Vinsamlegast athugið að þetta efni er eldra en 2 ára.
Ef halda á áfram að fækka bæði sjúkrabílum og lögreglu er best að fara að panta kistuna strax. Þá er kannski ekki verra að maður sé þokkalega sáttur við þær umbúðir.
Ef halda á áfram að fækka bæði sjúkrabílum og lögreglu er best að fara að panta kistuna strax. Þá er kannski ekki verra að maður sé þokkalega sáttur við þær umbúðir.
Öryggi, heilsa og umhverfi 25. janúar 2019

Stefnir í stórslys?

Höfundur: Hjörtur L. Jónsson
Eftir jól varð alvarlegt slys á einbreiðri brú á Suðurlandi sem sló alla þjóðina harmi. Í framhaldi af því komu fréttir að fækka ætti sjúkraflutningamönnum á Suðurlandi seinna á þessu ári. Það virðist með ólíkindum að alltaf sé verið að skera niður í þeirri þjónustu sem alls ekki má skera niður í, samanber sjúkraflutningamönnum og sjúkrabílum. 
 
Með svona aðgerðum mætti halda að ráðamenn líti á fólk sem býr á landsbyggðinni sem fólk sem hreinlega má missa sín. Nær væri að fjölga sjúkrabílum og sjúkraflutningamönnum á landsbyggðinni, en talning umferðar sýnir það svart á hvítu að miðað við þann fjölda fólks sem býr á landsbyggðinni plús ferðalanga sem keyra daglega um landið mætti sennilega tvöfalda fjölda sjúkrabíla og sjúkraflutningamanna.
 
Fréttir af slysum og aðkomu að þeim undarlega fluttar
 
Ef rétt væri sagt frá fréttum af slysum mundu eflaust fleiri skilja þörfina fyrir fleiri sjúkrabíla á landsbyggðinni. Það þarf að segja nánar frá klukkugangi slyss: 
 
Fyrstur á staðinn var lögreglu­þjónn sem kom 35 mínútum eftir að tilkynnt var um slysið í gegnum síma. Myndu ráðherrar eða aðrir ráðamenn sætta sig við að 35 mínútur tæki sjúkrabíl að koma til þeirra? Nei, örugglega hvorki þeir né aðrir. Samt er þetta veruleikinn sem landsbyggðin þarf að búa við eins og alltaf, þrátt fyrir margföldun af ferðamönnum í þeirra heimasveit án þess að fá neina aukaþjónustu. Ef fjölmiðlar segðu frá hversu langan tíma það tekur að fá sjúkrabíl á slysstað á landsbyggðinni sér öll þjóðin hversu alvarleg staða landsbyggðarinnar er í slysaþjónustu.
 
Álagið á lögreglumenn eykst stöðugt
 
Undanfarin ár hefur lögreglumönnum hlutfallslega verið að fækka og eru þeir hlutfallslega mun færri á hvern íbúa í landinu nú en fyrir 20–40 árum. Þá voru örfáir ferðamenn miðað við ferðamannafjöldann sem er nú í landinu allt árið um kring. 
 
Á dögunum kom frétt um að umferðarbrotum á Suðurlandi hefði fækkað um 61% á síðasta ári. Eru ekki bara of fáir lögreglumenn sem eru svo önnum kafnir við önnur brýnni störf og dauðþreyttir sem ekki hafa orku og tíma í að elta brotamenn í umferðinni?
 
Í spjalli við lögreglumann sem er á Norðurlandi sagði hann mér að hann væri eini lögreglumaðurinn á sínu svæði. Þó ekki sé mannmergð í umdæmi hans varð mér hugsað til allra vegalengdanna sem hann þarf að keyra í sínu starfi. Eftir þetta stutta spjall við lögreglumanninn skil ég betur hvers vegna störf lögreglumanna eru orðin þau hættulegustu á landinu. Álag, streita og mikil vinna á fólki sem er í raun alltaf á vakt, allan sólarhringinn, allt árið um kring. Allavega skildi ég vel að varla hefur þessi lögreglumaður orku og tíma til að sinna umferðarlagabrotum og eftirliti og engin furða að skráðum lögbrotum hafi fækkað um 25% á Norðurlandi ef ástandið er svona.
 
Er markmið stjórnvalda að þvinga landsbyggðina til að gefast upp og flytja í þéttbýlið?
 
Það er ekki skrítið að maður hugsi sem svo að það hljóti að vera markmið stjórnvalda að þvinga landsbyggðina til að gefast upp. Allavega eru ekki margir sem vilja búa við það að þurfa að bíða eftir lögreglu og sjúkrabíl í nærri klukkustund þegar slys verður. Við svoleiðis þjónustu er varla búandi, en það versta er að alltaf þarf að fórna mannslífi eða mannslífum til að endurbætur á því sem öllum er ljóst að er óásættanlegt sé lagað. Þó að ég sem þetta skrifa búi við tiltölulega öruggt umhverfi í Reykjavík þá virkilega sárnar mér þjónustuleysið og óöryggið sem landsbyggðarfólk má búa við.  
Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...