Vinsamlegast athugið að þetta efni er eldra en 5 ára.
Stuðningsgreiðslur til bænda staðfestar
Mynd / Bbl
Fréttir 19. maí 2020

Stuðningsgreiðslur til bænda staðfestar

Höfundur: Ritstjórn

Þrjár ákvarðanir Matvælastofnunar um stuðningsgreiðslur til bænda, sem kærðar voru til atvinnuvega- og nýsköpunarráðuneytisins, hafa verið staðfestar af ráðuneytinu. 

Í tilkynningu úr ráðuneytinu kemur fram að úrskurðirnir tengist allir Búnaðarstofu Matvælastofnunar en hún var lögð niður í lok árs 2019 og verkefni hennar færð til atvinnuvega- og nýsköpunarráðuneytisins.

„Matvælastofnun synjaði sauðfjárbónda á Norðurlandi um sérstakan svæðisbundinn stuðning.

Samkvæmt gildandi reglugerð var eitt af skilyrðum þess að geta fengið slíkan stuðning að bóndi ætti 300 vetrarfóðraðar kindur eða fleiri skv. haustskýrslu næstliðið haust.  Kærandi uppfyllti ekki þetta skilyrði. 

Kærandi benti þá á að skv. reglugerðinni gilti sérregla um bændur í Árneshreppi á Ströndum en þeim dugði að eiga 100 vetrarfóðraðar kindur.  Taldi hann sig búa á sambærilegu afskekktu svæði og ætti þar af leiðandi að eiga sama rétt.  Matvælastofnun taldi sig hins vegar ekki hafa heimild til að fara út fyrir heimildir reglugerðarinnar og á það féllst ráðuneytið.

Nýliðunarstuðningur fyrir kúabú

Hjón sem ráku saman kúabú sóttu um nýliðunarstuðning. Við mat umsókna aðila í sambúð fór stigagjöf fram skv. vinnureglum stofnunarinnar þar sem ákveðnir þættir eru metnir sameiginlega en aðrir á einstaklingsgrundvelli. Við mat einstaklinga miðar stuðningurinn við þann sem fær fleiri stig.  

Hjónin kröfðust þess hins vegar að styrkleikar beggja umsækjenda yrðu metnir samanlagt sem hefði leitt til hærri greiðslu. Ráðuneytið féllst hins vegar á afgreiðslu Matvælastofnunar.

Stuðningsbætur til sauðfjárbænda vegna kjaraskerðingar

Eigendaskipti urðu á bújörð haustið 2017. Í janúar 2019 tók gildi reglugerð um sérstakar stuðningsgreiðslur til sauðfjárbænda til að draga úr kjaraskerðingu sauðfjárbænda á árinu 2018 fyrir dilkakjötsframleiðslu ársins 2017.

Matvælastofnun greiddi hinum nýju eigendum þessar stuðningsgreiðslur en fyrri eigendur jarðarinnar töldu sig eiga rétt á þeim. Þeir uppfylltu hins vegar ekki það skilyrði reglugerðarinnar þegar reglugerðin var sett að vera skráðir eigendur umrædds lögbýlis og ráku ekki sauðfjárbú þar.  Reglugerðin gerði ekki ráð fyrir að fullnægjandi væri að kærendur hafi uppfyllt skilyrði áður en til úthlutunar kom sem kærendur gerðu vissulega hluta árs 2017. Afgreiðsla Matvælastofnunar var því staðfest,“ segir í tilkynningu ráðuneytisins.

Óbreytt stjórn hjá SAFL
Fréttir 22. maí 2025

Óbreytt stjórn hjá SAFL

Aðalfundur Samtaka fyrirtækja í landbúnaði (SAFL) var haldinn 8. maí sl. í Húsi ...

Búvörulögin voru löglega sett
Fréttir 21. maí 2025

Búvörulögin voru löglega sett

Hæstiréttur hefur í dag snúið við dómi Héraðsdóms Reykjavíkur sem hafði komist a...

Þurfum við tolla á íslensk matvæli?
Fréttir 21. maí 2025

Þurfum við tolla á íslensk matvæli?

Samhliða umræðu um aukinn innflutning á kjöti og osti hafa komið fram áhyggjur a...

Unnt að draga úr lykt af kúamykjuáburði
Fréttir 21. maí 2025

Unnt að draga úr lykt af kúamykjuáburði

Unnt er að blanda kúamykju með hreinsiefnum og nýta sem áburð. Lyktin er minni, ...

Nám í skapandi sjálfbærni á háskólastig
Fréttir 20. maí 2025

Nám í skapandi sjálfbærni á háskólastig

Námi í skapandi sjálfbærni á Hallormsstað verður frá og með næsta hausti haldið ...

Stuðlagil fékk hæsta styrkinn
Fréttir 20. maí 2025

Stuðlagil fékk hæsta styrkinn

Alls hlutu 28 verkefni styrk úr Framkvæmdasjóði ferðamannastaða en heildarupphæð...

Hátt hlutfall óholls matar
Fréttir 20. maí 2025

Hátt hlutfall óholls matar

Næstum helmingur orkunnar í fæðu fullorðinna Íslendinga á aldrinum 18–80 ára kem...

Nýr forstöðumaður byggingarsviðs
Fréttir 19. maí 2025

Nýr forstöðumaður byggingarsviðs

Límtré-Vírnet ehf. hefur ráðið Gísla Símonarson sem forstöðumann byggingarsviðs....