Vinsamlegast athugið að þetta efni er eldra en 9 ára.
Sýklalyfjaónæmi mikið samkvæmt nýrri skýrslu
Fréttir 23. febrúar 2017

Sýklalyfjaónæmi mikið samkvæmt nýrri skýrslu

Höfundur: Vilmundur Hansen

Matvælaöryggisstofnun Evrópu (EFSA) og Sóttvarnastofnun Evrópu (ECDC) gáfu út nýja skýrslu um sýklalyfjaónæmi í bakteríum sem finnast í mönnum, dýrum og matvælum.

Í skýrslunni kemur fram að sýklalyfjaónæmar bakteríur sýni áfram ónæmi fyrir algengum sýklalyfjum og undirstrika að lýðheilsu og dýraheilbrigði stafar hætta af sýklalyfjaónæmi.

Áætlað er að sýkingar af völdum sýklalyfjaónæmra baktería valdi um 25 þúsund dauðsföllum í Evrópu á ári hverju.

Á heimasíðu Matvælastofnunnar segir í frétt í tengslum við útgáfu skýrslunnar að athygli veki að sýklalyfjaónæmi er mjög mismunandi eftir löndum og svæðum innan Evrópu. Almennt er ónæmi algengara í suður- og austurhluta Evrópu miðað við norður- og vesturhluta Evrópu.

Á Íslandi er ónæmi hjá mönnum og dýrum almennt lægra en í öðrum Evrópulöndum. Hingað til hefur sýklalyfjaónæmi ekki verið skoðað í matvælum hér á landi, innlendum sem og innfluttum, og því lítið vitað um tíðni ónæmra baktería í þeim.

Velferðarráðuneytið setti á laggirnar starfshóp á árinu 2016 í samvinnu við atvinnuvega- og nýsköpunarráðuneytið og Tilraunastöð Háskóla Íslands í meinafræði að Keldum. Starfshópurinn fékk það hlutverk að koma með tillögur að aðgerðum til að stemma stigu við útbreiðslu sýklalyfjaónæmis á Íslandi og er von á niðurstöðunum á næstu vikum.

Matvælastofnun heldur málþing um sýklalyfjaónæmi örvera í mönnum, dýrum og matvælum mánudaginn 15. maí í tengslum við heimsókn forstjóra EFSA til Íslands þar sem m.a. verða kynntar niðurstöður mælinga á sýklalyfjaónæmi í Evrópu. Málþingið verður auglýst síðar en nánari upplýsingar um skýrsluna og sýklalyfjaónæmi má nálgast hér að neðan.


Fréttatilkynning EFSA

Skýrsla Evrópusambandsins um sýklalyfjaónæmi baktería í mönnum, dýrum og matvælum árið 2015

Upplýsingagátt EFSA og ECDC um sýklalyfjaónæmi í Evrópu

Kennslumyndband um notkun upplýsingagáttar EFSA og ECDC um sýklalyfjaónæmi í Evrópu

Skýrsla um sölu sýklalyfja í Evrópu - frétt Matvælastofnunar frá 20.10.16

Lyfjaþol í Evrópu 2014 - frétt Matvælastofnunar frá 29.02.16

Sýklalyfjaþol baktería sem geta borist milli manna og dýra - frétt Matvælastofnunar frá 18.02.16

Norrænn fundur um sýklalyfjaþol - frétt Matvælastofnunar frá 17.11.14


 

Skylt efni: sýklalyfjaónæmi | Mast

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...