möguleika á lífrænum úrgangi – einkum úr fiskeldi á landi og svínaeldi. Einhverjar tafir verða á skýrsluskilunum þar sem samráðshópurinn sem vinnur að skýrslugerðinni hefur verið óstarfhæfur á síðustu mánuðum.

Samráðshópunum er ætlað að móta skynsamar og rekstrarhæfar ráðstöfunarleiðir fyrir lífrænan úrgang. Gyða Pétursdóttir situr í hópnum fyrir hönd Bændasamtaka Íslands. Hún segir ljóst að truflanir á starfseminni séu mjög óheppilegar þegar ljóst sé að bæði svínabændur og landeldisfyrirtækin bíði með óþreyju eftir opinberri stefnumótun um farvegi fyrir þetta verðmæta lífræna hráefni.

Tveir fundir frá síðasta sumri

Samráðshópurinn var skipaður í júní og að sögn Gyðu fór vinnan strax í gang. Tveir fundir hafi verið haldnir á fyrstu mánuðunum en síðan hefur ekki verið fundað í hópnum.

Hún segir ástæðuna vera að Kjartan Ingvarsson, formaður hópsins, hafi skipt um starfs- vettvang og farið til Umhverfis- og orkustofnunar frá umhverfis-, orku- og loftslagsráðuneytinu. Ráðuneytið hafi ekki skipað nýjan formann og því var hópurinn óvirkur í tvo mánuði.

Gyða segir nú ljóst að starfið muni halda áfram með óbreyttu sniði og Kjartan verði áfram formaður. Boðað hafi verið til fundar í lok nóvember.

Auðlind frekar en úrgangur

Terraforming LIFE er samstarfs- verkefni Bændasamtaka Íslands, First Water Orkídeu, Ölfus Cluster og færeyska ráðgjafarfyrirtækisins SMJ. Þar er unnið að því að þróa nýja aðferð hér á Íslandi við áburðar- og lífgasframleiðslu úr lífrænum úrgangi, sem fellur til við fiskeldi á landi og í landbúnaði. Á vef Terraforming LIFE skrifar Gyða sem fulltrúi Bændasamtaka Íslands, að hlutverk hópsins sé að stuðla að samræmingu stjórnsýslu, kortleggja hindranir í regluverki og stjórnsýslu og leggja fram tillögur sem styðja við aukna nýtingu lífrænna hliðarstrauma og þróun hringrásarhagkerfis á Íslandi.

Markmiðið sé að skapa betri forsendur fyrir nýtingu verðmætra næringarefna og auðlinda sem falla til í íslenskri matvælaframleiðslu og vinna að lausnum sem draga úr sóun og styðja við aukna hringrás auðlinda.

Á vefnum segir enn fremur að skipun hópsins hafi verið jákvætt skref sem endurspegli aukna áherslu stjórnvalda á að skilgreina lífræna hliðarstrauma sem auðlind fremur en úrgang. Fyrir verkefni á borð við Terraforming LIFE skipti slík vinna miklu máli, enda geti skýrara regluverk og samræmd stjórnsýsla haft veruleg áhrif á möguleika til nýtingar hliðarstrauma á borð við fiskeldismykju.

„Það er mjög jákvætt að vinna samráðshópsins sé að fara aftur af stað. Mikilvægt er að hópurinn fái nú tækifæri til að halda vinnunni áfram og ljúka því verkefni sem honum var falið, enda eru fjölmörg úrlausnarefni fram undan varðandi aukna nýtingu lífrænna hliðarstrauma á Íslandi,“ er haft eftir Gyðu á vef Terraforming LIFE.

Skylt efni: Terraforming

66°Norður í félag við kínverskt fatafyrirtæki
Fréttir 19. nóvember 2026

66°Norður í félag við kínverskt fatafyrirtæki

Sjóklæðagerðin sem er framleiðandi og sölulaðili 66°Norður hefur stofnað til sam...

Tafir á skýrsluskilum samráðshóps
Fréttir 19. nóvember 2026

Tafir á skýrsluskilum samráðshóps

Til stóð að skýrslu yrði skilað til umhverfis-, orku- og lofts- lagsráðherra 15....

Engin alvarleg frávik á svínabúinu
Fréttir 19. nóvember 2026

Engin alvarleg frávik á svínabúinu

Engin alvarleg frávik frá reglum um velferð svína komu fram í eftirlitsheimsókn ...

Unnið gegn efnahagslegum hvötum sem hafa skaðleg áhrif á náttúruna
Fréttir 18. nóvember 2026

Unnið gegn efnahagslegum hvötum sem hafa skaðleg áhrif á náttúruna

Svokölluð Yerevan áætlun var samþykkt á þingi aðildarríkja um samning Sameinuðu ...

Nýtt fræhús á Vöglum
Fréttir 18. nóvember 2026

Nýtt fræhús á Vöglum

Nýtt fræhús á Vöglum í Fnjóskadal var formlega afhent Land og skógi af Jóhanni P...

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...