Vinsamlegast athugið að þetta efni er eldra en 3 ára.
Sterk staða íslensks kjúklinga- og svínakjöts
Mynd / smh
Fréttir 13. júní 2019

Sterk staða íslensks kjúklinga- og svínakjöts

Höfundur: Ritstjórn

„Þessar niðurstöður sýna sterka stöðu íslensks svínakjöts og kjúklingakjöts. Í sýnum úr íslensku kjúklinga- og svínakjöti fannst hvorki salmonella né kampýlóbakter“ segir Guðrún Tryggvadóttir formaður Bandasamtaka Íslands um niðurstöður skimunar Matvælastofnunar fyrir sjúkdómsvaldandi bakteríum í kjöti.  

„Þetta eru mjög jákvæðar niðurstöður og til marks um hversu sterkar þessar greinar standa hér á landi og að sú áhersla sem lögð á þessi mál af hálfu bænda hefur skilað árangri,“ segir Guðrún.

Matvælastofnun birti í gær niðurstöður skimunar fyrir algengustu sjúkdómsvaldandi örverum í kjöti á markaði. Tilgangur skimunarinnar var að kanna stöðu sjúkdómsvaldandi örvera í afurðum þegar neytandinn fær þær í hendur og fór því sýnatakan fram í verslunum. Eins og fram kemur í skýrslunni náði skimunin til helstu sjúkdómsvaldandi örvera sem líklegt er að finna í kjöti þ.e.  salmonellu í svínakjöti, kampýlóbakter  og salmonellu í kjúklingakjöti og shigatoxínmyndandi E.coli (STEC) í nautgripa- og kindakjöti.

Munu beita sér fyrir frekari rannsóknum

Niðurstöður skimunarinnar leiddu í ljós að STEC finnst á kjöti af sauðfé og nautgripum en slíkar skimanir á kjötvörum í verslunum hafa ekki verið framkvæmdar áður hérlendis. Einnig var kannað hvort fimm algengustu sermisgerðir STEC væru til staðar í jákvæðum sýnum og fundust þrjár þeirra en ekki sú sem veldur algengustu hópsýkingum af völdum E. coli í heiminum.

Guðrún segir ljóst að þessar niðurstöður sýni, eins og fram kemur í skýrslunni, að það þarf að rannsaka þessi mál betur og skerpa á fyrirbyggjandi aðgerðum í sláturhúsum og kjötvinnslum. „Bændasamtökin munu beita sér fyrir því Matvælastofnun rannsaki þessi mál enn frekar. Frekari rannsóknir eru mikilvægar til þess að leiða í ljós hvort bakteríurnar eru, í einhverjum tilfellum, til staðar í sjúkdómsvaldandi magni, en þær niðurstöður sem nú eru kynntar sýna eingöngu hvort þær finnast eða ekki,“ segir Guðrún og heldur áfram: „Það væri einnig í þessu tilfelli áhugavert að hafa samanburð við önnur lönd í Evrópu, en iðrasýkingar af völdum STEC eru afar fátíðar hér á landi í samanburði við önnur lönd og er tíðni þeirra hér á landi til dæmis með því lægsta sem gerist í Evrópu þrátt fyrir að skimun Matvælastofnunar hafi sýnt fram á algengi þeirra á kjöti.“

Mikilvægar upplýsingar sem stuðla að úrbótum

Guðrún segir það mikilvægt að Matvælastofnun framkvæmi skimanir af þessu tagi og fagnar því að nú hafi í fyrsta skipti verið skimað eftir STEC. „Það er afar mikilvægt að fá upplýsingar sem þessar því þær hjálpa okkur, og ekki síst kjötvinnslum, að bæta úr þar sem það þarf,“ segir hún. 

Kjötskortur, hvað?
Fréttir 24. mars 2023

Kjötskortur, hvað?

Sé horft til ásetningsfjölda gripa á landinu er fyrirsjáanlegt að framboð á kjöt...

Vilja framtíðarsýn frá stjórnvöldum
Fréttir 24. mars 2023

Vilja framtíðarsýn frá stjórnvöldum

Aðalfundur deildar svínabænda Bændasamtaka Íslands var haldinn í Saltvík 16. mar...

Um 5% fækkun sauðfjár
Fréttir 24. mars 2023

Um 5% fækkun sauðfjár

Samkvæmt bráðabirgðaniðurstöðum úr matvælaráðuneytinu hefur orðið um fimm prósen...

Framleiðslan heldur dampi þrátt fyrir fækkun búa
Fréttir 24. mars 2023

Framleiðslan heldur dampi þrátt fyrir fækkun búa

Tvö eggjabú munu hætta framleiðslu í júní nk. Formaður deildar eggjabænda segir ...

Áburðarframleiðsla á döfinni
Fréttir 23. mars 2023

Áburðarframleiðsla á döfinni

Á Búnaðarþingi mun Þorvaldur Arnarsson, verkefnastjóri hjá Landeldi hf., kynna v...

Bændur ræddu brýn málefni við ráðherra
Fréttir 23. mars 2023

Bændur ræddu brýn málefni við ráðherra

Matvælaráðherra fundaði með eyfirskum bændum síðastliðið sunnudagskvöld í mötune...

Íslenskt fiskinasl útnefnt besta sjávarafurðin
Fréttir 23. mars 2023

Íslenskt fiskinasl útnefnt besta sjávarafurðin

Á mánudaginn var hið íslenska Næra fiskinasl frá Responsible Foods útnefnt besta...

Ekki féhirðir annarra
Fréttir 23. mars 2023

Ekki féhirðir annarra

Þórarinn Skúlason og Guðfinna Guðnadóttir, bændur á Steindórsstöðum, eru á meðal...